ខេត្តកំពង់ចាម ៖ ដើម្បីពង្រឹងច្បាប់ចរាចរណ៍នោះ នៅតាមភ្លើងស្តុបចំនួន០៤កន្លែង នៅក្នុងក្រុង កំពង់ចាម ត្រូវបានកម្លាំងជំនាញសាធារណៈការ និងដឹកជញ្ជូនខេត្ត បានចុះរៀបចំអ៊ុតស្នាមគំនូសស ម្រាប់មនុស្សដើរឆ្លងកាត់។…
ខេត្តកំពង់ចាម ៖ ដើម្បីពង្រឹងច្បាប់ចរាចរណ៍នោះ នៅតាមភ្លើងស្តុបចំនួន០៤កន្លែង នៅក្នុងក្រុង
កំពង់ចាម ត្រូវបានកម្លាំងជំនាញសាធារណៈការ និងដឹកជញ្ជូនខេត្ត បានចុះរៀបចំអ៊ុតស្នាមគំនូសស
ម្រាប់មនុស្សដើរឆ្លងកាត់។ ដោយបានដំណើរការចាប់តាំងពីថ្ងៃទី០៦ កុម្ភៈ រហូតមកដល់ព្រឹកថ្ងៃទី០៩
កុម្ភៈ ២០១៨ បានសម្រេចជាច្រើនកន្លែង ប្រយោជន៍ឲ្យអ្នកដំណើរទាំងឡាយគោរពច្បាប់ចរាចរណ៍។
លោក ផាន់ សុភាព ប្រធានការដ្ឋានអ៊ុតគំនូសចរាចរណ៍ផ្លូវ ប្រាប់ឲ្យដឹងថា ដោយមានការណែនាំពី សំណាក់លោកអភិបាលខេត្តក៏ដូចជាប្រធានមន្ទីរសាធារណៈ និងដឹកជញ្ជូនខេត្ត បានចាត់ឲ្យរូបលោក ដឹកនាំកម្លាំងមន្ត្រីក្រោឱវាទជាច្រើននាក់ បានរៀបចំអ៊ុតស្នាមគំនូសឲ្យមនុស្ស ដើរឆ្លងកាត់ នៅតាមទីតាំង ភ្លើងស្តុបផ្លូវបំបែកជាបួនក្នុងនោះមានដូចជា ១-កែងតុលាការខេត្ត ២-ផ្សារញ៉ែ ៣-កែងផ្ទះតាហូវ ៤-ផ្លូវបំបែកលំហែបឹងស្នាយ ដែលសុទ្ធតែជាទីតាំងសំខាន់ៗ ដែលមានមនុស្សអ៊ូរអរឆ្លងកាត់។
ប្រធានការដ្ឋានអ៊ុតគំនូសចរាចរណ៍ផ្លូវបន្តថា សកម្មភាពត្រូវបានចុះតាំងពីថ្ងៃទី០៦ កុម្ភៈដែលរហូតមក
ដល់ព្រឹកថ្ងៃទី០៩ កុម្ភៈ បានសម្រេចរួចរាល់ទាំង៤កន្លែងហើយ។ ការចុះអ៊ុតនេះដោយសារតែស្នាមគំនូ
សចាស់ដែលប្រើប្រាស់ប៉ុន្មានឆ្នាំមកហើយ ត្រូវបានរលុបកន្លែងខ្លះស្ទើរតែមើលមិនចង់ច្បាស់ ទើបត្រូវ
បានប្រធានមន្ទីរសាធារណៈការខេត្ត ឲ្យចុះអ៊ុតសារជាថ្មីឡើងវិញ ដើម្បីសម្រួលការធ្វើដំណើររបស់អ្ន
កថ្មើរជើង។ ក្នុងករណីភ្លើងស្តុបពណ៌ក្រហម ជាសញ្ញាប្រាប់ឲ្យអ្នកធ្វើដំណើរទាំងអស់ត្រូវឈប់ប្រសិ
នបើមានអ្នកណាម្នាក់នូវតែផ្គើនទៅមុខ បានន័យថាអ្នកនោះបំពានច្បាប់ចរាចរណ៍ មូលហេតុនេះហើ
យទើបបណ្តាលឲ្យមានគ្រោះថ្នាក់កើតឡើង។ ក្រោយពីបានបញ្ចប់ការងារទាំង០៤កន្លែងរូបលោកសូម
ឲ្យអ្នកធ្វើដំណើរទាំងឡាយមេត្តានាំគ្នាគោរពច្បាប់ ដើម្បីបញ្ចៀសកុំឲ្យមានហេតុការណ៍ណាមួយកើត
ឡើងនៅតាមដងផ្លូវក្នុងក្រុងកំពង់ចាម។
លោកវរសេនីយ៍ត្រី ស៊ាម យូសេង អធិការរងនគបាលក្រុងកំពង់ចាម ទទួលផែនសណ្តាប់ធ្នាប់ប្រាប់ឲ្យដឹងថា កន្លងមកនៅតាមភ្លើងស្តុបទាំង០៤កន្លែង ស្នាមគំនូសសម្រាប់ឲ្យអ្នកថ្មើរជើងដើរឆ្លងកាត់ពិត
មានស្នាមរលុបពិតមែន ហើយក៏មានស្លាកសញ្ញាប្រាប់ទិសមួយចំនួនក្នុងក្រុងកំពង់ចាម បានរលុបទឹក
ថ្នាំដែលមិនអាចឲ្យអ្នកធ្វើដំណើរតាមម៉ូតូ និងរថយន្តមើលដឹង។ ដូច្នេះការចុះអ៊ុតសារជាថ្មីឡើងវិញ
របស់កម្លាំងសាធារណៈការខេត្ត រូបលោកពិតជាមានក្តីសប្បាយរីករាយ ជាមួយនោះដោយមានការស្នើ
សុំពីពលរដ្ឋក៏សូមឲ្យជំនាញសាធារណៈការខេត្ត រៀបចំជួសជុលស្លាកសញ្ញាមួយចំនួនដើម្បីងាយ
ឲ្យពលរដ្ឋមើលឃើញច្បាស់នាំគ្នាគោរពច្បាប់ចរាចរណ៍៕
ចែករំលែកព័តមាននេះ