រាជធានីភ្នំពេញ ៖ តារាសម្តែងនាងវ៉ាង ស្រណូ បានធ្វើឲ្យមហាជនចាប់អារម្មណ៍ជាថ្មី បន្ទាប់ពីនាងបង្ហាញរថយន្តពីរគ្រឿងស៊េរីទំនើប មានតម្លៃរាប់សិបម៉ឺនដុល្លារ ក្នុងពេលអាជីពសិល្បៈស្ងប់ស្ងាត់ ។
ក្នុងពេលតារាជាច្រើនតែងតែបង្ហាញភាពហ៊ឺហារបស់ខ្លួនតាមរយៈរបស់របរប្រើប្រាស់ផ្សេងៗនោះ តារាសម្តែងដែលធ្លាប់សម្ញែងភាពសិចស៊ីនាងវ៉ាង ស្រីណូ ក៏តែងតែបង្ហាញភាពនូវភាពហ៊ឺហា និងការរស់នៅបែបស៊ីវិល័យរបស់នាងជាបន្តបន្ទាប់ដែរ ។
ជាថ្មីម្តងទៀតបន្ទាប់ពីចូលដើមខែថ្មីខែកុម្ភៈភ្លាម វ៉ាង ស្រីណួ បានបង្ហាញរថយន្តពីរគ្រឿងដែលសុទ្ធសឹងតែជាស៊េរីទំនើបម៉ាកMecerdez និងមួយទៀតម៉ាកLuxus ដែលគិតជាម្លៃរាប់សិបម៉ឺនដុល្លារ ។
បើទោះបីជាវ៉ាង ស្រីណូ មិនបញ្ជាក់ពីរថយន្តទាំងពីរគឺសុទ្ធតែជាកម្មសិទ្ធិផ្ទាល់ខ្លួននាងក៏ដោយ ប៉ុន្តែតាមរយៈរូបថតប៉ុន្មានសន្លឹកដែលនាងបានបង្ហោះនោះ គឺគេសង្កេតឃើញមានការសែនព្រេននៅពីមុខរថយន្ត ។
វ៉ាង ស្រីណូ មិនបានបញ្ជាក់អ្វីច្រើនក្រៅតែពីបង្ហោះសារជាមួយរូបភាពទាំងនោះដោយខ្លីថា «ថ្ងៃនេះចន្ទពេញបូណ៌មី! ខ្ញុំសូមបួងសួងឱ្យខ្ញុំ និងក្រុមគ្រួសារខ្មែរទាំងអស់បានសុខសប្បាយ »។
បន្ទាប់ពីវ៉ាង ស្រណូ បង្ហោះរូបភាពទាំងអស់នោះក៏មានមិត្តភក្តិ និងប្រិយមិត្តគាំទ្ររបស់នាងជាច្រើនបានចូលរួមសម្តែងការអបអរសាទរ ក្នុងពេលដែលឃើញនាងផ្លាស់ប្តូររថយន្តបែបទំនើបៗនាពេលនេះ ។
វ៉ាង ស្រីណូ តែងតែបដិសេធរាល់ព័ត៌មានដែលបានដាក់ការសង្ស័យថាអ្នកមានទ្រព្យស្តុកស្ថិតនៅពីក្រោយភាពហ៊ឺហារបស់នាងនាពេលនេះ ដោយនាងបានចាត់ទុកភាពហ៊ឺហារបស់ខ្លួនកើតចេញពីការប្រឹងប្រែងដោយផ្ទាល់របស់នាងតែប៉ុណ្ណោះ ។
តារាសម្តែងនាងវ៉ាង ស្រីណូ បាត់មុខពីសិល្បៈស្ទើរតែដល់ចំណុចសូន្យ បន្ទាប់ពីនាងបានពើបប្រទះរឿងអាស្រូវជាបន្តបន្ទាប់ ស្របពេលដែលនាងសម្រេចដកឃ្លាពីការងារសម្តែងផងនោះ ។
ទោះជាយ៉ាងណាក្តីបន្ទាប់ពីរលកព័ត៌មានដ៏អាប់អួបានរសាត់ឆ្ងាយបន្តិចនោះវ៉ាង ស្រីណូក៏បានអះអាងពីការវិលចូលសិល្បៈជាថ្មីឡើងវិញ បន្ទាប់ពីអាក់ខាន ប៉ុន្តែរហូតមកដល់ពេលនេះសកម្មភាពក្នុងសិល្បៈរបស់នាងហាក់នៅទ្រឹងនៅឡើយ ។
ដំណឹងវិលមកកាន់អាជីពសិល្បៈសម្តែង របស់តារាស្រីម្ចាស់ពាន កំពូលតារាសិចស៊ីកាលពីជាងកន្លះទសវត្សរ៍មុន នាងវ៉ាង ស្រីណូ បានលេចឮតាំងពីអំឡុងឆ្នាំ២០១៤មកម្ល៉េះ ។
វ៉ាង ស្រីណូ ធ្លាប់បានសរសេរប្រាប់ទស្សនិកជនតាមហ្វេសប៊ុកថា នាងបាន ត្រៀមខ្លួនវិលរកអាជីពដែលទស្សនិកជនបានស្គាល់នាងពីមុន ដោយត្រៀមថតជាខ្សែភាពយន្ត និងស្ប៉តពាណិជ្ជកម្ម ជាដើម ។
នៅក្នុងហ្វេសប៊ុក ក្រៅពីអះអាងថានាងបានត្រៀមខ្លួនថតភាពយន្តឲ្យMTV តែវ៉ាង ស្រីណូ មិនបានប្រាប់ថា ភាពយន្តដែលនាងគ្រោងសម្តែងនោះជាភាពយន្តដុំ ឬក៏ជាភាពយន្តភាគទេ ហើយក៏មិនប្រាប់ជាក់លាក់ពីកាលបរិច្ឆេទដែរ ។
វ៉ាង ស្រីណូ បញ្ជាក់ថាមិនយូរទេរាល់ការប្រគំតន្ត្រីតាមបណ្តាស្ថានីយទាំងអស់នឹងមានវត្តមាននាងឡើងវិញ ហើយនាងក៏សង្ឃឹមថានឹងទទួលបានការគាំទ្រដូចមុន ៕
ចែករំលែកព័តមាននេះ