ខេត្តរតនគិរី ៖ រថយន្ដម៉ាកតូយូតាតាកូម៉ា ពណ៌ទឹកប្រាក់ មួយគ្រឿងបើកបរល្បឿនលឿនបាត់ម្ចាស់ការ និងងងុយដេកបានក្រឡាប់ជាច្រើនត្រលប់ដោយខ្លួនឯងបង្កឱ្យបុកបង្គោលភ្លើងមួយដើមបាក់គៀបមុនុស្សជាប់ក្នុងនោះ និងរងរបួសធ្ងន់ស្រាលពីរនាក់ ។
ហេតុកាណ៍រថយន្តក្រឡាប់បុកបង្គោលភ្លើងនោះ បានកើតឡើងនៅវេលាទៀបភ្លឺម៉ោង០៤និង១៥នាទីព្រឹក ថ្ងៃទី០៦ ខែមីនា ឆ្នាំ២០១៨ លើកណាត់ផ្លូវជាតិលេខ៧៨ ស្ថិតក្នុងភូមិ១ សង្កាត់កាចាញ ក្រុងបានលុង ខេត្តរតនគិរី មានទិសដៅពីកើតទៅលិច ។
មន្ត្រីនគបាលចរាចរណ៍ផ្លូវគោកបានឱ្យដឹងថា រថយន្តបានរងការខូចខាតយ៉ាងដំណំស្ទើរទាំងស្រុង និងបង្កឱ្យមានមនុស្សរងរបួសធ្ងន់ម្នាក់ និងស្រាលម្នាក់ហើយបុកបង្គោលភើងគៀបជាប់បាក់ចំនួន១ដើមទៀតផង ។ ប្រភពបន្តថា រថយន្តក្រឡាប់បុកផ្ទប់បង្គោលភ្លើងនោះម៉ាក TACOMA (តូយូតាតាកូម៉ា) ពណ៌ទឹកប្រាក់ ពាក់ផ្លាកលេខ ភ្នំពេញ ២L-៤២៥៣ ។
ហើយបើកបរដោយឈ្មោះ ណាំ នី ភេទប្រុស អាយុ៤១ឆ្នាំ មុខរបរដឹកត្រី រស់នៅភូមិថ្មីសង្កាតឡាបានសៀក ក្រុងបានលុង ខេត្តរតនគិរី (រងរបួសស្រាល) ។ អ្នករួមដំណើរឈ្មោះ ឆាន សារឿន ភេទប្រុស អាយុ៣១ឆ្នាំ ជនជាតិខ្មែរ ជាព្រូរថយន្ដ រស់នៅភូមិឃុំខាងលើជាមួយអ្នកបើកបរ (រងរបួសបាក់.កជើងខាងស្តាំ និងរលាត់មុខ) ។
សមត្ថកិច្ចចរាចរណ៍និយាយថា មូលហេតុបើកបរមានល្បឿនលឿនហួសកំណត់បាត់បង់ម្ចាស់ការ ជាន់អូសទាញទើបក្រឡាប់ជ្រុលទៅបុកបង្គោលភ្លើងតែម្តង ។ ក្រោយពីកើតហេតុ ជំនាញបានវាស់វែងត្រួតពិនិត្យកន្លែងកើតហេតុ រួចជំនាញបានស្ទូចរថយន្តរងគ្រោះថ្នាក់នោះ មករក្សារទុកនៅការិយាល័យចរាចរណ៍ផ្លូវគោក នៃស្នងការរដ្ឋាននគបាលខេត្តរតនគិរី ដើម្បីធ្វើកំណត់ហេតុរងចាំដោះស្រាយតាមនីតិវិធីពេលក្រោយ ។ អ្នករងរបួសទាំងពីនាក់កំពុងសម្រាកព្យាបាលនៅមន្ទីពេទ្យបង្អែកខេត្ត ៕
ចែករំលែកព័តមាននេះ