ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា វេជ្ជបណ្ឌិតឯកទេសខាងវះកាត់ប្រព័ន្ធប្រសាទម្នាក់ ត្រូវបានកូនក្រមុំប្រកែកនៅថ្ងៃរៀបការ ក្រោយពេលឃើញក្បាលទំពែកមានសក់រុយៗ។ ដោយខ្លាចខ្មាសគេ…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា វេជ្ជបណ្ឌិតឯកទេសខាងវះកាត់ប្រព័ន្ធប្រសាទម្នាក់ ត្រូវបានកូនក្រមុំប្រកែកនៅថ្ងៃរៀបការ ក្រោយពេលឃើញក្បាលទំពែកមានសក់រុយៗ។ ដោយខ្លាចខ្មាសគេ ដុកទ័រក៏រកកូនក្រមុំម្នាក់ទៀតមករៀបការនៅថ្ងៃដដែលនោះ។
ខំរៀន និងធ្វើការច្រើនពេក ទើបធ្វើឲ្យដុកទ័រម្នាក់កំសត់ស្នេហ៍បែបនេះ។ លោកវេជ្ជបណ្ឌិត Ravi Kumar ត្រូវបានគ្រួសាររៀបចំរកប្រពន្ធឲ្យ ទាំងរូបលោកមិនដែលបានស្គាល់គ្នាទាល់តែសោះ។ នៅថ្ងៃទី១៨ ខែកុម្ភៈ ដែលត្រូវនឹងថ្ងៃរៀបការ ទើបលោក និងគ្រួសារទៅផ្ទះខាងស្រី ដើម្បីធ្វើពិធី។ ស្រាប់តែថ្ងៃនោះ ខាងកូនក្រមុំក៏ប្រកែកមិនទទួលយកធ្វើជាប្តី ក្រោយពេលដុកទ័រ Ravi ដោះមួកប្រពៃណីចេញ។ នាងលើកហេតុផលថា នេះមកពីក្បាលរបស់គាត់គ្មានសក់ ទើបនាងមិនស្រលាញ់។
ដោយខ្លាចស្ពឹកមុខខុសពីការរំពឹងទុក លោកដុកទ័រក៏ឲ្យអ្នកផងទៅរកបានស្រីក្រមុំម្នាក់មករៀបការក្នុងថ្ងៃតែមួយ។ នេះពិតជាហេងហើយ ដែលរកបានកូនក្រមុំម្នាក់ទៀតក្នុងពេលមួយភ្លែត។ តែក៏គួរឲ្យអាណិតដែរ ចំពោះកូនក្រមុំម្នាក់នោះ ដែលត្រូវរៀបការដោយគ្មានការរំពឹងទុកបែបនេះ៕
ចែករំលែកព័តមាននេះ