Zidane ថាកីឡាករទាំងនេះមិនសូវលេងទេ តែបើលេងញាក់សាច់
តាមប្រភពព័ត៌មាន Marca បានឲ្យដឹងថា អ្នកចាត់ការក្លឹបអធិរាជស Zinedine Zidane បានប្រាប់ថាកីឡាករ Lucas Vazquez និង…
តាមប្រភពព័ត៌មាន Marca បានឲ្យដឹងថា អ្នកចាត់ការក្លឹបអធិរាជស Zinedine Zidane បានប្រាប់ថាកីឡាករ Lucas Vazquez និង Marco Asensio តែងតែសំខាន់សម្រាប់រូបលោក ។ លោកបាននិយាយបែបនេះនៅក្នុងសន្និសីទកាសែតមួយ ។
លោកថា «ខ្ញុំគិតថា ពួកគេទាំងពីរនាក់តែងតែសំខាន់សម្រាប់ខ្ញុំ ។ ខ្ញុំសប្បាយចិត្តជំនួស Lucas ព្រោះគេលេងបានល្អ ហើយ Asensio និងគ្រប់គ្នាក្នុងក្រុមក៏ដូច្នេះដែរ ។ ដូចជា Mateo Kovacic ក៏អីចឹងដែរ ។ រូបគេមិនសូវជាលេងប៉ុន្មានទេនៅពេលនេះតែបើលេងគឺលេងល្អណាស់» ។
ជាមួយគ្នានឹងការសរសើរកីឡាករទាំងពីរខាងលើអ្នកចាត់ការជនជាតិបារាំងរូបនេះក៏ឆ្លៀតលើកទឹកចិត្តសរសើរដល់កីឡាករផ្សេងៗទៀតនៅក្នុងក្រុមផងដែរ ។ ការសរសើរនេះគឺធ្វើឡើងបន្ទាប់ពីអ្នកចាត់ការក្លឹបម្នាក់នេះសម្រេចចិត្តឲ្យ Ronaldo សម្រាកមួយរយៈក្រោយជ័យជម្លះ 3-1 ជាមួយនឹង PSG ៕
ចែករំលែកព័តមាននេះ