បោកគ្រាប់បែកចូលផ្ទះរបួសស្ត្រីម្នាក់ សង្ស័យជារឿងគំនុំ
- ឧត្តរមានជ័យ
ខេត្តឧត្តរមានជ័យ ៖ មានសេចក្តីរាយការណ៍ថា កាលពីវេលាម៉ោង១០យប់ ថ្ងៃទី២២ កុម្ភៈ ២០១៨ មានករណីបោកគ្រាប់បែកច្នៃប៉ុនប៉ងធ្វើឃាតមួយមិនបានសម្រេច កើតឡើង នៅចំណុចផ្ទះ…
ខេត្តឧត្តរមានជ័យ ៖ មានសេចក្តីរាយការណ៍ថា កាលពីវេលាម៉ោង១០យប់ ថ្ងៃទី២២ កុម្ភៈ ២០១៨ មានករណីបោកគ្រាប់បែកច្នៃប៉ុនប៉ងធ្វើឃាតមួយមិនបានសម្រេច កើតឡើង នៅចំណុចផ្ទះ ជនរងគ្រោះឈ្មោះ ឌី ភិច ភេទប្រុស អាយុ៥៥ឆ្នាំ ភូមិទួលពង្រ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ។
សេចក្តីរាយការណ៍បន្តថា នៅវេលាម៉ោងខាងលើ មានជនសង្ស័យមិនស្គាល់ អត្តសញ្ញាណ បានទៅគប់គ្រាប់បែកច្នៃចូលក្នុងផ្ទះឈ្មោះ ឌី ភិច បណ្តាលឲ្យស្ត្រីជាប្រពន្ធឈ្មោះ ជួន ឈុន អាយុ៤៥ឆ្នាំ រងរបួសស្រាល គ្រាន់តែរលាត់ត្រង់កជើងបន្តិច ថ្ងាសបន្តិច និង គល់ភ្លៅខាងឆ្វេងបន្តិច។ ករណីខាងលើនេះសមត្ថកិច្ចកំពុងបើកការស៊ើបអង្កេត និងស្រាវជ្រាវ ដើម្បីវែកមុខម្ចាស់គ្រាប់បែកនោះ។ ជាមួយនេះដែរ សមត្ថកិច្ចបានសន្និដ្ឋានជាជំហានដំបូងថា គឺប្រហែល ជារឿងគុំនុំ៕
ចែករំលែកព័តមាននេះ