ខេត្តប៉ៃលិន ៖ ស្ត្រីម្នាក់ត្រូវបាននគរបាលក្រុងសែនមនោរម្យ ឃាត់ខ្លួននៅវេលាម៉ោង០៥និង១៥នាទីល្ងាច ថ្ងៃទី២៧ ខែកុម្ភៈ ឆ្នាំ២០១៨ នៅចំណុចផ្ទះសំណាក់ភ្នំមាសបន្ទប់លេខ3 ស្ថិតនៅភូមិចំការតែ សង្កាត់ស្ពានមានជ័យ ។
លោកវរសេនីយ៏ទោ កាន់ ពេញ អធិការនគរបាលក្រុងសែនមនោរម្យបានឲ្យដឹងថា ក្រោយពីទទួលបានព័ត៌មានពីបណ្តាញសម្ងាត់ លោកបានចាត់តាំងកម្លាំងផ្នែកជំនាញ សហការណ៍ជាមួយកម្លាំងប៉ុស្តិ៍សង្កាត់ស្ពានមានជ័យ បានចុះបង្ក្រាបករណីជួញដូរគ្រឿងញៀនខុសច្បាប់ ។
ក្នុងប្រតិបត្តិការនោះ សមត្ថកិច្ចឃាត់ខ្លួនជនសង្ស័យម្នាក់ឈ្មោះ ឃន ស្រីឃីម ភេទស្រី អាយុ៣១ឆ្នាំ ជនជាតិខ្មែរ មានទីលំនៅភូមិមិល ឃុំខ្សឹម ស្រុកស្នួល ខេត្តក្រចេះ ។ នឹងដកហូតបានវត្ថុតាងបាន ១.ម្សៅសថ្លា ប្រភេទមេតំហ្វេតាមីន (ម៉ាទឹកកក) ចំនួន២កញ្ចប់តូច ២.ឧបករណ៍ជក់ ដបទឹសុទ្ធ១, ទុយោបឺត៣, ដែកកេះ២, ៣.សម្ភារប្រើប្រាស់ មាន ទូរស័ព្ទដៃម៉ាក Vfone ១គ្រឿង និងនាឡិកាទូរស័ព្ទ១គ្រឿង ។ បច្ចុប្បន្នជនសង្ស័យ និងវត្ថុតាងត្រូវបាននាំយកមកអធិការដ្ឋានក្រុង ដើម្បីចាត់តាមនីតិវីធី ៕
ចែករំលែកព័តមាននេះ