ខេត្តរតនគិរី ៖ កម្លាំងអធិការនគរបាលក្រុងបានលុងបានធ្វើការឃាត់ខ្លួនជនសង្ស័យចំនួន០៣នាក់ពីបទប្រើប្រាស់គ្រឿងញៀន ។ ការឃាត់ខ្លួនជនសង្ស័យ០៣នាក់នេះបានធ្វើឡើងនៅវេលាម៉ោង១២និង៣០នាទី ថ្ងៃទី ៣ ខែមីនា ឆ្នាំ២០១៨ នៅចំណុចផ្ទះជួលឈ្មោះ ថោង គឹមឈុន ស្ថិតក្នុងភូមិអូររមៀត សង្កាត់ឡាបានសៀក ក្រុងបានលុង ខេត្តរតនគិរី ។
ជនសង្ស័ទាំង៣នាក់ទី១-ឈ្មោះ យូក សា ភេទប្រុស អាយុ៤០ឆ្នាំ, ទី២-ឈ្មោះ កូប រូសាត ភេទប្រុស អាយុ៣០ឆ្នាំ និងទី៣-ឈ្មោះ ទីន រូសេត អាយុ៣៤ឆ្នាំ ទាំង៣នាក់ជាជនជាតិអ៊ីស្លាម រស់នៅភូមិថ្មី សង្កាត់ឡាបាសៀក ក្រុងបានលុងជាមួយគ្នា ហើយសមត្ថកិច្ចដកហូតម៉ូតូសេ១២៥ ពណ៍ខ្មៅ មួយគ្រឿង ម៉ូតូស៊ីរូស ពណ៍ខ្មៅ មួយគ្រឿង ទូរស័ព្ទសាំសុងមួយគ្រឿង អិនចុចពិល០២គ្រឿង កាបូបលុយ០២ លុយខ្មែរចំនួន១៣៨៥០០រៀល និងឧបករណ៍សំរាប់សេពគ្រឿងញៀនមួយចំនួន ។ ជនសង្ស័យទាំង០៣នាក់សមត្ថកិច្ចឃាត់ខ្លួនជាបណ្តោះអាសន្ននៅអធិការដ្ឋានក្រុងបានលុងដើម្បីកសាងសំណុំរឿងបញ្ជូទៅសាលាដំបូងខេត្ត ៕
ចែករំលែកព័តមាននេះ