មហាសេដ្ឋីជនជាតិអាមេរិក១០នាក់ត្រូវគេវាយតម្លៃថាមានទ្រព្យសម្បត្តិច្រើនជាងប្រចាំឆ្នាំ២០១៨ ។ អាមេរិកជាប្រទេសមានសេដ្ឋកិច្ចរីកចម្រើនជាងគេនៅលើពិភពលោក និងមានសេដ្ឋីជាងពាក់កណ្តាលបើគិតសរុបទូទាំងពិភពលោក ។
វេបសាយ«Time.com»បានរៀបចំណាត់ថ្នាក់ចំនួន១០នាក់នៃអ្នកមានទ្រព្យសម្បត្តិស្តុកស្តម្ភបំផុតនៅសហរដ្ឋអាមេរិកប្រចាំឆ្នាំ២០១៨រួមមាន ៖
១-លោកJeff Bezosអាយុ៥៣ឆ្នាំ មានទ្រព្យសម្បត្តិចំនួន១០៩,៩ពាន់លានដុល្លារ ។
២-លោកBill Gatesជាម្ចាស់ក្រុមហ៊ុន«Software»ឬMicrosoftមានទ្រព្យសរុប៩៣,៣ពាន់លានដុល្លារ ។
៣-លោកWarren Buffettប្រធានក្រុមហ៊ុន«Berkshire Hathaway»មានទ្រព្យសម្បត្តិ៨៧,២ពាន់លានដុល្លារ ។
៤-លោកMark Zuckerbergជាម្ចាស់ក្រុមហ៊ុន«Facebook»មានទ្រព្យសម្បត្តិ៧៧,៥ពាន់លានដុល្លារ ។
៥-លោកLarry Pageម្ចាស់ក្រុមហ៊ុន«Google»មានទ្រព្យសម្បត្តិ៥៤,៩ពាន់លានដុល្លារ។
៦-លោកLarry Ellisonជាអ្នកបង្កើតក្រុមហ៊ុន«Oracle»មានទ្រព្យសម្បត្តិ៥៤,៧ពាន់លានដុល្លារ ។
៧-លោកSergey Brinជាអ្នកជំនាញខាងបច្ចេកវិទ្យាបានសហការជាមួយលោកLarry Pageនិងជាម្ចាស់ក្រុមហ៊ុន«Google X»មានទ្រព្យសរុប៥៣,៣ពាន់លានដុល្លារ ។
៨- លោក Charles និង David Koch ២នាក់បងប្អូនជនជាតិអាមេរិកស្ថិតនៅលំដាប់ទី៨
និង៩ ជាអ្នកកាន់ភាគហ៊ុន«Koch Industries»ជាក្រុមហ៊ុនលក់ផលិតផលគីមីមានទ្រព្យសម្បត្តិសរុប៤៨,៦ពាន់លានដុល្លារ
១០-លោកRob Waltonជាម្ចាស់ភាគហ៊ុនក្នុងផ្សារ«Walmart»មានទ្រព្យសម្បត្តិ៤៧,៩ពាន់លានដុល្លារ
ចែករំលែកព័តមាននេះ