ខេត្តរតនគីរី ៖ ក្មេងស្ទាវៗប្រុសស្រី៥នាក់ បានរងរបួសបែកមុខ បែកមាត់ ខណៈដែលជិះម៉ូតូបុកគ្នា បញ្ច្រាសទិសយ៉ាងពេញទំហឹង និងម៉ូតូរងការខូចខាតយ៉ាងដំណំ ។ ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង៥ល្ងាច ថ្ងៃទី២៧ ខែកុម្ភៈ ឆ្នាំ២០១៨ ស្ថិតនៅភូមិចាអ៊ុងកៅ ឃុំចាអ៊ុង ស្រុកអូរជុំ ខេត្តរតនគិរី ។
តាមប្រភពបានឲ្យដឹងថា ភាគីបង្ក គឺក្មេងស្រីឈ្មោះ តា ហាវ វិន អាយុ១២ឆ្នាំ ជនជាតិគ្រឹង និងមានអ្នករួមដំណើរម្នាក់ (រងរបួសឈាមច្រមុះ និងរលាត់ដៃជើង ) ។
អ្នកទាំង២នាក់នេះ រស់នៅភូមិចាអ៊ុងចាន់ ឃុំចាអ៊ុង ស្រុកអូរជុំ ខេត្តរតនគិរី ។ ភាគីម្ខាងទៀតឈ្មោះ អំពី ពេញ ភេទប្រុស អាយុ១៣ឆ្នាំ ជនជាតិគ្រឹង រងរបួសធ្ងន់ថ្លោះដៃឆ្វេង ហើយអ្នករួមដំណើរ២នាក់ទៀត រងរបួសស្រាល ។
ក្រោយកើតហេតុក្មេងស្ទាវៗរងគ្រោះទាំងអស់ ត្រូវបានសាច់ញាតិដឹកបញ្ជូនទៅព្យាបាលរបួសនៅមន្ទីរពេទ្យបង្អែកខេត្ត ។ ម៉ូតូទាំង២គ្រឿងដែលបង្កគ្រោះថា្នក់នោះ ត្រូវសមត្ថកិច្ចយកទៅរក្សាទុករង់ចាំដោះស្រាយនៅពេលក្រោយ ៕
ចែករំលែកព័តមាននេះ