ខេត្តរតនគិរី ៖ បុរស់ម្នាក់ក្នុងចំណោម៤នាក់បានស្លាប់បាត់បង់ជីវិត ខណៈដែលពួកគេបាននាំគ្នាជិះទូកឆ្លងទៅត្រើយម្ខាងដើម្បីដើរប្រមាញ់សត្វពស់ចៃដន្យទឹកគួចលិចទូកនៅកណ្តាលទន្លេ ។ ហេតុការលិចទូចនៅកណ្តាលទន្លេបណ្តលឱ្យមានមនុស្សស្លាប់នោះបានកើតឡើងនៅវេលាម៉ោង១១និង២០នាទីព្រឹក នៅថ្ងៃទី២៨ខែកុម្ភៈ ឆ្នាំ២០១៨ នៅចំណុចទឹកជួរលាវ ស្ថិតក្នុងភូមិអូកាន ឃុំជ័យឧត្តម ស្រុកលំផាត់ ខេត្តរតនគិរី ។
នគបាលស្រុកលំផាត់បានឱ្យដឹងថា ជនរងគ្រោះដែលលិចលង់ទឹកស្លាប់នោះឈ្មោះ សយ ស្រ៊ី ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ មានទីលំនៅភូមិ-ឃុំកើតហេតុខាងលើ ។ ប្រភពបន្តថា នៅថ្ងៃកើតហេតុជនរងគ្រោះ និងបក្សពួក៣នាក់ទៀតបានបបួលនាំគ្នាជិះទូកទៅរកសត្វពស់នៅត្រើយម្ខាងទន្លេ លុះអ៊ុំទូកដល់ឆ្លងកាត់ទឹកជួរហូរខ្លាំងក៏រេទូកបុកទៅនឹងថ្មបណ្តាលក្រឡាប់ទូកលិចតែម្តង ។ ខណៈនោះបីនាក់ទៀតដែលនៅរស់នោះដោយសារបានតោងចាប់ទូកបណ្តែតខ្លួនរកកន្លែងមានសុវត្ថិភាព ដោយឡែកជនរងគ្រោះដែលស្លាប់នោះពេលកើតមានហេតុការណ៍គឺគាត់បានហែលចេញពីទូកក៏បានលង់ទឹកស្លាប់តែម្តង ។
ក្រោយពីទទួលបានព័ត៌មានជំនាញស្រុកសហការកម្លាំងប៉ុស្តិ៍ចុះពិនិត្យស្រាវជ្រាវ និងរកសាកសពលិចក្នុងទឹក ។ ហើយសាកសពត្រូវបានរកឃើញនៅវេលាម៉ោង៨នឹង០០នាទីព្រឹក ថ្ងៃទី០១ ខែមីនា ឆ្នាំ២០១៨ ត្រង់ចំណុចកំពុងទឹក ឈ្មោះ វី អណ្តែតពីកន្លែងកើតហេតុចំងាយប្រហែល៤០០ម៉ែត្រ ។ សមត្ថកិច្ចបានធ្វើការត្រួតពិនិត្យរួចកម្លាំងប៉ុស្តិ៍ និងកម្លាំងអធិការបានធ្វើកំណត់ហេតុប្រគល់សាកសពឱ្យទៅគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ