ខេត្តរតនគិរី ៖ សម្ថកិច្ចបានធ្វើការឃាត់ខ្លួនជនសង្ស័យម្នាក់ នៅវេលាម៉ោង០៦និង៣៥នាទីយប់ ថ្ងៃទី២៧ កុម្ភៈ ឆ្នាំ២០១៨ ស្ថិតក្នុងភូមិ១ ឃុំឡាមិញស្រុកបរកែវ ខេត្តរតនគិរី…
ខេត្តរតនគិរី ៖ សម្ថកិច្ចបានធ្វើការឃាត់ខ្លួនជនសង្ស័យម្នាក់ នៅវេលាម៉ោង០៦និង៣៥នាទីយប់ ថ្ងៃទី២៧ កុម្ភៈ ឆ្នាំ២០១៨ ស្ថិតក្នុងភូមិ១ ឃុំឡាមិញស្រុកបរកែវ ខេត្តរតនគិរី និងបន្តតាមចាប់រហូតដល់ម៉ោង១២និង០០នាទីយប់ ថ្ងៃខែឆ្នាំដដែល ទើបចាប់បានមួយមុខសញ្ញាម្នាក់ទៀតបាន ។
តាមប្រភពពីអធិការស្រុកលំផាត់បានឱ្យដឹងថា ជនសង្ស័យដែលឃាត់ខ្លួននោះបានធ្វើសកម្មភាពគំរាមកំហែងយកម៉ូតូមួយគ្រឿងនៅវេលាម៉ោង១០និង៤០នាទី ថ្ងៃទី២៦ ខែកុម្ភៈ ឆ្នាំ២០១៨ នៅចំណុចផ្លូវកែងចំការកៅស៊ូរបស់ឈ្មោះ ដា ស្ថិតក្នុងភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។ ជនរងគ្រោះឈ្មោះ ផ្លិញ វេត ភេទប្រុស អាយុ១៣ឆ្នាំ ជនជាតិទំពួន មុខរបរសិស្ស បានជិះម៉ូតូម៉ាក Wave ស៊េរី២០១៨ ពណ៌ព្រីងទុំ គ្មានស្លាកលេខ និងទូរស័ព្ទមួយគ្រឿង ត្រូវបានក្រុមចោរគំរាមប្លន់យកទៅបាត់ ។
ប្រភពបន្តទៀតថា បន្ទាប់ពីកើតហេតុសមត្ថកិច្ច យើងបានបើកការស្រាវជ្រាវស៊ើបអង្កេត និងប្រើប្រាស់នូវវិធានការជំនាញរហូតសមត្ថកិច្ចយើងបានកំណត់មុខសញ្ញាឈានដល់ការឃាត់ខ្លួនបានតែម្តង ជនសង្ស័យឃាត់ខ្លួនបានទាំង២នាក់នោះ ទី១.ឈ្មោះ ញ៉ ជីវ៉ា ភេទប្រុស អាយុ២១ឆ្នាំ ជនជាតិខ្មែរ មានទីលំនៅ ភូមិ២ សង្កាត់កាចាញ ក្រុងបានលុង ទី២.ឈ្មោះ ចាន់ ធី ភេទប្រុស អាយុ២០ឆ្នាំ ជនជាតិខ្មែរ (ជាគូរកន) នៅចំណុចផ្ទះជួលស្ថិតក្នុងក្រុងបានលុង ។
ហើយបានឆ្លើយសារភាពថា ខ្លួនទាំងពីរនាក់ពិតជាបានធ្វើសកម្មភាពគំរាមប្លន់យកម៉ូតូ និងទូរស័ព្ទពីជនរងគ្រោះពិតប្រាកដមែន ។ សមត្ថកិច្ចដកហូតបាន ម៉ូតូម៉ាកវេវ ពណ៌ខ្មៅ ស៊េរី២០១៨ ចំនួន១គ្រឿង, ម៉ូតូរបស់(ជនសង្ស័យជិះធ្វើសកម្មភាព) មួយគ្រឿង និងទូរស័ព្ទដៃម៉ាកហួវៃមួយគ្រឿង ដែលជារបស់ជនរងគ្រោះ ។ បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី ៕
ចែករំលែកព័តមាននេះ