ខេត្តកំពង់ចាម ៖ សមិទ្ធិផលធំៗដែលលេចធ្លោគួរឲ្យកត់សំគាល់នោះគឺមានស្ពានឆ្លងកាត់ទន្លេមេគង្គដល់ទៅចំនួន០៣ ទី១-ស្ពានគីហ្ស៊ុណា, ទី២-ស្ពានកោះប៉ែន (សាងសង់ជិតរួចរាល់ ) និងស្ពានមិត្តភាពកម្ពុជា-ចិន គ្រោងនឹងបើកការដ្ឋានសាងសង់នៅថ្ងៃទី០៩ ខែកុម្ភៈ…
ខេត្តកំពង់ចាម ៖ សមិទ្ធិផលធំៗដែលលេចធ្លោគួរឲ្យកត់សំគាល់នោះគឺមានស្ពានឆ្លងកាត់ទន្លេមេគង្គដល់ទៅចំនួន០៣ ទី១-ស្ពានគីហ្ស៊ុណា, ទី២-ស្ពានកោះប៉ែន (សាងសង់ជិតរួចរាល់ ) និងស្ពានមិត្តភាពកម្ពុជា-ចិន គ្រោងនឹងបើកការដ្ឋានសាងសង់នៅថ្ងៃទី០៩ ខែកុម្ភៈ ឆ្នាំ២០១៨ ខាងមុខនេះដើម្បីជួយសំរួលដល់ការធ្វើដំណើរពលរដ្ឋគ្រប់ទិសទី ឲ្យកាន់តែមានភាពងាយស្រួលនិងឆាប់រហ័សព្រមទាំងកសិផលផ្សេងៗ ។
លោក សុទ្ធ ពិន អាយុ៤៨ឆ្នាំ នៅភូមិក្តុលកណ្តាល ឃុំទ្រា ស្រុកក្រូចឆ្មារ ខេត្តត្បូងឃ្មុំ ប្រាប់ឲ្យដឹងនៅព្រឹកថ្ងៃទី០៦ ខែកុម្ភៈ ឆ្នាំ២០១៨ ថាកាលពីមុននៅពេលដែលគាត់ត្រូវធ្វើដំណើរចេញមកស្រុកស្ទឹងត្រង់ត្រូវឆ្លងកាណូតឈ្មួលដោយម៉ូតូ១គ្រឿង និងមនុស្សម្នាក់គេទារ៣០០០រៀល ប្រសិនបើចេញទៅការឬបុណ្យទានខកខានដល់យប់ពិតជាមិនមានកាណូតឆ្លងមកផ្ទះនោះទេ និងត្រូវសុំផ្ទះបងប្អូនសំរាកលុះដល់ព្រឹកទើបមានកាណូតឆ្លងថែមទាំងយកថ្លៃទៀត ។
មន្ត្រីសាលាខេត្តកំពង់ចាមបានប្រាប់ឲ្យដឹងថា ស្ពានបេតុងមិត្តភាពកម្ពុជា-ចិននេះមានប្រវែង១១៣១ម៉ែត្រដែលនឹងត្រូវបើកការដ្ឋានសាងសង់នៅថ្ងៃទី០៩ ខែកុម្ភៈ ឆ្នាំ២០១៨ ខាងមុន ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ៕
ចែករំលែកព័តមាននេះ