ខេត្តរតនគិរី ៖ រថយន្តមួយគ្រឿងបើកក្នុងល្បឿនលឿនមិនប្រយ័ត្នប្រជែងក្នុងស្ថានភាពគ្រោះថ្នាក់ក៏ជ្រុលទៅបុកនឹងម៉ូតូមួយគ្រឿងកំពុងធ្វើដំណើរបញ្ច្រាសគ្នាបណ្តាលឲ្យមនុស្ស៦នាក់រងរបួសធ្ងន់ និងស្រាល ។ ករណីខាងលើនេះកើតឡើងនៅវេលាម៉ោង១០នឹង៤០នាទីព្រឹក ថ្ងៃទី១៨ ខែកុម្ភៈ ឆ្នាំ២០១៨ តាមបណ្តោយផ្លូវជាតិលេខ៧៨…
ខេត្តរតនគិរី ៖ រថយន្តមួយគ្រឿងបើកក្នុងល្បឿនលឿនមិនប្រយ័ត្នប្រជែងក្នុងស្ថានភាពគ្រោះថ្នាក់ក៏ជ្រុលទៅបុកនឹងម៉ូតូមួយគ្រឿងកំពុងធ្វើដំណើរបញ្ច្រាសគ្នាបណ្តាលឲ្យមនុស្ស៦នាក់រងរបួសធ្ងន់ និងស្រាល ។ ករណីខាងលើនេះកើតឡើងនៅវេលាម៉ោង១០នឹង៤០នាទីព្រឹក ថ្ងៃទី១៨ ខែកុម្ភៈ ឆ្នាំ២០១៨ តាមបណ្តោយផ្លូវជាតិលេខ៧៨ ត្រង់ចំណុចទល់មុខវត្តសង្គមមានជ័យ ស្ថិតនៅក្នុងភូមិ១ ឃុំត្រពាំងច្រេស ស្រុកកូនមុំ ខេត្តរតនគិរី ។
លោក ពុធ សាវី អធិការរងទទួលបន្ទុកសណ្តាប់ធ្នាប់សាធារណៈបានឲ្យដឹងតាមទូរស័ព្ទនៅរសៀលថ្ងៃទី១៨ ខែកុម្ភៈ ថារថយន្តនោះបើកក្នុងទិសដៅពីកើតទៅលិចហើយជែងម៉ូតូលក់ទឹកអំពៅដែលធ្វើដំណើរក្នុងទិសដៅស្របទិសគ្នាក៏ជ្រុលចង្កូតទៅបុកម៉ូតូកំពុងធ្វើចរាចរក្នុងទិសដៅបញ្ច្រាសទិសគ្នាបណ្តាលឲ្យរងរបួសធ្ងន់ស្រាល៣នាក់ ។
លោក ពុធ សារី បន្តថា រថយន្តម៉ាកវីហ្គោ ពណ៌ទឹកមាស ពាក់ស្លាកលេខ រតនគិរី ២A-០៧៧៧ ជ្រុលធ្លាក់ផ្លូវម្ខាងរងការខូចខាតផ្នែកខាងមុខយ៉ាងដំណំ ដែលបើកបបរដោយឈ្មោះ មួង ប៉ាង ភេទប្រុស អាយុ៤២ឆ្នាំ ជនជាតិព្រៅ ជាអភិបាលស្រុកតាវែង រស់នៅភូមិតាវែងលើ ឃុំតាវែង ស្រុកតាវែង ខេត្តរតនគិរី របួសស្រាល និងអ្នករួមដំណើរនៅក្នុងរថយន្តបានរងរបួសធ្ងន់២នាក់ រីឯម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ រតនគិរី ១C-៥៤២១ បើកបរដោយឈ្មោះ គង់ ប៊ុនឡេង ភេទប្រុស អាយុ២៥ឆ្នាំ មុខរបរកសិករ រងរបួសស្រាល និងអ្នករួមដំណើរ២នាក់ ទី១-ឈ្មោះ កែវ ស្រីណូ អាយុ២០ឆ្នាំ (ត្រូវជាប្រពន្ធរបស់អ្នកបើកបរ) រងរបួសស្រាល និងទី២-ឈ្មោះ កែវ ហ៊ូ ភេទប្រុស អាយុ១៨ឆ្នាំ (ប្អូនថ្លៃ) រងរបួសស្រាល អ្នកទាំង៣នាក់រស់នៅភូមិ-ឃុំកើតហេតុខាងលើ ។
ក្រោយកើតហេតុនគរបាលមូលដ្ឋានបានចុះមកអន្តរាគមន៍ធ្វើការវាស់វែង និងដឹកបញ្ជូនអ្នករបួសធ្ងន់តាមរថយន្តសាមុយទៅសង្គោះនៅមន្ទីរពេទ្យបង្អែកខេត្ត ។ មធ្យោបាយទាំង២គ្រឿងនគរបាលរឹបអូសយកទៅរក្សាទុកនៅអធិការដ្ឋាននគរបាលស្រុកកូនមុំរង់ចាំធ្វើការដោះស្រាយតាមក្រោយ ៕
ចែករំលែកព័តមាននេះ