អគ្គិភ័យបានលេបត្របាក់ ស្ពានឈើមួយកន្លែងអស់ទាំងស្រុង
- រតនគិរី
ខេត្តរតនគិរី ៖ នៅវេលាម៉ោង២រំលងអាធ្រាត្រ ថ្ងៃសៅរ៍ ២រោច ឈានចូលថ្ងៃអាទិត្យ៣រោច ខែផល្គុន ឆ្នាំរកា នព្វស័ក ព.ស២៥៦១…
ខេត្តរតនគិរី ៖ នៅវេលាម៉ោង២រំលងអាធ្រាត្រ ថ្ងៃសៅរ៍ ២រោច ឈានចូលថ្ងៃអាទិត្យ៣រោច ខែផល្គុន ឆ្នាំរកា នព្វស័ក ព.ស២៥៦១…
ខេត្តរតនគិរី ៖ នៅវេលាម៉ោង២រំលងអាធ្រាត្រ ថ្ងៃសៅរ៍ ២រោច ឈានចូលថ្ងៃអាទិត្យ៣រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៣ឈានចូលថ្ងៃទី៤ ខែមីនា ឆ្នាំ២០១៨ នៅក្នុងភូមិ៣ ឃុំត្រពាំងក្រហម ត្រង់ចំណុចក្បែរភ្នំទទីង មានគ្រោះអគ្គិភ័យមួយបានកើតឡើង បណ្ដាលឲ្យស្ពានឈើមួយកន្លែង ត្រូចខូចខាតអស់ទាំងស្រុង។ ស្ពានដែលត្រូវភ្លើង ឆេះអស់នោះមានប្រវែង៩ម៉ែត្រ ទទឹង០៤ម៉ែត្រ ធ្វើអំពីឈើតែមិនមានបង្កាន់ដៃទេ។
តាមប្រភពបានឱ្យដឹងថា ដោយសារស្ពាននោះត្រូវភ្លើងឆេះនៅពេលយប់រំលងអាធ្រាត្រ ទើបកម្លាំងក្រុមពន្លត់អគ្គីភ័យមិនអាចទទួលបានដំណឹង ហើយក៏ត្រូវភ្លើងឆេះស្ពាននោះអស់ ទាំងស្រុងតែម្តងទៅ។ ប្រភពបានឱ្យដឹងបន្តថា ស្ពានដែលភ្លើងឆេះនោះជាស្ពាននៅលើកំណាត់ផ្លូវ ដែលបែកចេញពីផ្លូវជតិលេខ៧៨ មានចម្ងាយប្រហែល១៥គីឡូម៉ែត្រ ហេតុនេះហើយទើបរថយន្តសម្រាប់ពន្លត់អគ្គីភ័យចេញប្រតិបត្តិការមិនទាន់ ហើយក៏ទទួលព័ត៌មានបាននៅម៉ោង៥ព្រឹកទៅហើយ៕
ចែករំលែកព័តមាននេះ