ខេត្តរតនគីរី ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ចុះឆក់ត្រី ស្រាប់តែភ្លាត់ស្នៀតឆក់ខ្លួនឯងស្លាប់ភ្លាមៗ មួយរំពេចនៅវេលាម៉ោង៥និង៣០នាទីល្ងាច ថ្ងៃសុក្រ ទី០២ ខែមីនា ឆ្នាំ២០១៨ ដែលស្ថិតនៅ ឃុំសាមគ្គី ស្រុកអូរជុំ ខេត្តរតនគីរី ។
ជនរងគ្រោះខាងលើដែលស្លាប់ឈ្មោះ ផ្យម ម៉ិល ភេទប្រុស អាយុ២៨ឆ្នាំ ជនជាតិទំពួន មុខរបរកសិករ មានទីលំនៅភូមិកាម៉ែន ឃុំសាមគ្គី ស្រុកអូរជុំ ខេត្តរតនគីរី ។
តាមសេចក្តីរាយការណ៍បន្តថា ក្រោយកើតហេតុសមត្ថកិច្ចបានចុះពិនិត្យសព នៅកន្លែងកើតហេតុបានសន្និដ្ឋានថា ជនរងគ្រោះពិតជា បានចុះឆក់ត្រី ហើយឆក់ខ្លួនឯងស្លាប់ពិតប្រាកដមែន ។ បន្ទាប់មកក៏បានប្រគល់សពឱ្យសាច់ញាតិ យកទៅធ្វើបុណ្យតាមប្រពៃណីជនជាតិដើមភាគតិចផងដែរ ៕
ចែករំលែកព័តមាននេះ