ហាណូយជារដ្ឋធានីរបស់វៀតណាមបានរៀបចំការប្រណាំងទូកនាគជាលើកដំបូងនៅក្នុងអំឡុងពេលជាច្រើនសតវត្សកន្លងមក និងជាផ្នែកមួយដើម្បីទាក់ទាញទេសចរនៅក្នុងប្រទេស ។ ការប្រណាំងនោះកាលពីពេល ថ្មីៗកន្លងមក ។
មហាជនច្រើនកុះករពីគ្រប់ទិសទីនៅក្នុងប្រទេសវៀតណាម រួមទាំងភ្ញៀវទេសចរបរទេសបានប្រមូលផ្តុំគ្នានៅតាមមាត់បឹងអូតាយគឺជាបឹងដ៏ធំបំផុតនៅក្រុងហាណូយកាលពីថ្ងៃទី២៤ កុម្ភៈ ២០១៨ ដើម្បីទស្សនាការប្រណាំងទូកនាគ ។ ទោះបីជាវាជាទំនៀមទម្លាប់នៅក្នុងស្រុកដែលនិយមរៀបចំឡើងនៅតាមទីក្រុង ធំៗជាច្រើនកន្លែងរបស់វៀតណាមតាំងពីយូរលង់មកហើយក៏ដោយ ប៉ុន្តែសម្រាប់ការប្រកួតដែលមានលក្ខណៈបែបនេះនៅក្នុងរដ្ឋធានីហាណូយចាត់ទុកថា ជាលើកដំបូងក្នុងរយៈពេលជាច្រើនឆ្នាំកន្លងមក ។
លោកសឿង ជឺថេង ប្រធានអាកាសចរណ៍ជាតិវៀតណាមជាអ្នកទ្រទ្រង់លើការរៀបចំប្រណាំងទូកនាគនិយាយថា ប្រសិនបើកម្មវិធីនេះទទួលការឆ្លើយតបពីគ្រប់ភាគីបានល្អ ទៅអនាគតអាចមានការពង្រីកនៅតំបន់មួយចំនួនទៀតឱ្យរៀបចំឡើងនៅតាមក្រុង នីមួយៗដើម្បីទ្រទ្រង់ដល់ផ្នែកទេសចរណ៍នៅក្នុងភូមិភាគ ៕
ចែករំលែកព័តមាននេះ