តាំងពីបុរាណកាល លើពិភពលោកយើងនេះមានរឿងរ៉ាវស្នេហាច្រើនបែបច្រើនយ៉ាង ស្នេហាខ្លះមានការឆ្លើយតបទៅមកបានល្អ ស្នេហាខ្លះគ្មានការឆ្លើយតបពីភាគីម្ខាងទៀត ហើយក៏មានស្នេហាខ្លះបង្កជាសោកនាដកម្មយ៉ាងសាហាវគួរឱ្យសោកស្តាយបំផុត ។
តទៅនេះជាស្នេហាងប់ងល់យ៉ាងចម្លែករបស់វេជ្ជបណ្ឌិតឈ្មោះខាល វ៉ន កូសែល ដែលឈ្មោះពិតប្រាកដគឺកាល តេនស្លឺ ជាមួយ
តាំងពីបុរាណកាល លើពិភពលោកយើងនេះមានរឿងរ៉ាវស្នេហាច្រើនបែបច្រើនយ៉ាង ស្នេហាខ្លះមានការឆ្លើយតបទៅមកបានល្អ ស្នេហាខ្លះគ្មានការឆ្លើយតបពីភាគីម្ខាងទៀត ហើយក៏មានស្នេហាខ្លះបង្កជាសោកនាដកម្មយ៉ាងសាហាវគួរឱ្យសោកស្តាយបំផុត ។
តទៅនេះជាស្នេហាងប់ងល់យ៉ាងចម្លែករបស់វេជ្ជបណ្ឌិតឈ្មោះខាល វ៉ន កូសែល ដែលឈ្មោះពិតប្រាកដគឺកាល តេនស្លឺ ជាមួយសាកសពអ្នកជំងឺស្រីឈ្មោះអីុលេណា ហូយ៉ូស ។ ស្នេហាមហាឆ្កួតនេះ ធ្វើឱ្យអ្នកខ្លះឮភ្លាមព្រឺសម្បុរគីង្គក់ផង បើកភ្នែកធំៗ ដោយភ្ញាក់ផ្អើលហួសប្រមាណផង ហើយប្រហែលធ្វើឱ្យអ្នកខ្លះស្រក់ទឹកភ្នែក ដោយក្តីអាណិត រំជួលចិត្តពន់ពេក ។
ប្រឹងប្រែងអស់ពីចិត្តថ្លើមព្យាបាលជំងឺព្រោះតែស្នេហាងប់ងល់តួអង្គសំខាន់ក្នុងដំណើររឿងចម្លែកគ្មានពីរនេះ គឺវេជ្ជបណ្ឌិតកាល តេនស្លឺ។ កាលពីឆ្នាំ១៩២៧ កាល តេនស្លឺ សុខៗស្រាប់តែដើរចោលប្រពន្ធ និងកូនរបស់ខ្លួនទៅនៅរដ្ឋផ្ល័រីដា ។ នៅទីនោះគាត់ដូរឈ្មោះថ្មីជាខាល វ៉ន កូសែល វិញដើម្បីកុំឱ្យប្រពន្ធកូនតាមរកឃើញ ហើយចូលធ្វើការក្នុងមន្ទីរេពទ្យមួយ ទទួលបន្ទុកខាងឯកទេសព្យាបាលជំងឺរបេង ។ វេជ្ជបណ្ឌិតរូបនេះតែងនិយាយប្រាប់គេឯងថាកាលខ្លួននៅក្មេង ព្រលឹងដូនតាវង្សត្រកូលខ្លួនប្រាប់ជាញឹកញាប់ពីគូព្រេងរបស់ខ្លួន។
ព្រលឹងអតីតស្ត្រីអភិជនAnna Constantina Von Cosel ដែលមាន គោរមងារកុងត៍មកពន្យល់សប្តិប្រាប់ថា «គូព្រេងចៅឯងជាស្រីស្រស់ស្អាតណាស់ សក់នាងលាយសតិចៗ »។ ពុំដឹងថាសុបិននោះសក្តិសិទ្ធិ ឬអត់ គ្មានអ្នកណាច្បាស់ទេ តែនៅរដ្ឋផ្ល័រីដា កាលតេនស្លឺ ពិតជាបានជួបស្រីស្រស់ស្អាតដាច់គេម្នាក់ សក់លាយសតិចៗមែន ធ្វើឱ្យគាត់គ្រាន់តែឃើញភ្លាមមានអារម្មណ៍ថានាងពិតជាគូព្រេងរបស់ខ្លួន ដែលព្រលឹងដូនតាប្រាប់ក្នុងសុបិន។
អ្វីៗចាប់ផ្តើមពេលកញ្ញាស្រស់ស្អាតឈ្មោះអីុលេណា ហូយ៉ូសចូលសម្រាកក្នុងមន្ទីរពេទ្យដើម្បីព្យាបាលជំងឺរបេង ។ នាងកើតរបេងយូរហើយ ព្យាបាលយ៉ាងណាក៏មិនជាទើបទីបំផុតចូលសម្រាកក្នុងមន្ទីរពេទ្យ ព្រោះល្បីថាមន្ទីរពេទ្យនេះមានវេជ្ជបណ្ឌិតឯកទេសខាងជំងឺរបេងពូកែជាងវេជ្ជបណ្ឌិតនៅមន្ទីរពេទ្យឯទៀត ។ ពេលនាងអីុលេណា ហូយូស ដើរចូលមន្ទីរពេទ្យ មិនថាតែវេជ្ជបណ្ឌិតខាល វ៉ន កូសែល (កាល តេនស្លឺ)នេះ អ្នកឯទៀតទាំងអស់ទាំងពួកគិលានុបដ្ឋាយិកាផង ភ្ញាក់ផ្អើលសម្រស់របស់អ្នកជំងឺស្រីនេះយ៉ាងខ្លាំង ។
ព្រួញកាមទេពបាញ់ចំបេះដូងវេជ្ជបណ្ឌិតខាល វ៉ន កូសែល តាំងពីនាទីដំបូង ។ ភ្លាមនោះគាត់យល់ថា ពិតជានាងហ្នឹងហើយដែលព្រលឹងស្ត្រីអភិជនAnna Constantina Von Cosel ប្រាប់ខ្លួនក្នុងសុបិន ។ មើលចុះសក់នាងលាយសតិចៗមែន ។ កាន់តែជិតស្និទ្ធក្នុងការព្យាបាលជំងឺរបេងឱ្យនាង មនោសញ្ចេតនាស្នេហារបស់ខាលវ៉ន កូសែលចំពោះនាងកាន់តែរីកធំគ្រប់នាទី ។ គាត់ប្រឹងអស់លទ្ធភាពក្នុងការព្យាបាល ជាមួយសេចក្តីសង្ឃឹម នាងព្រមរៀបការជាមួយខ្លួន ក្រោយពេលបានជាសះស្បើយពីជំងឺ ។
ក្រៅពីព្យាបាលតាមវេជ្ជសាស្ត្រ គាត់អនុវត្តវិធីពិសេសៗផ្សេងៗគួបផ្សំផង ។ ថែមលើនេះគាត់ថែមទាំងទិញកាដូនិងផ្កាឱ្យរាល់ថ្ងៃ ដើម្បីឱ្យនាងសប្បាយចិត្ត មានកម្លាំងកំហែងឆាប់ជាជំងឺ ។ ប៉ុន្តែជាការចម្លែកដែរ ទោះគាត់ថ្នាក់ថ្នមចិត្តនាងយ៉ាងណា ក៏អ្នកជំងឺស្រីរូបនេះ មិនបានឆ្លើយតបដោយកាយវិការស្នេហារកគាត់វិញទេ នាងគ្រាន់តែបង្ហាញភាពសិ្នទ្ធស្នាលតាមបែបអ្នកជំងឺ និងវេជ្ជបណ្ឌិតដែលខិតខំព្យាបាលខ្លួនយ៉ាងយកចិត្តទុកដាក់បំផុតប៉ុណ្ណោះ ។ ទោះដូច្នេះក្តីក៏ខាល វ៉ន កូសែល មិនអស់សង្ឃឹមដែរ នៅតែមានជំនឿមុតមាំថាឱ្យតែនាងសះស្បើយពីជំងឺកាចសាហាវនេះមុខតែយល់ព្រមទុកខ្លួនជាប្រពន្ធគាត់ ព្រោះនាងពិតជាមនុស្សដែលព្រលឹងដូនតាប្រាប់ក្នុងសុបិនមែន ។ គូព្រេងមិនព្រាត់ទេ ។
រួមភេទរវាងមនុស្សនិងសាកសពឆ្នាំ១៩១៣ ទោះខាល វ៉នកូសែល ប្រឹងប្រែងព្យាបាលយ៉ាងណាមិនអាចជួយជីវិតនារីដែលខ្លួនស្រឡាញ់បំផុតបានព្រោះទាល់តែជំងឺធ្ងន់ណាស់ហើយទើបនាងមករកមន្ទីរពេទ្យ ។ ពេលអីុលេណា ហូយ៉ូស អស់ជីវិត ខាលវ៉ន កូសែល សុំឱ្យរៀបផ្នូរនាងបណ្តែតលើផ្ទៃដី មិនឱ្យបញ្ចុះក្នុងរណ្តៅទេ ។ ក្រោយមកទើបគេដឹងថា ហេតុដែលខាលវ៉ន កូសែល ស្នើឱ្យធ្វើផ្នូរលើផ្ទៃដី ព្រោះមិនចង់ឱ្យសាកសពឆាប់ប្រែប្រួលដោយសារសំណើមក្រោមដី ងាយឱ្យខ្លួនអនុវត្តគម្រោងឆ្កួតៗរបស់ខ្លួន ។
ផ្នូរនាងអីុលេណា ហូយ៉ូស បានវេជ្ជបណ្ឌិតខាល វ៉ន កូសែល ថែទាំដោយផ្ទាល់ដៃ ហាក់ដូចនាងជាប្រពន្ធសំណព្វចិត្តរបស់ខ្លួន ។ រៀងរាល់ថ្ងៃឱ្យតែផុតម៉ោងធ្វើការនៅមន្ទីរពេទ្យគាត់មានមុខនៅផ្លូរនាង ដើម្បីធ្វើការបោសច្រាស និងជូតសម្អាតយ៉ាងយកចិត្តទុកដាក់បំផុត ។
គ្រួសារនាងអីុលេណា ហូយ៉ូស ទុកចិត្តវេជ្ជបណ្ឌិតខាល វ៉ន កូសែល មែនទែន ព្រោះគិតថាប្រហែលជាវេជ្ជបណ្ឌិតរូបនេះ និងអ្នកក្នុងផ្នូរធ្លាប់មានស្នេហាជាមួយគ្នា ដូច្នេះបណ្តោយឱ្យគាត់ថែរក្សាផ្នូរនាងចុះ ដើម្បីឱ្យគាត់អស់ចិត្ត ហើយវិញ្ញាណក្ខន្ធនាងក៏សប្បាយចិត្តដែរ ។ តាមពិតពួកគេស្មានមិនដល់សោះថាខាល វ៉ន កូសែល កំពុងរៀបគម្រោងលួចយកសពនាងអីុលេណា ហូយ៉ូស ពីផ្នូរ នាំទៅលាក់ទុកក្នុងផ្ទះរបស់ខ្លួន ដើម្បីសម្ងំធ្វើរឿងអាក្រក់ហួសហេតុដែលគ្មានអ្នកណាស្មានដល់ ។
តាំងពីដំបូង ពេលមកផ្នូរនាងអីុលណា ហូយ៉ូសម្តងៗ ខាលវ៉នកូសែល ក្រៅពីបោសច្រាសជូតសម្តាតរួចហើយ តែងអង្គុយសន្ទនារាប់ម៉ោងជាមួយព្រលឹងនាង មិនតែប៉ុណ្ណោះគាត់ថែមទាំងរៀបចំឱ្យមានខ្សែទូរស័ព្ទភ្ជាប់ចូលផ្នូរនាងដើម្បីឱ្យខ្លួនមានអារម្មណ៍ថា រវាងខ្លួននិងនាងនៅក្បែរគ្នា បានសន្ទនាគ្នារហូត ។ សកម្មភាពនេះធ្វើឱ្យគ្រួសារនាងអីុលេណា ហូយ៉ូសរំជួលចិត្តអាណិតគាត់ខ្លាំងឡើង ម្នាក់ៗលាន់មាត់ថា ពិតជាស្នេហាស្មោះស្ម័គ្រមែន គ្មានសេ្នហាណាប្រៀបផ្ទឹមបានទេ ។ លើសពីនេះខាល វ៉ន កូសែល ប្រាប់គេឯងពីដំបូងថា ឃើញព្រលឹងនាងអីុលេណា ហូយ៉ូស មកប្រាប់ឱ្យរក្សាសពនាងកុំឱ្យប្រែប្រួល បើពិតជាស្រឡាញ់នាងមែន ។ ហេតុនេះអត់មានអ្នកណាសង្ស័យអ្វីទេ ពេលឃើញគាត់ប្រើសារធាតុFormaldehy de ដើម្បីរក្សាសពនាងឱ្យនៅគង់វង្សបានយូរ ។
ឆ្នាំ១៩៣៣ ខាល វ៉ន កូសែល លួចសពនាងអីុលេណា ហូយ៉ូស ពីក្នុងក្តារមឈូស យកទៅផ្ទះរបស់ខ្លួនដោយគ្មានអ្នកណាដឹងបន្តិចសោះ ។ គាត់លួចធ្វើរឿងនេះ បន្ទាប់ពីបាត់បង់ការងារនៅមន្ទីរពេទ្យ ព្រោះគាត់មានអាកប្បកិរិយាចម្លែកៗជាបន្តបន្ទាប់ ធ្វើឱ្យថ្នាក់ដឹកនាំមន្ទីរពេទ្យយល់ថាគាត់ចាប់ផ្តើមកើតជំងឺសរសៃប្រសាទ ហើយសម្រេចចិត្តបញ្ឈប់ការងារគាត់ដើម្បីកុំឱ្យមានគ្រោះថ្នាក់ដល់អ្នកដទៃទៀត ។
ខាលវ៉ន កូសែល លួចយកសពនាងអីុលេណា ហូយ៉ូស បានហើយ ខំប្រើប្រាស់សារធាតុថែរក្សាយ៉ាងច្រើនដើម្បីឱ្យសពនាងនៅមានទម្រង់ល្អ ដែលនេះជាប្រការលំបាកព្រោះនាងស្លាប់២ឆ្នាំហើយ ។ ទន្ទឹមគ្នានេះថែមទាំងប្រើប្រាស់ទឹកអប់យ៉ាងច្រើនសម្រាប់ទប់ទល់ក្លិនស្អុយផង ។ គាត់យកខ្សែព្យ៉ាណូចងភ្ជាប់កំណាត់ឆ្អឹងសពកុំឱ្យសណ្តកចេញពីគ្នា ហើយប្តូរគ្រាប់ភ្នែកនាងដែលស្អុយរលួយដោយដាក់គ្រាប់ភ្នែកគ្រីស្តាល់ ។ ពិសេសជាងនេះទៀត គាត់ប្រើវិធីសំយោគក្រណាត់សូត្រ ក្រមួនឃ្មុំ និងម្នាងសិលា ធ្វើស្បែកសិប្បនិមិត្តជំនួសស្បែកនាង ហើយញាត់កម្ទេចក្រណាត់ចូលរាងកាយនាងដើម្បីរក្សាទម្រង់រូបរាង ខណៈរូបរាងនាងកាន់តែបាត់បង់ទម្រង់ធម្មជាតិ ។
ខាល វ៉ន កូសែល ប្រឹងប្រែងពេញទំហឹងក្នុងការថែរក្សាសព និងបង្កើតសក់ថ្មីឱ្យសព ខណៈសក់កំណើតជ្រុះអស់ ។ ការប្រឹងប្រែងរបស់វេជ្ជបណ្ឌិតរូបនេះ ធ្វើឱ្យសពនាងអីុលេណា ហូយ៉ូស មានរូបរាងមើលទៅដូចតុក្កតា មិនដូចអីុលេណាពីមុនឡើយ ។ ប៉ុន្តែទោះដូច្នេះក្តី វាក៏អាចនៅតែជួយឱ្យគាត់មានអារម្មណ៍ថា អីុលេណា ហូយ៉ូស រស់នៅក្បែរគាត់ជានិច្ច ។ រៀងរាល់ថ្ងៃគាត់ចំណាយពេលរាប់ម៉ោងអង្គុយសាសងស្នេហាជាមួយនាង ខណៈសពនាងត្រូវបានរៀបចំដាក់ឱ្យដេកលើគ្រែធំមួយ ហើយរុំដោយក្រណាត់ពណ៌ឆើតឆាយ ។ មនុស្សរស់ និងសាកសពនេះនៅក្បែរគ្នាគ្រប់ពេល លេងភ្លេងឱ្យដៃគូស្តាប់រាល់ថ្ងៃបន្ទាប់ពីសាសងស្នេហារួច ។
អ្វីដែលធ្វើឱ្យស្រឡាំងកាំងភ្ញាក់ផ្អើលបំផុតនោះ គឺពេលក្រុមវេជ្ជបណ្ឌិតចូលទៅពិនិត្យមើលសាកសពនាងអីុលេណា ហូយ៉ូស ស្រាប់តែឃើញត្រង់ប្រដាប់ភេទនាង មានដាក់បំពង់ជ័រទន់ៗមួយដូចរន្ធប្រដាប់ភេទនារី នេះបញ្ជាក់ថា ខាល វ៉នកូសែល រួមភេទតាមបំពង់ជ័ររាល់ថ្ងៃ ដោយប្រើអារម្មណ៍ថាខ្លួនកំពុងរួមភេទជាមួយនាង ។ ពេលខាល វ៉ន កូសែល ត្រូវចាប់ខ្លួនពីបទប្រព្រឹត្តអាក្រក់អាក្រីហួសហេតុពេក វេជ្ជបណ្ឌិតមួយរូបដែលចូលរួមក្នុងការពិនិត្យសពអីុលេណា ហូយ៉ូស និយាយប្រាប់សមត្ថកិច្ច
ថា«សពនាងអីុលេណា ហូយ៉ូស មើលទៅឃើញសុដន់ទាំងគូនៅល្អដដែល ។ ប៉ុន្តែពិនិត្យដល់ប្រដាប់ភេទនាង ខ្ញុំឃើញមានបំពង់ជ័រទន់ៗសម្រាប់ធ្វើសកម្មភាពរួមភេទ ។ ខាងក្រោយបំពង់នោះ គឺស្រទាប់សំឡីសម្រាប់ទ្រាប់ទឹកកាមព្រោះឃើញមានទឹកកាមប្រឡាក់ច្រើន ។ ពេលនោះខ្ញុំស្រឡាំងកាំងពេកដាច់ផ្ងារមកក្រោយ ព្រោះដឹងថាពួកខ្ញុំកំពុងប្រឈមមុខនឹងជនស្រឡាញ់សាកសពរហូតដល់រួមភេទជាមួយសាកសពរាល់ថ្ងៃ ជនអសីលធម៌ឆ្កួតកាមគុណយ៉ាងអាក្រក់បំផុតក្នុងលោក »។
រូបចម្លងអីុលេណា ហូយ៉ូសទីពីរ និងភាពរវើរវាយក្នុងជីវិតចុងក្រោយបងស្រីរបស់អីុលេណា ហូយ៉ូស លែងឃើញវេជ្ជបណ្ឌិតខាល វ៉នកូសែល ទៅសំកុកនៅផ្នូរប្អូនស្រីខ្លួនដូចមុនៗ ។ ទន្ទឹមគ្នានោះលេចឮពាក្យខ្សឹបខ្សៀវ ជាច្រើនពីអាកប្បកិរិយាចម្លែកៗរបស់ខាល វ៉នកូសែល ។ ពីមួយថ្ងៃទៅមួយថ្ងៃ ពាក្យខ្សឹបខ្សៀវទាំងនោះ ធ្វើឱ្យនាងកាន់តែសង្ស័យខ្លាំងឡើង ទីបំផុតក៏សម្រេចចិត្តសុំឱ្យសមត្ថកិច្ចបើកផ្នូរប្អូនស្រីដើម្បីឱ្យឃើញច្បាស់។ នាងស្រឡាំងកាំងស្រែកយ៉ៃស្ទើរសន្លប់នៅនឹងកន្លែងបន្ទាប់ពីសមត្ថកិច្ចបើកគម្របមឈូស ឃើញក្នុងមឈូសទទេស្អាត ពុំដឹងសាកសពប្អូនស្រីត្រូវគេលួច យកចេញតាំងពីអង្កាល់មកហើយ ។
ពេលសមត្ថកិច្ចនិងវេជ្ជបណ្ឌិតមួយក្រុមមកដល់ខាងមុខផ្ទះ ខាល វ៉នកូសែល វេជ្ជបណ្ឌិតរូបនេះដឹងខ្លួនដល់ថ្ងៃអស់លក្ខណ៍ក៏អញ្ជើញគេចូលផ្ទះតាមសម្រួល ។ ចូលដល់ខាងក្នុងភ្លាម សមត្ថកិច្ច និងក្រុមវេជ្ជបណ្ឌិតភ្ញាក់ផ្អើលបើកភ្នែកធំៗ ដោយឃើញសាកសពអីុលេណា ហូយ៉ូស ដេកស្តូកលើគ្រែ តែរូបរាងប្រែដូចតុក្កតា មិនដូចអីុលេណា ហូយ៉ូស ដ៏ស្រស់ស្អាតកាលពីមុនឡើយ ។ ក្រោយពេលក្រុមវេជ្ជបណ្ឌិតពិនិត្យសាកសព និងធ្វើកំណត់ហេតុរួច ខាល វ៉នកូ សែល ត្រូវចាប់ខ្លួនបញ្ជូនឡើងតុលាការពីបទបំផ្លាញផ្នូរ និងធ្វើបន្លាស់ទីសាកសព ដោយគ្មានអនុញ្ញាតពីសមត្ថកិច្ច ព្រមទាំងប្រព្រឹត្តអំពើលាមកហួសហេតុជាមួយសាកសពទៀត ។ប៉ុន្តែទោះដូច្នេះក្តី រឿងក្តីមួយនេះ ពុះកញ្ជ្រោលមួយរយៈពេលខ្លីប៉ុណ្ណោះក៏រហ័សស្ងប់ទៅវិញ បន្ទាប់ពីខាល វ៉ន កូសែល ត្រូវបានដោះលែង ។ ចំណែកសាកសពនាងអីុលេណា ហូយ៉ូស គេដាក់តាំងឱ្យមហាជនទស្សនាមួយរយៈពេលខ្លីដើម្បីឱ្យយល់ច្បាស់សាច់រឿង ។ ពេលនោះមានមនុស្ស៦.៨០០នាក់ផ្អើលទៅមើលសាកសពនាងដែលប្រែរូបរាងឃើញដូចតុក្កតា មុនពេលសពនាងត្រូវបានយកទៅបញ្ចុះជាលើកចុងក្រោយ ។
ឆ្នាំ១៩៤៤ ខាល វ៉ន កូសែល ផ្លាស់ទីលំនៅទៅនៅខណ្ឌ Parco (ផ្លរីដា)វិញ ។ នៅទីនោះ វេជ្ជបណ្ឌិតឡប់គ្រឿងរូបនេះ បង្កើតក្បាំងមុខសាកសពមួយដូចមុខនាងអីុលេណា ហូយ៉ូស ។ មនុស្សជាច្រើនសង្ស័យគាត់ប្រើប្រាស់ស្បែកសាកសពអីុលេណា ហូយ៉ូស បង្កើតក្បាំងមុននេះ ប៉ុន្តែសមត្ថកិច្ចស្រាវជ្រាវរកមិនឃើញថាវាមានប្រភពពីស្បែកសាកសពមនុស្សណាម្នាក់ឡើយ ហេតុនេះគាត់ក៏រួចផុតរឿងក្តីដូចមុន ។
ភាពរវើរវាយលើអីុលេណា ហូយ៉ូស ចេះតែអន្ទោលតាមប្រាណខាល វ៉ន កូសែល រាល់ថ្ងៃ រហូតដល់ពេលជននេះអស់ជីវិតក្នុងឆ្នាំ ១៩៥២ ។ នាដំណាក់កាលចុងក្រោយនៃជីវិតរបស់ខ្លួន ខាលវ៉នកូសែល រស់ជាមួយតុក្កតាមួយដែលគេធ្វើខ្លួនឯង ឃើញប្រហាក់ប្រហែលអីុលេណា ហូយ៉ូស សម្រាប់ដេកឱប ឈរឱប និងសាសងស្នេហារង៉ូវៗ រហូតដល់នាទីដាច់ខ្យល់លាចាកលោក ៕
ចែករំលែកព័តមាននេះ