ថ្នាំ levonorgestrel ដែលជាថ្នាំពន្យារកំណើត ត្រូវបានគេអនុម័តឲ្យប្រើប្រាស់ដោយរដ្ឋបាលចំណីអាហារ និងឱសថអាមេរិកលើស្ត្រីដែលមានឱកាសខ្ពស់នៃការមានគភ៌ ។ សេចក្តីប្រកាសបានបង្ហាញថា ផលិតផលនេះបានបង្កើតឡើងដោយមិនមានការដាក់កំណត់អ្វីទាំងអស់ រួមមានទាំងអាយុផងដែរ ។…
ថ្នាំ levonorgestrel ដែលជាថ្នាំពន្យារកំណើត ត្រូវបានគេអនុម័តឲ្យប្រើប្រាស់ដោយរដ្ឋបាលចំណីអាហារ និងឱសថអាមេរិកលើស្ត្រីដែលមានឱកាសខ្ពស់នៃការមានគភ៌ ។
សេចក្តីប្រកាសបានបង្ហាញថា ផលិតផលនេះបានបង្កើតឡើងដោយមិនមានការដាក់កំណត់អ្វីទាំងអស់ រួមមានទាំងអាយុផងដែរ ។
គម្រោង B នេះមានន័យថា បន្ថយឱកាសនៃការមានផ្ទៃពោះ ប្រសិនបើវាត្រូវបានលេបអំឡុងពេល៧២ម៉ោង នៃការរួមភេទដោយមិនមានការការពារ ឬមធ្យោបាយនៃការពន្យារកំណើតដទៃទៀត សង្ស័យថាមិនមានប្រសិទ្ធភាព ។ ផលិតផលនេះដំបូងត្រូវបានអនុម័តនៅក្នុងឆ្នាំ២០០៩ដូចជា ថ្នាំដែលលក់លើទីផ្សារចំពោះស្ត្រីដែលមានអាយុលើសពី១៧ឆ្នាំ និងជាថ្នាំដែលចេញវេជ្ជបញ្ជាដោយគ្រូពេទ្យលើស្ត្រីវ័យក្មេង ។
រដ្ឋបាលចំណីអាហារ និងឱសថអាមេរិកបាននិយាយថា ផលិតផលនេះនឹងមិនបញ្ចប់ការមានផ្ទៃពោះលើស្ត្រីដែលកំពុងមានផ្ទៃពោះនោះទេ ហើយវាមិនមានការបង្ហាញថា វានឹងប៉ះពាល់ដល់ការលូតលាស់របស់ទារកនោះទេ ។ ភ្នាក់ងារបានបន្ថែមថា វានឹងមិនការពារជំងឺកាមរោគ ដែលរួមមានជំងឺអេដស៍នោះទេ ។
ស្ត្រីមួយចំនួនដែលបានប្រើថ្នាំនេះ បាននិយាយពីផលរំខាននៃថ្នាំដែលមានដូចជា ចង្អោរ,ក្អួត,ឈឺក្រពះ,ឈឺក្បាល,វិលមុខ និងតឹងសុដន់ ។ ប្រតិកម្មគ្រោះថ្នាក់ទាំងនេះ គឺស្រដៀងគ្នាទៅនឹងអ្នកដែលបានប្រើថ្នាំពន្យារកំណើតដទៃទៀត ៕
ចែករំលែកព័តមាននេះ