ខេត្តប៉ៃលិន ៖ រហូតមកដល់ពេលនេះនៅត្រង់ចំណុចផ្លូវជាតិលេខ១០ចាស់ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅដែលជាកន្លែងធ្លាប់តែត្រូវបានប្រជាពលរដ្ឋលួចយកសំរាមទៅបោះចោល យ៉ាងអនាធិបតេយ្យត្រូវបានអាជ្ញាធរភូមិរៀបចំសាងសង់ប៉ុស្តិ៍ចាំយាមរបស់ប្រជាការពារភូមិ ដើម្បីដាក់កម្លាំងឱ្យចាំទប់ស្កាត់ កុំឱ្យបន្តយកសំរាមទៅបោះចោលបន្តទៀត ។…
ខេត្តប៉ៃលិន ៖ រហូតមកដល់ពេលនេះនៅត្រង់ចំណុចផ្លូវជាតិលេខ១០ចាស់ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅដែលជាកន្លែងធ្លាប់តែត្រូវបានប្រជាពលរដ្ឋលួចយកសំរាមទៅបោះចោល យ៉ាងអនាធិបតេយ្យត្រូវបានអាជ្ញាធរភូមិរៀបចំសាងសង់ប៉ុស្តិ៍ចាំយាមរបស់ប្រជាការពារភូមិ ដើម្បីដាក់កម្លាំងឱ្យចាំទប់ស្កាត់ កុំឱ្យបន្តយកសំរាមទៅបោះចោលបន្តទៀត ។
ព័ត៌មានពីលោក មាស សាវ៉ាត មេភូមិផ្សារព្រំបានឱ្យដឹងថា ត្រង់កន្លែងបោះចោលសំរាម អនាធិបតេយ្យជាយូរមកហើយ នៅក្បែរចិញ្ចើមផ្លូវលំមួយ នៅក្នុងភូមិផ្សារព្រំ ដែលជាកន្លែងប្រជាពលរដ្ឋលំបាកធ្វើដំណើរបើកបរម៉ូតូចេញចូលទៅមក ព្រោះមានគេយកសំរាមជាច្រើនដូចជា កាកសំណល់បន្លែផ្ទះបាយ ស្រកាត្រី សំបកកំប៉ុង សំបកដប ដែលបង្កក្លិនស្អុយអាសោចដល់អ្នករស់នៅក្បែរនោះ ខាងលោកបានរៃអង្គាសថវិកាយកទៅសាងសង់រោងប៉ុស្តិ៍ប្រជាការពារភូមិហើយ ។
លោកបន្តទៀតថា បន្ទាប់ពីចាប់ផ្តើមសង់ជិតរួចរាល់មិនសូវមានអ្នកហ៊ានលួចយកសំរាមទៅបោះចោលផ្តេសផ្តាសនោះទេ ដោយកាលពីពេលថ្មីៗនេះ មានប្រជាពលរដ្ឋចំនួន២នាក់ បាននាំគ្នាលួចយកសំរាមទៅបោះចោលក្បែរប៉ុស្តិ៍របស់លោក នាពេលយប់ដែរ រួចក៏ចាត់កម្លាំងឱ្យដេញស្ទាក់ចាប់ ប៉ុន្តែដោយសារពេលយប់ លំបាកក្នុងការមើលក៏បណ្តាលឱ្យគេចខ្លួនបាត់ស្រមោលតែម្តង ។ ភាគច្រើនប្រជាពលរដ្ឋដែលយកសំរាមទៅបោះចោលនៅត្រង់ចំណុចខាងលើ គឺចេញពីចំណុចសំបុកចាប ក្នុងភូមិផ្សារព្រំដដែល បើទោះបីជាខាងអាជ្ញាធរភូមិខិតខំប្រឹងប្រែងណែនាំយ៉ាងណា ក៏គេមិនស្តាប់តាមនោះដែរ ។
លោកមេភូមិបញ្ជាក់ថា ការសង់ប៉ុស្តិ៍ប្រជាការពារភូមិនេះ ដើម្បីដាក់កម្លាំងឱ្យដេកចាំយាមទប់ស្កាត់ កុំឱ្យជនខិលខូចបន្តយកកាកសំណល់ទៅបោះចោល អនាធិតេយ្យបន្តនៅក្បែរផ្លូវ ហើយការសង់ប៉ុស្តិ៍នេះ ក៏អាចជាកន្លែងងាយស្រួលក្នុងការជួយដោះស្រាយជូនប្រជាពលរដ្ឋ ដែលមានបញ្ហាតិចតួច ជាបឋមមុននឹងឈានទៅដល់ផ្ទះរបស់លោកមេភូមិផងដែរ ៕
ចែករំលែកព័តមាននេះ