ខេត្តត្បូងឃ្មុំ ៖ រថយន្តចំនួន៤៧១គ្រឿងដែលបានដឹកទំនិញ ឬកសិផលមកពីតាមបណ្តាខេត្តផ្សេងៗត្រូវបានកម្លាំងចម្រុះបានចាប់ឃាត់នៅតាមទីតាំងសំខាន់ៗចំនួន០៣កន្លែងផ្សេងគ្នាស្រុកអូររាំងឪក្នុងនោះបានរកឃើញចំនួន៩៧គ្រឿងដែលល្មើសនឹងច្បាប់ និងតំរូវឲ្យកាត់ទ្រុងចេញ ដែលខុសបទដ្ឋានបច្ចេទេស ។ លោក ហាក់…
ខេត្តត្បូងឃ្មុំ ៖ រថយន្តចំនួន៤៧១គ្រឿងដែលបានដឹកទំនិញ ឬកសិផលមកពីតាមបណ្តាខេត្តផ្សេងៗត្រូវបានកម្លាំងចម្រុះបានចាប់ឃាត់នៅតាមទីតាំងសំខាន់ៗចំនួន០៣កន្លែងផ្សេងគ្នាស្រុកអូររាំងឪក្នុងនោះបានរកឃើញចំនួន៩៧គ្រឿងដែលល្មើសនឹងច្បាប់ និងតំរូវឲ្យកាត់ទ្រុងចេញ ដែលខុសបទដ្ឋានបច្ចេទេស ។
លោក ហាក់ សុខមករា អភិបាលរងខេត្តមានប្រសាសន៏ឲ្យដឹងនៅព្រឹកថ្ងៃទី១០ កុម្ភៈ ថាផ្អែកតា
មអនុសាសន៏ដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងពិធីសាងសង់ស្ពានមិត្តភាពកម្ពុជា-ចិន ឆ្លងកាត់ទន្លេមេគង្គតភ្ជាប់ពីស្រុកស្ទឹងត្រង់-ក្រូចឆ្មារ ដោយសម្តេចបានដាក់ចេញឲ្យគ្រប់បណ្តាខេត្ត-ក្រុង ត្រូវតែមានវិធានការក្តៅចំពោះរថយន្តធំៗដែលតទ្រុងខុសបទដ្ឋានបច្ចេកទេសនោះ ដោយតម្រូវឲ្យចាប់អនុវត្តន៏ចាប់ពីម៉ោង១២យប់រំលងអធ្រាត្រថ្ងៃទី០៩ កុម្ភៈឈានចូលព្រឹកថ្ងៃទី១០ កុម្ភៈ ធ្វើយ៉ាងណាឲ្យមានប្រសិទ្ធភាព ។
លោកអភិបាលរងខេត្តមានប្រសាសន៏បន្តថា ក្រោយពីទទួលបាននូវអនុសាសន៏នេះរូបលោកបានដឹកនាំកម្លាំងចុះទៅកាន់ភូមិដារ ឃុំដារ ស្រុកមេមត់ ជាប់ព្រំដែនប្រទេសវៀតណាម ចំណែកនៅតាមបណ្តាស្រុកក្រុងផ្សេងៗទាំង៧ត្រូវបានបើកប្រតិបត្តិការធ្វើឡើងព្រមៗគ្នាតែម្តង ។
គ្រាន់តែនៅកន្លែងទីតាំងរូបលោកចុះពិនិត្យនោះរកឃើញមានរថយន្តធំៗចំនួន២៣គ្រឿងដែលល្មើសច្បាប់ដោយបានតទ្រុងខុសបច្ចេកទេសដើម្បីដឹកទំនិញឲ្យបានច្រើនលើសទង្ងន់ទាំងនេះបណ្តាលឲ្យខូចផ្លូវថ្នល់សម្រាប់រថយន្តដែលកាត់ទ្រុងរួចត្រូវបានធ្វើការអប់រំជាមុន និងបានអនុញ្ញាតឲ្យត្រឡប់ទៅវិញ ។ សកម្មភាពពេញមួយថ្ងៃទី១០ កុម្ភៈ បានត្រួតពិនិត្យរថយន្តដល់ទៅជិត៥០០គ្រឿងក្នុងនោះរកឃើញចំនួន៩៧គ្រឿងដែលល្មើសច្បាប់នោះ ៕
ចែករំលែកព័តមាននេះ