ខេត្តរតនគិរី ៖ ព្រូរថយន្តសាំយ៉ុងម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលរថយន្តសាំយ៉ុងនោះបើកបរមានល្បឿនយ៉ាងលឿនជ្រុលចង្កូតទៅបុកគូទគោយន្តកែច្នៃកំពុងបើកបរទិសដៅស្របគ្នាពេញទំហឹង ឯអ្នកបើករត់គេខ្លួនបាតក្រោយកើតហេតុ ។ ហេតុការណ៍គ្រោះថ្នាក់ដ៏រន្ធត់នេះ បានកើតឡើងនៅវេលាម៉ោង០៦នឹង៣០នាទីល្ងាច ថ្ងៃទី២២ ខែកុម្ភៈ…
ខេត្តរតនគិរី ៖ ព្រូរថយន្តសាំយ៉ុងម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលរថយន្តសាំយ៉ុងនោះបើកបរមានល្បឿនយ៉ាងលឿនជ្រុលចង្កូតទៅបុកគូទគោយន្តកែច្នៃកំពុងបើកបរទិសដៅស្របគ្នាពេញទំហឹង ឯអ្នកបើករត់គេខ្លួនបាតក្រោយកើតហេតុ ។ ហេតុការណ៍គ្រោះថ្នាក់ដ៏រន្ធត់នេះ បានកើតឡើងនៅវេលាម៉ោង០៦នឹង៣០នាទីល្ងាច ថ្ងៃទី២២ ខែកុម្ភៈ ឆ្នាំ២០១៨ នៅលើកំណាត់ផ្លូវជាតិលេខ៧៨ ត្រង់ចំណុចទួលដំរីងាប់ ក្នុងភូមិក្លិះ ឃុំស៊ើង ស្រុកបរកែវ ។
លោក ជួប វណ្ណារក្ស អធិការនគរបាលស្រុកបកែវ បានឲ្យដឹងថា រថយន្ត២គ្រឿងបើកបរក្នុងទិសដៅស្របគ្នាពីកើទៅលិចដល់ត្រង់ចំណុចឡើងទួលដំរីងាប់ រថយន្តសាំយ៉ុងបោះពួយយ៉ាងលឿនក៏ជ្រុលចង្កូតទៅបុកនឹងគូទគោយន្តកែរច្នៃពេញទំហឹងតែម្តង បណ្ដាលឲ្យព្រូរថយន្តសាំយ៉ុងម្នាក់បានស្លាប់ភ្លាមៗនឹងកន្លែងកើតហេតុ ។ រថយន្តម៉ាកសាំយ៉ុងនោះពណ៌សម្បកឪឡឹក ពាក់ផ្លាកលេខ ភ្នំពេញ ២AL-៩៥៨៦ ហើយអ្នកបើកបរក្រោយកើតហេតុ រត់គេចខ្លួនបាត់ភ្លាមៗផងដែរ បន្សល់ទុករថយន្តនៅទីនោះ ។
លោកបន្តថា ព្រូរថយន្តសាំយ៉ុងដែលស្លាប់នោះឈ្មោះ ម៉ៅ សុណ្ណារ៉ា ភេទប្រុស អាយុ២១ឆ្នាំ ជនជាតិខ្មែរ មុខរបរព្រូរថយន្ដ (ស្លាប់) នៅកន្លែងកើតហេតុ ។ ឯអ្នកអ្នកបើកបរគោយន្ដកែច្នៃឈោះ្ម វឿន សីហា ភេទប្រុស អាយុ២៩ឆ្នាំ ជនជាតិខ្មែរមានទីលំនៅបច្ចុប្បន្នភូមិ១ ឃុំឡាមិញ ស្រុកបរកែវខេត្តរតនគិរី បានរត់គេចខ្លួនបាត់ដែរក្រោយពេលកើតហេតុ ។ បន្ទាប់កើតហេតុនគរបាលមូលដ្ឋានបានចុះមកអន្តរាគមន៍ធ្វើការវាស់វែង រួចអូសយកមធ្យោបាយទាំង២គ្រឿងមករក្សាទុកនៅអធិការដ្ឋាននគរបាលស្រុកបកែវរង់ចាំធ្វើការដោះស្រាយនៅពេលក្រោយ ។ សាកសពសមត្ថកិច្ចបានប្រគល់ឪពុកម្តាយ និងសាច់ញ្ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ