រាជធានីភ្នំពេញ ៖ សហព័ន្ធកីឡាជាតិចំនួន៣៣សុទ្ធតែទទួលបានកញ្ចប់ថវិកាពីក្រសួងអប់រំ យុវជន និងកីឡា សម្រាប់រៀបចំការប្រកួតជើងឯកថ្នាក់ជាតិនៅក្នុងឆ្នាំនេះ តែបើ សិនជាសហព័ន្ធណាមួយមិនព្រមរៀបចំការប្រកួតតាមការកំណត់ទេនោះ ក្រសួងចាត់ទុកថាសហព័ន្ធនោះមិនមានសកម្មភាពហើយនឹងត្រូវដកកញ្ចប់ថវិកាទុកវិញ ។…
រាជធានីភ្នំពេញ ៖ សហព័ន្ធកីឡាជាតិចំនួន៣៣សុទ្ធតែទទួលបានកញ្ចប់ថវិកាពីក្រសួងអប់រំ យុវជន និងកីឡា សម្រាប់រៀបចំការប្រកួតជើងឯកថ្នាក់ជាតិនៅក្នុងឆ្នាំនេះ តែបើ
សិនជាសហព័ន្ធណាមួយមិនព្រមរៀបចំការប្រកួតតាមការកំណត់ទេនោះ ក្រសួងចាត់ទុកថាសហព័ន្ធនោះមិនមានសកម្មភាពហើយនឹងត្រូវដកកញ្ចប់ថវិកាទុកវិញ ។ នេះជាការព្រមានរបស់លោក ហ៊ុន សាមុត ប្រធាននាយកដ្ឋានអប់រំកាយ និងកីឡា ពេលផ្ដល់បទសម្ភាសន៍ដល់អ្នកយកព័ត៌មានកោះសន្តិភាពកាលពីថ្ងៃទី១៧ កុម្ភៈ នៅនាយកដ្ឋានអប់រំកាយនិងកីឡា។
លោក ហ៊ុន សាមុត ថ្លែងថា សហព័ន្ធកីឡាជាតិទាំង៣៣ត្រូវតែចាយលុយក្នុងការរៀបចំការប្រកួតតាមកម្មវិធីប្រចាំឆ្នាំរបស់ក្រសួងដែលបានកំណត់ ។ បើមិនព្រមរៀបចំការប្រកួតឬមិនមានសកម្មភាពទេនោះបានន័យថាសហព័ន្ធនោះមិនដើរព្រោះកញ្ចប់ថវិកាដែលក្រសួងអប់រំ យុវជន និងកីឡា ទម្លាក់ឱ្យសុទ្ធតែមានការចុះកិច្ចសន្យាជាមួយគ្នាត្រឹមត្រូវ ដូច្នេះបើសហព័ន្ធណាមួយមិនមានសកម្មភាពនឹងត្រូវដកកញ្ចប់ថវិកាទុកវិញ ហើយឆ្នាំក្រោយក្រសួងលែងគាំទ្រទៀតហើយ។
សហព័ន្ធកីឡាជាតិទាំង៣៣ដែលទទួលបានកញ្ចប់ថវិកាពីក្រសួងអប់រំ យុវជន និងកីឡាមានសហព័ន្ធកីឡាទាញព្រ័ត្រ សូហ្វតេន្នីស ការ៉ាតេ ស្គីទឹកកក បាល់ទាត់អាយុក្រោម១៥ឆ្នាំនិងអាយុក្រោម១៧ឆ្នាំ វាយកូនបាល់ វ៉ូស៊ូ ល្បុក្កតោ សីដក់ វាយកូនឃ្លីលើតុ ប៉េតង់ ចំបាប់ បាល់អោប កាយសម្ព័ន្ធ វ៉ូវីណាម អត្តពលកម្ម តេក្វាន់ដូ(WTF) តេក្វាន់ដូ(ITF) ប្រដាល់សាកល បេស្បល ហែលទឹក វាយសី បាល់ទះ សូរិនហ្ស៊ីកាំប៉ូ តុងហ្គីលម៉ូដូ យូដូ បាញ់កាំភ្លើង ទ្រីយ៉ាត្លុង ទោចក្រយាន បាល់បោះ គុនដាវ កីឡាឡើងភ្នំ និងទូកប្រពៃណីខ្នាតអន្តរជាតិ ទូកកៃយ៉ាក់ ។
ចំពោះកម្មវិធីនេះក្រសួងអប់រំ យុវជន និងកីឡា បានជូនដំណឹងកាលពីថ្ងៃទី១២ កុម្ភៈ ដែលតាមរយៈការជូនដំណឹងនេះឱ្យដឹងថា ការប្រកួតជ្រើសរើសជើងឯកថ្នាក់ជាតិឆ្នាំ២០១៨នេះ នឹងត្រូវចាប់ផ្ដើមធ្វើពីថ្ងៃទី២០មីនាតទៅ ហើយគ្រោងបញ្ចប់នៅថ្ងៃទី១០ ធ្នូ ដែលការប្រកួតភាគច្រើនធ្វើនៅរាជធានីភ្នំពេញ ។ ដោយឡែកការប្រកួតទាញព្រ័ត្រ និងការប្រកួតឡើងភ្នំធ្វើនៅខេត្តសៀមរាប ។ ការប្រកួតបាល់ទាត់អាយុក្រោម១៥ឆ្នាំនិងក្រោម១៧ឆ្នាំធ្វើនៅភ្នំពេញនិងតាមបណ្ដាខេត្ត ។ ការប្រកួតកីឡាចំបាប់ធ្វើនៅខេត្តកណ្ដាល បេស្បលធ្វើនៅខេត្តកំពង់ធំ ទូកប្រពៃណីខ្នាតអន្តរជាតិនិងទូកកៃយ៉ាក់ធ្វើនៅខេត្តកណ្ដាល កីឡាទោចក្រយាននិងទ្រីយ៉ាត្លុងធ្វើនៅខេត្តកែប៕
ចែករំលែកព័តមាននេះ