ខេត្តមណ្ឌលគិរី ៖ ស្រុកកែវសីមា បានក្លាយទៅជាតំបន់ប្រឈមនឹងជំងឺផ្តាសាយបក្សី ក្នុងចំណោមក្រុង-ស្រុកទាំង៥របស់ខេត្តមណ្ឌលគិរី ក្រោយការរកឃើញមាន់រាប់សិបក្បាលងាប់ជាបន្តបន្ទាប់កាលពីចុងខែមករាកន្លងទៅ និងនៅដើមខែកុម្ភៈនេះ ។ លោក សុង…
ខេត្តមណ្ឌលគិរី ៖ ស្រុកកែវសីមា បានក្លាយទៅជាតំបន់ប្រឈមនឹងជំងឺផ្តាសាយបក្សី ក្នុងចំណោមក្រុង-ស្រុកទាំង៥របស់ខេត្តមណ្ឌលគិរី ក្រោយការរកឃើញមាន់រាប់សិបក្បាលងាប់ជាបន្តបន្ទាប់កាលពីចុងខែមករាកន្លងទៅ និងនៅដើមខែកុម្ភៈនេះ ។
លោក សុង ឃាង ប្រធានមន្ទីរកសិកម្មរុក្ខាប្រមាញ់ និងនេសាទខេត្ត បានឲ្យដឹងថា ករណីផ្ទុះជំងឺផ្តាសាយបក្សីនេះកើតមាននៅភូមិអូរអាម កាលពីថ្ងៃទី២៩ ខែមករា ហើយមន្ត្រីខាងបសុព្យាបាលបានចុះពិនិត្យនិងរកឃើញថា មាន់របស់បងប្អូនដែលកំពុងចិញ្ចឹមមានឆ្លងជំងឺផ្តាសាយបក្សី ។ ប៉ុន្តែករណីនេះ ត្រូវបានមន្ត្រីជំ
នាញចុះធ្វើការទប់ស្កាត់ភ្លាមៗ ហើយជាលទ្ធផលនៃការតាមដាន នៅមិនទាន់រកឃើញមានការរាតត្បាតបន្តទៀតនោះទេ ។ លោកប្រធានមន្ទីរ បានស្នើសុំឲ្យបងប្អូនសហការផ្តល់ព័ត៌មានពាក់ព័ន្ធនឹងករណីជំងឺនេះ ចៀសវាងមានការឆ្លងរាតត្បាតបន្តទៀត ពិសេសពីសត្វដែលងាប់ ។
ក្រសួងកសិកម្ម រុក្ខាប្រមាញ់និងនេសាទ បានប្រកាសថា ភូមិអូរអាម ឃុំស្រែខ្ទុម ស្រុកកែវសីមា ដែលមានព្រំប្រទល់ជាប់ជាមួយប្រទេសវៀតណាមនោះ បានកំណត់ជាតំបន់មួយដែលកំពុងកើតឡើងនូវជំងផ្តា សាយបក្សីលើសត្វមាន់។ ក្រសួងបានហាមឃាត់ការនាំចូលសាច់សត្វពីក្រៅប្រទេសចូលតំបន់នេះ ដើម្បីទុកពេលឲ្យមន្ត្រីជំនាញកម្ចាត់ជំងឺប្រភេទនេះ រយៈពេល១ខែសិន ។
ប្រធានមន្ទីរសុខាភិបាលខេត្ត លោក ប៊ុន
សួរ បញ្ជាក់ថា ក្រោយពីទទួលបានព័ត៌មានថា មានផ្ទុះជំងឺផ្តាសាយបក្សី ខាងមន្ទីរសុខាភិបាលក៏បានចុះសិក្សាស្រាវជ្រាវដែរ ហើយរហូតមកដល់ថ្ងៃទី៣ ខែកុម្ភៈ នៅមិនទាន់មានមនុស្សណាម្នាក់ឆ្លងពីមាន់ដែលមានជំងឺនោះទេ ។ លោកស្រី ហេង ម៉ូរ៉ានី អនុប្រធាននាយកដ្ឋានផលិតកម្ម និងបសុព្យាបាលនៃក្រសួងកសិ
កម្មពន្យល់ប្រជាពលរដ្ឋថា ចំពោះករណីដែលសង្ស័យថាមានមាន់របស់បងប្អូនឈឺហើយងាប់
ជាបន្តបន្ទាប់នោះ សូមរាយការណ៍ភ្លាមៗទៅការិយាល័យកសិកម្មដែលនៅជិតផ្ទះ ។
លោកស្រី ហេង ម៉ូរ៉ានី ក៏បានសំណូមពរដល់ពេទ្យសត្វនៅច្រកទ្វាទ្វេភាគីឡ៉ាប៉ាខេ ត្រូវហាមប្រាមមិនឲ្យមានការនាំចូលសាច់សត្វពីប្រទេសវៀតនាមរយៈពេល១ខែផងដែរ ។ ការប្រកាសនេះ គឺនៅពេលដែលលោកស្រី ហេង ម៉ូរ៉ានី រួមដំណើរដោយអភិបាលរងខេត្តលោក ចឹង សុចន្ថា ប្រធានមន្ទីរពាក់ព័ន្ធ និងក្រុមមន្ត្រីជំនាញជាច្រើនរូប កាលពីថ្ងៃទី៣ ខែកុម្ភៈ ចុះធ្វើការអប់រំណែនាំប្រជាពលរដ្ឋក្នុងភូមិខាងលើ និងធ្វើ
ការបោសសម្អាតមាន់ដែលអាចនឹងកើតជំងឺផ្តាសាយបក្សី ៕
ចែករំលែកព័តមាននេះ