Pele មិនឈឺក្បាលសរសើរ Ronaldo ឬ Messi តែសរសើរកីឡាករម្នាក់មិនដាច់ពីមាត់
តាមប្រភពព័ត៌មាន Mirror បានឲ្យដឹងថា ស្តេចបាល់ទាត់សញ្ជាតិប្រេស៊ីល Pele មិនទៅឈឺក្បាលនឹងសរសើរ Messi ឬ Ronaldo ដូចអ្នកគាំទ្រភាគច្រើនឡើយ…
តាមប្រភពព័ត៌មាន Mirror បានឲ្យដឹងថា ស្តេចបាល់ទាត់សញ្ជាតិប្រេស៊ីល Pele មិនទៅឈឺក្បាលនឹងសរសើរ Messi ឬ Ronaldo ដូចអ្នកគាំទ្រភាគច្រើនឡើយ ។ អ្នកកាន់ពាន World Cup បីជំនាន់នេះបានប្រាប់ថា លោកមិនយក Ronaldo ឬ Messi ឡើយ ។ លោកសរសើរ Neymar ជំនួសវិញ ។
នៅក្នុងការសម្ភាសជាមួយវេបសាយផ្លូវការ FIFA អតីតកីឡាករបាល់ទាត់វ័យ៧៧ឆ្នាំរូបនេះ បាននិយាយពីភាពអស្ចារ្យរបស់ Neymar ទៅលើក្រុមប្រេស៊ីល ។ លោកនិយាយថា «Neymar បានផ្លាស់ប្តូរការលេងរបស់ខ្លួនជាមួយនឹងក្រុមជម្រើសជាតិប្រេស៊ីល ។ នៅក្នុងការលេងប្រចាំក្លឹបគេលេងស្លាបខាងឆ្វេង តែនៅក្នុងក្រុមជម្រើសជាតិគេលេងនៅកណ្តាល ។ វាពិតជាពិបាក តែគេអាចសម្របបាន» ។
លោកបានបន្តថា «ប្រសិនបើអ្នកមើលជុំវិញពិភពលោក អ្នកដែលលេចធ្លោគឹមាន Messi, Ronaldo និង Neymar ។ គ្មាននរណាក្រៅពីនេះទេ ។ Neymar គឹជាកីឡាករសំខាន់នៅក្នុងជម្រើសជាតិប្រេស៊ីល ។ សម្រាប់ខ្ញុំ គេគឺជាកីឡាករខ្លាំងផ្តាច់គេលើលោក ។ ខ្ញុំមានការជឿជាក់ថាអញ្ចឹង» ៕
ចែករំលែកព័តមាននេះ