ខេត្តរតនៈគិរី ៖ កម្លាំងការិយាល័យព្រហ្មទណ្ឌកម្រិតធ្ងន់ សហការចុះបង្ក្រាបក្រុមក្មេងទំនើង មួយក្រុមក្នុងដែលបម្រុងធ្វើសកម្មភាពវាយតប់កាប់គ្នានៅចំណុចទល់មុខវិមានសព។ ការចុះបង្ក្រាបក្រុមក្មេងទំនើងនេះបានធ្វើឡើង នៅវេលាម៉ោង៩ និង១៥នាទី ថ្ងៃសៅរិ៍២រោច ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៣ ខែមីនា ឆ្នាំ២០១៨ ស្ថិតនៅក្នុងភូមិទេសអន្លុង សង្កាត់បឹងកន្សែង ក្រុងបានលុង។ សមត្ថកិច្ចបានធ្វើការឃាត់ខ្លួនមុខសញ្ញាបានចំនួន៥នាក់ ក្នុងចំណោមបក្ខពួក៦នាក់ រត់គេចខ្លួនបាត់ម្នាក់។ ទាំង៥នាក់ដែលសមត្ថកិច្ចឃាត់ខ្លួនបាននោះរួមមាន៖
ទី១.ឈ្មោះ បូ វណ្ណនិត ភេទប្រុស អាយុ២១ឆ្នាំ ជនជាតិខ្មែរ មានទីលំនៅភូមិជ័យជម្នះ សង្កាត់ឡាបានសៀក ក្រុងបានលុង ខេត្តរតនគិរី ធ្វើតេស្តទឹកនោមវិជ្ជមាន។ ទី២.ឈ្មោះ ជឿ មុន្នីរត្ន័ ភេទប្រុស អាយុ២០ឆ្នាំ ជនជាតិខ្មែរ មានទីលំនៅភូមិ៤ សង្កាត់កាចាញ ក្រុងបានលុង ខេត្តរតនៈគិរី ធ្វើតេស្តទឹកនោមវិជ្ជមាន។ ទី៣.ឈ្មោះ ជា ដាវ័យ ភេទប្រុស អាយុ១៨ឆ្នាំ ជនជាតិខ្មែរ មានទីលំនៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ធ្វើតេស្តទឹកនោមអវិជ្ជមាន។ ទី៤.ឈ្មោះ វិន វណ្ណហេង ភេទប្រុស អាយុ១៨ឆ្នាំ ជនជាតិវៀតណាម មានទីលំនៅភូមិជ័យជម្នះ សង្កាត់ឡាបានសៀក ក្រុងបានលុង ខេត្តរតនគិរី ធ្វើតេស្តទឹកនោមវិជ្ជមាន។
ទី៥.ឈ្មោះ ធី គង់និត ភេទប្រុស ជនជាតិខ្មែរ មានទីលំនៅភូមិជយ័ជម្នះ សង្កាត់បឹងកន្សែង ក្រុងបានលុង ខេត្តរតនគិរី ធ្វើតេស្តទឹកនោមអវិជ្ជមាន។ ហើយសមត្ថកិច្ចរឹបអូសបានវត្ថុតាង ដាវចំនួន០២ដើម និងទូរសព្ទដៃចំនួន០៤គ្រឿង។ មុខសញ្ញាទាំង៥នាក់ និងវត្ថុតាងដែលរឹបអូស និងធ្វើការឃាត់ខ្លួនបាននោះរក្សាទុកនៅការិយាល័យប្រឆាំងគ្រឿងញៀនដើម្បីកសាងសំណុំរឿងបញ្ជូនទៅសាលាដំបូងខេត្តឲ្យព្រះរាជអាជ្ញាអនុវត្តបន្តតាមនីតិច្បាប់៕
ចែករំលែកព័តមាននេះ