ខេត្តតាកែវ ៖ កាលពីចុងឆ្នាំ២០១៧កន្លងទៅ នេះកម្មករ-កម្មការីនីរោងចក្រកាត់សម្លៀកបំពាក់នៅភូមិឃ្លាំមឿង ឃុំពត់ស ស្រុកបាទី បានដួលសន្លប់ប្រមាណជាង២០០នាក់ ជាបន្តបន្ទាប់ ហើយត្រូវបានលោកឡាយ វណ្ណះ អភិបាលខេត្តតាកែវ បានចុះទៅសួរសុកទុកដល់កម្មករ-កម្មការីនី ហើយក៏បានបញ្ជាដល់ប្រធានមន្ទីរសុខាភិបាលខេត្ត ប្រធានមន្ទីរការងារ និងបណ្តុះបណ្តាលវិជ្ជាជីវខេត្ត ដោយសហការជាមួយអាជ្ញាធរស្រុកបាទី ។
តើកម្មករ-កម្មការីនីរោងចក្រមានការដួលសន្លប់ដោយមូលហេតុអី តែករណីនេះមិនត្រូវអស់លោក ដែលជាប្រធានមន្ទីរ និងអាជ្ញាធរស្រុកមិនបានចុះស្រាវជ្រាវរកការពិតនៅក្នុងរោងចក្រ ដើម្បីជួយដល់កម្មករ-កម្មការីនីឡើយ ហើយចូលដល់ដើមឆ្នាំ២០១៨នេះ បញ្ហាកម្មករ-កម្មការីនីបានពុលជាតិគីមីបានដួលសន្លប់ជាបន្តបន្ទាប់ ដោយរយៈពេល២លើកនេះ បានដួលសន្លប់ជាង២០០នាក់មកហើយ ជាក់ស្តែងនៅម៉ោង៧និង០០នាទីថ្ងៃទី០១ ខែកុម្ភៈនេះ ក្រុមហ៊ុនសេឌូណូ(ដេរសម្លៀកបំពាក់) ស្ថិតនៅភូមិកណ្តឹងតូច ឃុំកណ្តឹង ស្រុកបាទី មានកម្មករ-កម្មការិនីដួលសន្លប់ចន្លោះ១៤៧នាក់ទៅ១៦០នាក់ បានបញ្ចូនទៅមន្ទីរពេទ្យបង្អែកស្រុកបាទី រីឯកម្មករ-កម្មការីនីដែលបានដួលសន្លប់មានស្ថានភាពធ្ងន់ធ្ងរចំនួន៩នាក់ ត្រូវបានបញ្ជូនទៅសង្គ្រោះនៅមន្ទីពេទ្យបង្អែកខេត្ត ។
លោក ងាន់ សារី អធិការនគរបាលស្រុកបាទីបានឲ្យដឹងថា កម្មករ-កម្មការីនីដែលបានបម្រើការងារនៅក្នុងរោងចក្រកាត់សម្លៀកបំពាក់ខាងលើនេះ កាលពីថ្ងែទី៣០ ខែមករា ឆ្នាំ២០១៨ កន្លងទៅនេះ បានធ្វើឲ្យកម្មករ-កម្មការីនីដួលសន្លប់ប្រមាណជា៩៤នាក់ ហើយនៅថ្ងែទី៣១ ខែមករា ឆ្នាំ២០១៨ លោកឡាយ វណ្ណះ អភិបាលខេត្តបានអញ្ជើញចុះសួរសុខទុក្ខកម្មករ-កម្មការីនីដែលកំពុងសម្រាកព្យាបាលនៅមន្ទីពេទ្យបង្អែកស្រុកបាទី ។
បើតាមសម្តីកម្មការីនីដែលកំពុងតែសម្រាកព្យាបាលនៅក្នុងមន្ទីពេទ្យបង្អែកខេត្តបានឲ្យដឹងថាមូលហេតុដែលធ្វើឲ្យកម្មករ-កម្មការីនីបានដួលសន្លប់មកពីក្រណាត់កាត់សម្លៀកបំពាក់នោះមានជ្រលក់ថ្នាំគីមី ធ្វើឲ្យពុល រួចថប់ដង្ហើមតឹងណែនក្នុងទ្រូងធ្វើឲ្យពួកយើងបានដួលសន្លប់ជាបន្តបន្ទាប់តែម្តង ហើយមកដល់រសៀលនេះ បានធូរស្បើយបន្តិច ហើយដោយពេទ្យបានឲ្យថ្នាំលេបនិងព្យួរសេរ៉ូមឲ្យ ៕
ចែករំលែកព័តមាននេះ