ខេត្តរតនគិរី ៖ ជនសង្ស័យជាក្មេងទំនើងពីរនាក់ បង្កការអុកឡុកក្នុងកម្មវិធីប្រគំតន្ត្រីស្រាបៀរ ត្រូវបានកម្លាំងសមត្ថកិច្ចនគបាលអធិការស្រុកវើនសៃ ធ្វើការឃាត់ខ្លួននៅវេលាម៉ោង២២និង២៧នាទី ថ្ងៃទី២៨ ខែកុម្ភៈ ឆ្នាំ២០១៨ នៅចំណុចភូមិហ្វាំង…
ខេត្តរតនគិរី ៖ ជនសង្ស័យជាក្មេងទំនើងពីរនាក់ បង្កការអុកឡុកក្នុងកម្មវិធីប្រគំតន្ត្រីស្រាបៀរ ត្រូវបានកម្លាំងសមត្ថកិច្ចនគបាលអធិការស្រុកវើនសៃ ធ្វើការឃាត់ខ្លួននៅវេលាម៉ោង២២និង២៧នាទី ថ្ងៃទី២៨ ខែកុម្ភៈ ឆ្នាំ២០១៨ នៅចំណុចភូមិហ្វាំង ឃុំប៉ុង ស្រុកវើនសៃ ខេត្តរតនគិរី ។
តាមប្រភពបានឱ្យដឹងថា ក្រុមក្មេងទំនើងទាំង២នាក់នោះបានបង្កអុកឡុកដោយយកដាវសាំម៉ូរ៉ៃដេញកាប់គ្នាក្នុងកម្មវិធីប្រគំតន្ត្រីស្រាបៀរនៅចំណុចភូមិហ្វាំង ឃុំប៉ុង ស្រុកវើនសៃ ខេត្តរតនគិរី ។ ជនសង្ស័យដែលសមត្ថកិច្ចធ្វើករឃាត់ខ្លួន ទី១.ឈ្មោះ
ភឿក វី ភេទប្រុស អាយុ២៧ឆ្នាំ ជនជាតិខ្មែរ ទី២.ឈ្មោះ ខុប សម្បត្តិ ភេទប្រុស អាយុ២១ឆ្នាំ ជនជាតិខ្មែរទាំងពីរនាក់ មានទីលំនៅភូមិឃុំកើតហេតុខាងលើ ។
បច្ចុប្បន្ន សមត្ថកិច្ចបានឃាត់ខ្លួននៅអធិការដ្ឋានស្រុកវើនសៃ ដើម្បីកសាងសំណុំរឿងបញ្ជូនខ្លួន និងវត្ថុតាងទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ