យោងទៅតាមសេចក្តីរាយការណ៍របស់សារព័ត៌មាន Mail Online បានឲ្យដឹងថា ស្ត្រីមានផ្ទៃពោះដែលញ៉ាំអាហារបួស ទំនងជាធ្វើឲ្យកូនក្នុងផ្ទៃប្រឈមនឹងការលេងថ្នាំ និងញ៉ាំគ្រឿងស្រវឹងរហូតដល់៣ដងឯណោះ ។ អ្នកស្រាវជ្រាវបានទទួចនូវការរកឃើញរបស់ខ្លួនថា ក្មេងដែលលេងថ្នាំនៅអាយុ១៥ឆ្នាំ មានជាប់ទាក់ទងនឹងរបបអាហាររបស់ម្តាយគេតាំងពីម្តាយពពោះម្ល៉េះ ។
ការស្រាវជ្រាវនេះ គឺផ្អែកទៅលើការសិក្សារយៈពេលវែងមួយក្នុងប្រទេសអង់គ្លេស ដោយអ្នកស្រាវជ្រាវបានសួរទៅលើយុវវ័យប្រមាណជាង១០០០០នាក់ អំពីការញ៉ាំគ្រឿងស្រវឹង និងការជក់បារីរបស់ពួកគេ ហើយក្នុងនោះមានពាក់កណ្តាលហើយដែលញៀន ។ បន្ទាប់មក ពួកគេបានពិនិត្យទៅលើរបបអាហាររបស់ម្តាយគេតាំងពីមានផ្ទៃពោះដើម្បីចង់ដឹងថា មានការទាក់ទងគ្នាឬអត់ ។
ការសិក្សាបានរកឃើញថា ក្មេងដែលកើតពីម្តាយញ៉ាំតែសាច់សុទ្ធក្នុងពេលមានផ្ទៃពោះទំនងជាមិនសូវញ៉ាំគ្រឿងស្រវឹង ឬជក់បារីនៅអាយុ១៥ឆ្នាំដូចស្ត្រីមានផ្ទៃពោះដែលញ៉ាំសាច់តិច ឬមិនញ៉ាំសោះឡើយ ។ អ្នកស្រាវជ្រាវបានប៉ាន់ស្មានថា រឿងនេះអាចដោយសារតែស្ត្រីដែលមិនញ៉ាំសាច់ប្រហែលជាមានកម្រិតវីតាមីន B12 ទាប ដែលប៉ះពាល់ដល់ការលូតលាស់របស់ខួរក្បាល ។
មិនអាចដឹងថា របបអាហាររបស់ស្ត្រីមានផ្ទៃពោះ គឺជាមូលហេតុពិតប្រាកដនោះទេ ។ មានកត្តាច្រើនណាស់ ដែលចូលរួមក្នុងរឿងនេះដែរ ៕
ចែករំលែកព័តមាននេះ