ផលិតកាំជ្រួច ភ្លាត់ស្នៀតផ្ទុះស្លា.ប់ភ្លាម
- កំពង់ឆ្នាំង
ខេត្តកំពង់ចាម ៖ អ្នកផលិតកាំជ្រួចម្នាក់ឈ្មោះ អេង សុខកាន ភេទប្រុស អាយុ៥០ឆ្នាំ រស់នៅភូមិត្រ ពាំងធំ ឃុំស្រងែ…
ខេត្តកំពង់ចាម ៖ អ្នកផលិតកាំជ្រួចម្នាក់ឈ្មោះ អេង សុខកាន ភេទប្រុស អាយុ៥០ឆ្នាំ រស់នៅភូមិត្រ
ពាំងធំ ឃុំស្រងែ ស្រុកព្រៃឈរ បានភ្លាត់ស្នៀតបណ្តាលផ្ទុះរំសាវ បណ្តាលឲ្យស្លាប់ភ្លាមៗ និងស្ត្រីជា
ប្អូនថ្លៃម្នាក់បានរងរបួសផងដែរ ។ ហេតុការណ៏នោះកើតឡើងនៅវេលាម៉ោង៥និង១៥នាទីល្ងាចថ្ងៃទី
០៦ ខែកុម្ភះ ឆ្នាំ២០១៨ ហើយកម្លាំងសមត្ថកិច្ចបានចុះទៅដើម្បីពិនិត្យ ដល់កន្លែងកើតហេតុផងដែរ ។
លោកវរសេនីយ៍ឯក កែវ ស៊ាងហ៊ន់ អធិការនគរបាលស្រុកព្រៃឈរប្រាប់ឲ្យដឹងថា បុរសដែលស្លាប់
នោះមុនពេលកើតហេតុបានអង្គុយផលិតកាំជ្រួចនៅផ្ទះរបស់ខ្លួន ដោយបានកែច្នៃប្រឆេះ សម្រាប់
អុជកាំជ្រួច មកដាក់ក្នុងធុង ដោយក្រឡុក និងបានបិទគ្រប ជាហេតុបណ្តាលឲ្យផ្ទុះត្រូវផ្ទៃមុខ និងខ្លួន
ប្រាណស្លាប់ភ្លាមៗ ។ ចំណែកប្អូនថ្លៃស្រីម្នាក់ អាយុ២៩ឆ្នាំ នៅក្បែរនោះដែររងរបួសស្រាល
ព្រមទាំងបង្កឲ្យមានការភ្ញាក់ផ្អើលដល់អ្នកជិតខាង ។
លោកវរសេនីយ៍ឯក កែវ ស៊ាងហ៊ន់ អធិការនគរបាលស្រុកព្រៃឈរប្រាប់បន្តថា បុរសដែលស្លាប់នេះ
ថែមទាំងស៊ីឈ្មួលដុតកាំជ្រួចនៅតាមកម្មវិធីបុណ្យផ្សេងៗផងដែរ ។ ប្រសិនបើមានគេកម្មង់ទិញ និងឲ្យ
ដុតនៅពេលរាត្រីគាត់នឹងទៅដុតកាំជ្រួច ដើម្បីបង្ហោះទៅលើអាកាសថែមទៀត ។
នៅល្ងាចថ្ងៃខាងលើ ដោយសារតែមានការកែច្នៃខុសបច្ចេកទេស ជាហេតុបណ្តាលឲ្យផ្ទុះស្លាប់ ក្នុង
ពេលដែលសមត្ថកិច្ចចុះទៅពិនិត្យសពត្រូវបានក្រុមគ្រួសារនៃសព សំណូមពរមកសមត្ថកិច្ច
មិនបាច់ពិនិត្យសព ។
ចំពោះមូលហេតុដែលបណ្តាលឲ្យផ្ទុះកក្រើកបែបនេះ ព្រោះថា រាល់ដងនៅពេលក្រឡុកកែច្នៃធ្វើកាំជ្រួច ពេលដែលរំសាវក្នុងធុងក្រឡុកមិនបានគ្របនោះទេ តែមកដល់លើកនេះបែរជា យកគម្របធុងបិទ ហើយក៏បណ្តាលឲ្យផ្ទុះតែម្តង ។
សាកសពបុរសអ្នកផលិតកាំជ្រួចនេះ ត្រូវបានសាច់ញាតិរៀបចំធ្វើបុណ្យទៅតាមប្រពៃណីក្រោមសំលេងទួញសោក ៕
ចែករំលែកព័តមាននេះ