ឆ្កែដុះគីសក្នុងត្រចៀក ចេញរាងដូចមុខប្រធានាធិបតីអាមេរិក
អង់គ្លេស ៖ តាមប្រភពព័ត៌មាន Huffington Post បានឲ្យដឹងថា សត្វឆ្កែតឿមួយក្បាលនៅក្រុង Tyneside ចក្រភពអង់គ្លេស ត្រូវបានគេរកឃើញដុំសាច់ដុះក្នុងត្រចៀក…
អង់គ្លេស ៖ តាមប្រភពព័ត៌មាន Huffington Post បានឲ្យដឹងថា សត្វឆ្កែតឿមួយក្បាលនៅក្រុង Tyneside ចក្រភពអង់គ្លេស ត្រូវបានគេរកឃើញដុំសាច់ដុះក្នុងត្រចៀក មានរាងដូចមុខរបស់ លោក Donald Trump ដែលជាប្រធានាធិបតីអាមេរិកនាពេលបច្ចុប្បន្ន។
សត្វឆ្កែអាយុពីរឆ្នាំ ដែលមានម្ចាស់ឈ្មោះ Jade Robinson មានដុំសាច់ដុះនៅក្នុងរន្ធត្រចៀក ដែលគេគិតថា ជាដុំសាច់ពិសេស។ មូលហេតុដែលធ្វើឲ្យវាមានលក្ខណៈខុសពីគេ គឺដោយសារតែវាមានរូបរាងដូចមុខរបស់ប្រធានាធិបតីអាមេរិក Donald Trump។
ទោះបីជាវាមានរូបរាងដូចថ្នាក់ដឹកនាំក៏ដោយ ក៏ប្រជាជនមួយចំនួនធំសម្តែងការមិនពេញចិត្តហើយនិងអាណិតដល់សត្វឆ្កែ ដែលទើបតែមានអាយុ២ឆ្នាំដែរ។ អ្នកខ្លះថា ហេតុអ្វីបានជា Donald Trump មកធ្វើបាបសត្វឆ្កែកំសត់នេះទៅវិញ។
ថ្លៃក្នុងការយកដុំសាច់នេះចេញ គឺដល់ទៅ៥៩០ដុល្លារ ដែលធ្វើឲ្យម្ចាស់របស់សត្វឆ្កែអ្នកស្រី Robinson មិនមានលទ្ធភាពគ្រប់គ្រាន់ក្នុងការចំណាយ។ អ្នកស្រីមានផ្លូវតែម្យ៉ាងគត់ គឺស្នើសុំឲ្យមហាជនលើបណ្តាញសង្គមជួយជាថវិកា។
សាកមើលទាំងអស់គ្នាមើល ថាដូច Donald Trump មែនដែរឬអត់!
ចែករំលែកព័តមាននេះ