ខេត្តរតនគីរី ៖ ជនសង្ស័យជាក្មេងទំនើងពីរនាក់ បង្កការអុកឡុកក្នុងកម្មវិធីប្រគុំតន្ត្រីត្រូវបានកម្លាំងសមត្ថកិច្ចនគបាលអធិការស្រុកវ៉ើនសៃ ធ្វើការឃាត់ខ្លួននៅវេលាម៉ោង២២និង២៧នាទីថ្ងៃទី២៨ ខែកុម្ភៈ ឆ្នាំ២០១៨ នៅចំណុចភូមិហ្វាំង ឃុំប៉ុង ស្រុកវ៉ើនសៃខេត្តរតនគីរី ។
ជនសង្ស័យសមត្ថកិច្ចធ្វើការឃាត់ខ្លួនទី១- ឈ្មោះ ភឿក វី ភេទប្រុស អាយុ២៧ឆ្នាំ ជនជាតិខ្មែរ ទី២-ឈ្មោះខុប សម្បត្តិ ភេទប្រុស អាយុ២១ឆ្នាំ ជនជាតិខ្មែរ ទាំងពីរនាក់មានទីលំនៅភូមិឃុំកើតហេតុខាងលើ ។
តាមប្រភពបានឱ្យដឹងថា ក្រុមក្មេងទំនើងទាំង២នាក់នោះ បានបង្កការអុកឡុក ដោយយកដាវសាម៉ូរ៉ៃដេញកាប់គ្នា ក្នុងកម្មវិធីប្រគុំតន្ត្រីស្រាបៀរនៅចំណុចភូមិហ្វាំង ឃុំប៉ុង ស្រុកវ៉ើនសៃខេត្តរតនគីរី ។
បច្ចុប្បន្នសមត្ថកិច្ចបានឃាត់ខ្លួននៅអធិការដ្ឋានស្រុកវ៉ើនសៃ ដើម្បីកសាងសំណុំរឿង បញ្ជូនខ្លួន និងវត្ថុតាងទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ