ខេត្តត្បូងឃ្មុំ ៖ ស្ត្រីខ្មែរអ៊ិស្លាមម្នាក់ឈ្មោះ ស្មាន ជៈ អាយុ៤៨ឆ្នាំ នៅភូមិដងកាំបិត ឃុំស្រឡប់ ស្រុកត្បូងឃ្មុំ ត្រូវបានឃាតកចាប់រំលោភសេពសន្ថវៈរួចចាប់អារ.ក និងកាប់ចំក្បាលដោយឈាមហូរស្រោចពេញខ្លួនប្រាណបណ្តាលឲ្យស្លាប់ក្នុងថ្លុកឈាម ។ ដែលហេតុការណ៏នោះកើតឡើងនៅវេលាម៉ោង៥និង៣០នាទីល្ងាចទៅម៉ោង៦ល្ងាច ថ្ងៃទី០៨ ខែកុម្ភៈ ឆ្នាំ២០១៨ ។
លោកឧត្តមសេនីយ៏ត្រី ប្រាក់ ប៊ុនណុន ស្នងការរងនគរបាលខេត្តទទួលផែនព្រហ្មទណ្ឌប្រាប់ឲ្យដឹងថា ស្ត្រីដែលស្លាប់នេះកាលពីនៅរស់មិនសតិមិនប្រក្រតីនោះទេ ដោយរស់នៅលើផ្ទះតូចតែម្នាក់ឯងហើយបានប្រកបរបរដើរសុំទានគេនៅក្នុងភូមិដងកាំបិតដើម្បីចិញ្ចឹមជីវិត ។ ស្រាប់តែមកដល់ព្រឹកថ្ងៃទី០៩ កុម្ភៈ ស្រាប់តែប្រជាពលរដ្ឋក្នុងភូមិបានឃើញស្ត្រីរូបនេះដេកស្លាប់នៅលើផ្ទះរបស់ខ្លួនក៏រាយការណ៏ទៅកាន់សមត្ថកិច្ចមូលដ្ឋានជាបន្ទាន់ ។
លោកឧត្តមសេនីយ៏ត្រីប្រាប់បន្តថា ក្រោយពីមានហេតុការណ៏នេះលោកឧត្តមសេនីយ៏ទោ បែន រ័ត្ន ស្នងការនគរបាលខេត្តបានបញ្ជារឲ្យរូបលោកដឹកនាំកម្លាំងចុះទៅដល់កន្លែងកើតហេតុក្នុងនោះមានការចូលរួមពីនគរបាលការិយាល័យព្រហ្មទណ្ឌកំរិតធ្ងន់ខេត្តនគរបាលបច្ចេកទេសខេត្ត រួមនឹងអាជ្ញាធរមូលដ្ឋាន បានពិនិត្យសពឃើញមានស្នាមអារ.កផ្នែកខាងឆ្វេង និងកាប់ត្រូវ១កាំបិតចំក្បាលខាងឆ្វេង និងមានកាំបិត១មានស្នាមប្រឡាប់ឈាមដែលឃាតកបានប្រើដើម្បីសម្លាប់ស្ត្រីរួបនេះ ។
ក្រោមការស្រាវជ្រាវរបស់សមត្ថកិច្ចដោយមានការយកចិត្តទុកដាក់នោះ និងមានការបំភ្លឺពីសាក្សីទើបកំណត់អត្តសញ្ញាណជនសង្ស័យជាឃាតក ហើយមកដល់ព្រឹកថ្ងៃទី១០ កុម្ភៈ ជនឈ្មោះ ហាប់ យ៉ាន ភេទប្រុស អាយុ៤៥ឆ្នាំ នៅភូមិសង្គមថ្មី ឃុំស្រឡប់ ត្រូវបានចាប់ខ្លួនបញ្ជូនទៅសួរនាំនៅអធិការដ្ឋាននគរបាលស្រុកត្បូងឃ្មុំ ។
សូមបញ្ជាក់ផងដែរថា បើតាមប្រភពពីសមត្ថកិច្ចនិយាយថា កន្លងមកជនសង្ស័យនេះធ្លាប់បានចាប់ជនរងគ្រោះខាងលើរំលោភសេពសន្ថវៈមានផ្ទៃពោះ០៤ខែ ហើយត្រូវបានភាគីទាំងសងខាងបានដោះស្រាយគ្នាដើម្បីបញ្ចប់រឿងក្តីក្តាំងដោយរំលូតកូនក្នុងផ្ទៃចោលបន្ទាប់មកទៀតជនសង្ស័យធ្លាប់គំរាមសម្លាប់ស្ត្រីនោះជាញឹកញាប់ថែមទៀត ។
លោកឧត្តមសេនីយ៏ត្រី ប្រាក់ ប៊ុនណុន ស្នងការរងនគបាលខេត្តបញ្ជាក់ថា នៅព្រឹកថ្ងៃទី១១ កុម្ភៈ
មានបងប្អូនខ្មែរអ៊ិស្លាមជាច្រើននាក់បានធ្វើការតវ៉ាទាមទារឲ្យសមត្ថកិច្ចដោះលែងជនសង្ស័យឈ្មោះតាំ ឡេស អាយុ៥៦ឆ្នាំ ត្រូវជាបងថ្លៃជនរងគ្រោះដើម្បីឲ្យមានសិទ្ធិសេរីភាពឡើងវិញ ដែលបុរសនេះជាសាក្សីសំខាន់ក្នុងរឿងឃាតកម្មខាងលើ និងអនុញ្ញាតឲ្យត្រឡប់ទៅផ្ទះវិញបំភ្លឺចប់រួចរាល់នោះ ៕
ចែករំលែកព័តមាននេះ