កម្ពុជាទទួលរងនូវឥទ្ធិពលបាតុភូតឈ្មោះឡានីណា
- បន្ទាយមានជ័យ
ខេត្តបន្ទាយមានជ័យ ៖ នៅរសៀលថ្ងៃ៥រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៦ ខែមីនា ឆ្នាំ២០១៨…
ខេត្តបន្ទាយមានជ័យ ៖ នៅរសៀលថ្ងៃ៥រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៦ ខែមីនា ឆ្នាំ២០១៨…
ខេត្តបន្ទាយមានជ័យ ៖ នៅរសៀលថ្ងៃ៥រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៦ ខែមីនា ឆ្នាំ២០១៨ ស្ថិតក្នុងភូមិសាស្ត្រស្រុកម៉ាឡៃ ខេត្តបន្ទាយមានជ័យ បានរងគ្រោះដោយខ្យល់ កន្ត្រាក់បក់កួចយ៉ាងខ្លាំងជាលើកដំបូង បណ្តាលឱ្យរងការខូចខាតលំនៅដ្ឋានរបស់ប្រជាពលរដ្ឋ និងសាលារៀនសរុបចំនួន១១ខ្នង បាក់ និងប៉ើងដំបូលស័ង្កសី ដើមឈើតូចធំមួយចំនួនរងការដួល រលំផងដែរ។ ខណៈដែលមានធ្លាក់ភ្លៀងមួយមេយ៉ាងធំលាយឡំនឹងផ្គររន្ទះ ដោយមានខ្យល់បក់បោកប៉ះចំ ខេត្តបន្ទាយមានជ័យ។ ក្នុងខណៈដែលកម្ពុជាត្រូវបានក្រសួងធនធានទឹក និងឧត្តុនិយមព្យាករណ៍ឱ្យដឹង ថា ខេត្តចំនួន៧អាចនឹងមានភ្លៀងកក់ខែរយៈពេល៣ថ្ងៃ ចាប់ចន្លោះពីថ្ងៃទី៦រហូតដល់ថ្ងៃទី៩ខែមីនា ឆ្នាំ២០១៨នេះ ដែលមាន៖ ខេត្តកោះកុង កំពង់ស្ពឺ ពោធិ៍សាត់ បាត់ដំបង ប៉ៃលិន បន្ទាយមានជ័យ និងសៀមរាប។
មិនតែប៉ុណ្ណោះកម្ពុជា ចាប់ពីខែមីនានេះ រហូតដល់ខែមិថុនា នឹងរងឥទ្ធិពលបាតុភូត ឡានីណាដែលនឹងនាំឲ្យកម្ពុជាសម្បូរការធ្លាក់ភ្លៀងធ្លាក់រាយប៉ាយពេញផ្ទៃប្រទេសផងដែរ។ មន្ត្រីនគរបាលការពារព្រំដែនគោកលេខ៨១៥ឱ្យដឹងថា ខ្យល់កន្ត្រាក់លាយឡំជាមួយនឹងភ្លៀងផ្គររន្ទះ ខ្យល់បក់បោកប៉ះចំឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ ក្នុងនោះបណ្តាលឱ្យផ្ទះប្រជាពលរដ្ឋ ១០ខ្នងរងការខូចខាតធ្ងន់ និងស្រាល ក្នុងនោះខូចខាតធ្ងន់៣ខ្នង របើកដំបូលទាំងស្រុង, ខូចខាតស្រាល ៧ខ្នង និងសាលារៀនបឋមសិក្សាមួយខ្នងក្នុងឃុំអូរស្រឡៅក៏រងការបើកដំបូលនោះដែរ។ សេចក្តីររាយការណ៍ ឱ្យដឹងទៀតថា ខ្យល់កន្ត្រាក់នោះមិនបង្កឱ្យគ្រោះថ្នាក់រងរបួសឬប៉ះអាយុជវីតរបស់ ប្រជាពលរដ្ឋណាម្នាក់នោះឡើយ។
ក្រោយពីកើតហេតុការណ៍ខ្យល់កន្ត្រាក់បង្កឱ្យរងការខូចខាតផ្ទះ ប្រជាពលរដ្ឋ និងសាលារៀននៅស្រុកម៉ាឡៃ នៅព្រឹកថ្ងៃ៦រោច ខែផល្គុន ឆ្នាំរកានព្វស័ក ព.ស២៥៦១ ត្រូវនឹងថ្ងៃទី៧ ខែមីនា ឆ្នាំ២០១៨ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមាន ជ័យ បានចាត់លោកវរសេនីយ៍ឯក ឈិត លី មេបញ្ជាការនគរបាលការពារព្រំដែនគោកលេខ៨១៥ និងលោកអធិការនគរបាលស្រុកម៉ាឡៃ ដឹកនាំកម្លាំងនគរបាលមួយក្រុមមានគ្នាជិត៥០នាក់ មកពីអង្គភាពវរៈសេនាតូចការពារព្រំដែនគោកលេខ៨១៥ និងកម្លាំងនគរបាលស្រុកម៉ាឡៃ បានចុះទៅដល់កន្លែងកើតហេតុជួយរុះរើផ្ទះប្រជាពលរដ្ឋរងការខូចខាត និងចាប់ផ្តើមកសាងជួសជុល ជូនប្រជាពលរដ្ឋឡើងវិញ ក្នុងនោះលោកឧត្តមសេនីយ៍ស្នងការក៏បានឧបត្ថម្ភស័ង្កសីប្រក់ផ្ទះជាច្រើន សន្លឹក ជូនប្រជាពលរដ្ឋរងគ្រោះដោយខ្យល់កន្ត្រាក់នេះ ដើម្បីចូលរួមដោះស្រាយ និងកាត់បន្ថយ ការលំបាក របស់បងប្អូនប្រជាពលរដ្ឋទាំង១០គ្រួសារ កំពុងប្រឈមខ្វះខាតទីជម្រកនេះដែរ៕
ចែករំលែកព័តមាននេះ