ខេត្តព្រៃវែង ៖ ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ នៅខេត្តព្រៃវែង បានព្រឹត្តិទៅយ៉ាងរលូនដោយគ្មានអ្វីមករំខានដែលនាំឱ្យមានការរាំងស្ទះក្នុងដំណើរការនៃការបោះឆ្នោតនោះឡើយ ជាងនេះទៅទៀតអ្នកដែលមកចូលរួមបោះឆ្នោតបានបង្ហាញនូវឆន្ទៈមុសមុត និងប្រកបដោយទឹកមុខសប្បាយរីករាយក្នុងការប្រើប្រាស់សិទ្ធរបស់ខ្លួនដើម្បីជ្រើសរើសនូវបក្សដែលខ្លួនពេញចិត្តដោយសំងាត់ និងត្រឹមត្រូវតាមច្បាប់ ។
បើតាមលោក វង្ស សុភ័ណ ប្រធានគណកម្មការរៀបចំការបោះឆ្នោតប្រចាំខេត្តព្រៃវែងបានឱ្យដឹងថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ នៅមណ្ឌលខេត្តព្រៃ វែងបានរៀបចំឡើងនៅក្នុងបរិវេននៃសាលាបឋមសិក្សាព្រៃវែងក្រុង ដែលក្នុងនោះមាន២ការិយា ល័យគឺការិយាល័យ៦០០១ មានអ្នកបោះឆ្នោត សរុប៤៥១នាក់ និងការិយាល័យ៦០០២ មានអង្គបោះឆ្នោតសរុប៤៥២នាក់ ដែលសរុបទាំងពីការិយាល័យស្មើរនឹង៩០៣នាក់ ក្នុងនោះមានតំណាងរាស្ត្រចំនួន១១នាក់ និងក្រុមព្រឹក្សាឃុំសង្កាត់មានចំនួន ៨៩២ នាក់ដែលបានមកចូលរួមបោះឆ្នោតផងដែរ ។
លោក វង្ស សុភ័ណ បានបន្ថែមថា នៅក្នុងខេត្តព្រៃវែងមានគណបក្សនយោបាយចំនួន៣បានចូលរួមប្រកួតប្រជែងក្នុងការបោះឆ្នោតជ្រើសរើសតាំងព្រឹទ្ធសភានាពេលនេះក្នុងនោះរួមមានគណបក្សប្រជាជនកម្ពុជា គណបក្យហ្វ៊ុនស៊ិនប៉ិច និងគណបក្យរួមរួមជាតិ ៕
ចែករំលែកព័តមាននេះ