ខេត្តបៃលិន ៖ រហូតមកដល់ពេលនេះ គេសង្កេតឃើញមានសិស្សសាលាចំនួន១១នាក់ហើយ បានដួលសន្លប់ជាបន្តបន្ទាប់ ខណៈកំពុងអង្គុយរៀនដោយមិនដឹងមូលហេតុ ហើយត្រូវបានលោកគ្រូអ្នកហៅរថយន្តសង្គ្រោះដឹកទៅកាន់មន្ទីរពេទ្យបង្អែកខេត្ត ដើម្បីពិនិត្យ និងព្យាបាល និងជួយសង្គ្រោះទាន់ពេលវេលា…
ខេត្តបៃលិន ៖ រហូតមកដល់ពេលនេះ គេសង្កេតឃើញមានសិស្សសាលាចំនួន១១នាក់ហើយ បានដួលសន្លប់ជាបន្តបន្ទាប់ ខណៈកំពុងអង្គុយរៀនដោយមិនដឹងមូលហេតុ ហើយត្រូវបានលោកគ្រូអ្នកហៅរថយន្តសង្គ្រោះដឹកទៅកាន់មន្ទីរពេទ្យបង្អែកខេត្ត ដើម្បីពិនិត្យ និងព្យាបាល និងជួយសង្គ្រោះទាន់ពេលវេលា ។ ហេតុការណ៍នេះ កើតឡើងកាលពីម៉ោង០៨ព្រឹក ថ្ងៃទី០៩ ខែកុម្ភៈ នេះ នៅក្នុងសាលាអនុវិទ្យាល័យសន្តិភាព ស្ថិតនៅឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
តាមប្រភពពីអាណាព្យាបាលសិស្សទាំងនោះបានឲ្យដឹងថា ការដួលសន្លប់របស់ក្មេងសិស្សសាលាទាំងនេះ កើតឡើងតាំងពីដើមខែកុម្ភៈមកម្ល៉េះ គឺ ថ្ងៃទី០៦ មានសិស្សដួលសន្លប់ចំនួន៦នាក់ ថ្ងៃទី០៧ ដួលសន្លប់៥នាក់ ហើយលោកនាយកសាលាក៏បានឈប់សម្រាករហូត់ដល់ថ្ងៃទី០៩ ខែកុម្ភៈ នេះ ទើបឲ្យសិស្សចូលរៀនវិញមកសន្លប់ទៀតតែម្តង ។
ពាក់ព័ន្ធបញ្ហានេះ លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិន បានឲ្យដឹងថា ការដួលសន្លប់នេះ មិនទាន់ដឹងមូលហេតុពិតប្រាកដនៅឡើយទេ រង់ចាំខាងមន្ត្រីមន្ទីរសុខាភិបាលខេត្ត និងមន្ត្រីជំនាញកាំកុងត្រូលចុះទៅពិនិត្យនៅថ្ងៃស្អែកសិន ។
លោកប្រធានមន្ទីរបញ្ជាក់ទៀតថា បើកាលពីប៉ុន្មានថ្ងៃមុនមានការដួលសន្លប់ដែរ ដោយមេឃុំមានជំនឿទៅលើសាសនាគាត់ក៏បានធ្វើពិធីសាសនារួចហើយដែរ តែតាមការសន្និដ្ឋានដំបូងមកពីអាកាសធាតុ និងបរិយាកាសនៅក្នុងសាលា ហើយម្យ៉ាងវិញទៀតដោយឃើញក្មេងម្នាក់មានអាការមិនល្អម្នាក់ទៀត ក៏ដួលសន្លប់តាមតាមគ្នាតែម្ដង ។ បញ្ជាក់ ៖ សិស្សសាលាទាំងអស់មានចំនួន៤៧០នាក់ ៕
ចែករំលែកព័តមាននេះ