យោងតាមអ្នកវិទ្យាសាស្ត្រខាងចំណីអាហាររបស់សាកលវិទ្យាល័យរដ្ឋផេនស៊ីលវេនៀ សហរដ្ឋអាមេរិកបានអះអាងថា តែបៃតងអាចជួយសម្រកទម្ងន់និងប្រឆាំងនឹងការធាត់ដុះពោះទៀតផង។ ការធ្វើពិសោធន៍លើកណ្តុរបានបង្ហាញថា សារធាតុepigallocatechin-3-gallate(EGCG)នៅក្នុងតែបៃតង មានសមត្ថភាពអាចជួយកាត់បន្ថយការឡើងទម្ងន់។បណ្តាសត្វកណ្តុរ
យោងតាមអ្នកវិទ្យាសាស្ត្រខាងចំណីអាហាររបស់សាកលវិទ្យាល័យរដ្ឋផេនស៊ីលវេនៀ សហរដ្ឋអាមេរិកបានអះអាងថា តែបៃតងអាចជួយសម្រកទម្ងន់និងប្រឆាំងនឹងការធាត់ដុះពោះទៀតផង។ ការធ្វើពិសោធន៍លើកណ្តុរបានបង្ហាញថា សារធាតុepigallocatechin-3-gallate(EGCG)នៅក្នុងតែបៃតង មានសមត្ថភាពអាចជួយកាត់បន្ថយការឡើងទម្ងន់។បណ្តាសត្វកណ្តុរធាត់ៗដែលគេឲ្យស៊ីចំណីមានepigallocatechin-3-gallate (EGCG) ការឡើងទម្ងន់ខ្លួនមានតែ៤៥%គឺយឺតជាងពពួកសត្វកណ្តុរដែលគេឲ្យស៊ីចំណីដូចគ្នាតែគ្មានដាក់សារធាតុ epigallocatechin-3-gallate (EGCG)។
លោកចូសួ ឡាំបឺត សាស្ត្រាចារ្យជំនួយផ្នែកវិទ្យាសាស្ត្រចំណីអាហារនៃវិទ្យាស្ថានកសិកម្មបានថ្លែងថា៖«នៅក្នុងការពិសោធន៍នេះ យើងបានមើលឃើញពីអត្រាឡើងទម្ងន់ខ្លួនបានថយចុះ»។ លោកចូសួ ឡាំបឺតបានឲ្យដឹងបន្តថា លក្ខណៈបែបនេះក៏ព្រោះតែសារធាតុepigallocatechin-3-gallate(EGCG)បានកំណត់នូវការស្រូបយកខ្លាញ់របស់រាងកាយហើយបន្ទាប់មកវាក៏ជួយបន្ថែមសមត្ថភាពរាងកាយក្នុងការប្រើប្រាស់ខ្លាញ់។ ដូច្នេះ វាហាក់ដូចជាមានមុខពីរចំពោះបញ្ហានេះ។ ការពិសោធន៍លើកនេះមិនបានបង្ហាញថា តែបៃតងអាចបំបាត់មិនឲ្យឃ្លានចំណីអាហារនោះទេ។ កណ្តុរ១ក្រុមដែលគេពិសោធន៍ឲ្យស៊ីចំណីមានផ្ទុកសារធាតុ(EGCG)នៅតែអាចស៊ីអាហារបានដូចក្រុមកណ្តុរផ្សេងដដែល។
លោកឡាំបឺតបានបន្តថា គេគួរតែផឹកតែបៃតងឲ្យបាន១០ពែងក្នុង១ថ្ងៃទើបទទួលបានផលដូចជាបានបង្ហាញក្នុងការពិសោធន៍។ប៉ុន្តែយ៉ាងណាក៏ដោយ លោកបានបញ្ជាក់ថា ការសិក្សាមួយចំនួនថ្មីៗនេះបានបង្ហាញថា ផឹកតែបៃតងត្រឹមតែ២ទៅ៣ពែងក្នុង១ថ្ងៃ អាចជួយទប់ស្កាត់ការឡើងទម្ងន់បាន ៕
ចែករំលែកព័តមាននេះ