ខេត្តមណ្ឌលគិរី ៖ ជនសង្ស័យវាយបំផ្លាញរូបសំណាកលោកតាភ្នំដោះក្រមុំ ត្រូវបានសមត្ថកិច្ចចាប់ឃាត់ខ្លួនបានហើយ កាលពីវេលាម៉ោង១០នឹង៣០នាទីព្រឹក ថ្ងៃទី១៦ ខែកុម្ភៈ ឆ្នាំ២០១៨ ក្រោយមានការស៊ើបអង្កេតយ៉ាងយកចិត្តទុកដាក់ពីកម្លាំងជំនាញ ។…
ខេត្តមណ្ឌលគិរី ៖ ជនសង្ស័យវាយបំផ្លាញរូបសំណាកលោកតាភ្នំដោះក្រមុំ ត្រូវបានសមត្ថកិច្ចចាប់ឃាត់ខ្លួនបានហើយ កាលពីវេលាម៉ោង១០នឹង៣០នាទីព្រឹក ថ្ងៃទី១៦ ខែកុម្ភៈ ឆ្នាំ២០១៨ ក្រោយមានការស៊ើបអង្កេតយ៉ាងយកចិត្តទុកដាក់ពីកម្លាំងជំនាញ ។
ជនសង្ស័យ ម៉ម សាម៉ុន ហៅ ខៀវ បាននិយាយថា «រាល់ថ្ងៃនេះ គ្មានផ្ទះ មានតែម៉ែឪបងប្អូន តែបានទៅនៅលើភ្នំម្នាក់ឯង ជាង១៧ឆ្នាំហើយ» ។
ឆ្លើយតបជាមួយអ្នកយកព័ត៌មានជនសង្ស័យបានឲ្យដឹងថា មូលហេតុដែលខ្លួនវាយបំផ្លាញរូបលោកតា«ខ្ញុំមិនសូវដឹងដែរ ពេលស្រវឹងទៅឡូឡា នាំខ្ញុំទៅវ៉ៃលោកតា ពេលវ៉ៃហើយ ខ្ញុំស្រឡះមុខចែស ហើយញញួញនេះខ្ញុំយកពីផ្ទះបងខ្ញុំ ពេលខ្ញុំវ៉ៃហើយ ព្រឹកឡើងខ្ញុំភ្លឺភ្នែក ខ្ញុំសោកស្តាយ លោកតាដែរ ព្រោះខ្ញុំនៅជាមួយគាត់ជាង១៧ឆ្នាំហើយ មិនដែលមានរឿងជាមួយគាត់ទេ ទើបថ្ងៃហ្នឹងជ្រុលដៃ» ។
សូមរំឮកថា រូបសំណាកលោកតាភ្នំដោះក្រមុំដែលត្រូវបានប្រជាពលរដ្ឋនឹងអាជ្ញាធរខេត្តមណ្ឌលគិរី ដាក់តាំងនៅពាក់កណ្តាលភ្នំ ដើម្បីគោរពបូជា ត្រូវបានជនមិនស្គាល់មុខ វាយបំផ្លាយកាលពីយប់ថ្ងៃទី១៤ ឈានចូល១៥ ខែកុម្ភះ នេះ ស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ ៕
ចែករំលែកព័តមាននេះ