ខឹងប្រពន្ធមិនឲ្យថ្លៃទឹកដោះ លួចក្រលៀនយកទៅលក់ជំនួស
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ប្តីថោកទាបម្នាក់ លួចវះយកក្រលៀនរបស់ប្រពន្ធ ជំនួសថ្លៃទឹកដោះដែលនាងជំពាក់នៅថ្ងៃរៀបការ។ មុននឹងចូលដល់សាច់រឿង…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ប្តីថោកទាបម្នាក់ លួចវះយកក្រលៀនរបស់ប្រពន្ធ ជំនួសថ្លៃទឹកដោះដែលនាងជំពាក់នៅថ្ងៃរៀបការ។ មុននឹងចូលដល់សាច់រឿង…
ឥណ្ឌា ៖ តាមប្រភពព័ត៌មាន Oddity Central បានឲ្យដឹងថា ប្តីថោកទាបម្នាក់ លួចវះយកក្រលៀនរបស់ប្រពន្ធ ជំនួសថ្លៃទឹកដោះដែលនាងជំពាក់នៅថ្ងៃរៀបការ។
មុននឹងចូលដល់សាច់រឿង យើងគួរដឹងថា នៅប្រទេសឥណ្ឌា ថ្លៃទឹកដោះ គឺមិនមែនសម្រាប់ឲ្យខាងប្រុសជូនទៅខាងស្រី ដូចនៅស្រុកយើងនោះទេ។ នៅទីនោះ ខាងស្រី បើចង់បានប្តី ត្រូវតែឲ្យថ្លៃទឹកដោះទៅខាងប្រុស។
បុរសវ័យ២៨ឆ្នាំ Biswajit Sarkar តែងតែរអ៊ូពីរឿងប្រពន្ធជំពាក់ថ្លៃទឹកដោះ មុនពេលឈានដល់ថ្នាក់លួចក្រលៀនប្រពន្ធ។ នេះបើតាមពាក្យសម្តីរបស់ប្រពន្ធឈ្មោះ Rita Sarkar។ នាងប្រាប់ថា នាងមិនដែលគិតថា ដល់ថ្នាក់នេះទាល់តែសោះ។
នាងបានប្រាប់ថា កាលពីពីរឆ្នាំមុន នាងកើតជំងឺរលាកខ្នែងពោះវៀន ដែលតម្រូវឲ្យមានការវះកាត់។ នាងមិនដឹងសោះថា ពេលនោះប្តីរបស់នាងប្រាប់អ្វីខ្លះដល់ពេទ្យ។ នាងគ្រាន់តែដឹងថា នាងមានអាការៈឈឺឆ្អឹងខ្នងជាប់ជានិច្ច។ នាងបានប្រាប់ប្តីរបស់នាងឲ្យនាំទៅពេទ្យម្តងទៀតដែរ តែគេចេះតែប្រកែក។ រហូតទាល់តែបីខែមុននេះ គ្រួសាររបស់នាងនាំនាងទៅពេទ្យពិនិត្យ ទើបដឹងថា បាត់ក្រលៀនម្ខាង។
នាងបានប្តឹងប៉ូលិសឲ្យចាប់ប្តីរបស់នាង។ ប្តីរបស់នាងសារភាពថា ខ្លួនពិតជាយក្រលៀនរបស់ប្រពន្ធទៅលក់ពិតមែន។ តែការលក់នេះអំពើស្របច្បាប់ ព្រោះប្រពន្ធដែលជាសាមីខ្លួន បានចុះហត្ថលេខារួចហើយ លើក្រដាសអនុញ្ញាតឲ្យលក់ក្រលៀន។ ដោយឡែកខាងប្រពន្ធថា នាងមិនបានដឹងខ្លួនច្បាស់ទេ ព្រោះតែត្រូវថ្នាំសន្លប់។
នាពេលនេះ នាងធ្លាក់ខ្លួនឈឺ ព្រោះតែក្រលៀនម្ខាងរបស់នាងដែលនៅសល់ មានការបង្ករោគ។ គ្រូពេទ្យកំពុងធ្វើការព្យាបាល ដើម្បីឲ្យវាអាចធ្វើការជំនួសក្រលៀនដែលបាត់បង់។ ចំណែកឯប្តីរបស់នាងវិញ ត្រូវបានប៉ូលិសចាប់ខ្លួន ហើយរង់ចាំការកាត់ទោស៕
ចែករំលែកព័តមាននេះ