ក្រុមរបាំអង្គរសក្តិសិទ្ធិនៅសៀមរាបតែងតែសម្តែងជូនអ្នកទេសចរ
- សៀមរាប
ខេត្តសៀមរាប ៖ «សាលារចនា និងវិចិត្រសិល្បៈសម្តេចព្រះរាមបុប្ផា ទេវីឈូកស បន្ទាយស្រី» មានទីតាំងស្ថិតនៅភូមិឈូកស ឃុំឃុនរាម ស្រុកបន្ទាយស្រី ខេត្តសៀមរាប…
ខេត្តសៀមរាប ៖ «សាលារចនា និងវិចិត្រសិល្បៈសម្តេចព្រះរាមបុប្ផា ទេវីឈូកស បន្ទាយស្រី» មានទីតាំងស្ថិតនៅភូមិឈូកស ឃុំឃុនរាម ស្រុកបន្ទាយស្រី ខេត្តសៀមរាប…
ខេត្តសៀមរាប ៖ «សាលារចនា និងវិចិត្រសិល្បៈសម្តេចព្រះរាមបុប្ផា ទេវីឈូកស បន្ទាយស្រី» មានទីតាំងស្ថិតនៅភូមិឈូកស ឃុំឃុនរាម ស្រុកបន្ទាយស្រី ខេត្តសៀមរាប ដែលដឹកនាំដោយលោកជំទាវកន្ថា រ៉ាវីន ងិនការ៉េត និងសម្តេចព្រះរាជបុត្រីព្រះរាមនរោត្តម បុប្ផាទេវី ជាប្រធានកិតិ្តយស ក្រោមការគាំទ្រពីអង្គការយូណេស្កូ(UNESCO) ។
សាលារចនា និងវិចិត្រសិល្បៈ ដែលបង្កើតនៅខេត្តនេះ គឺជាលើកទី១ ។ តាំងពីបង្កើតឡើងនៅអំឡុងឆ្នាំ២០០៧ រហូតដល់បច្ចុប្បន្ន មានក្រុមសិល្បករ សិល្បការិនី ជាកុមារក្រីក្រ ។
ការសម្តែងរបស់ក្រុមសិល្បៈនោះ គឺដើម្បីថ្វាយក្នុងពិធីបួងសួង ពួកគេគឺជាក្រុមនាដកានៅក្នុងវ័យបរិសុទ្ធ ។ ពួកនាងចូលហាត់រៀនដោយឥតគិតប្រាក់ ចាប់ពីអាយុ៦ឆ្នាំ ក្នុងនោះហាត់ក្នុង១សប្តាហ៍ចំនួ៥ថ្ងៃ ហើយក្នុង១ថ្ងៃហាត់ចំនួន៧ម៉ោង ។ មិនត្រឹមតែបង្ហាត់សិល្បៈបុរាណប្រពៃណី និងភ្លេងបុរាណប៉ុណ្ណោះនោះទេ គឺមានបញ្ចូលវប្បធម៌ និងសាសនា ព្រមទាំងបង្រៀនធ្វើម្ហូបខ្មែរថែមទៀតផង ។
បច្ចុប្បន្នក្រុមអង្គរសក្តិសិទ្ធិ តែងតែសម្តែង១ខែម្តង ក្នុងក្រុងសៀមរាប ដូចជា៖នៅសណ្ឋាគារ អាម៉ានសារា និងសម្តែង១សប្តាហ៍២ដងនៅ Divine Sala ស្ថិតនៅភូមិទ្រាំង សង្កាត់ស្លក្រាម ក្រុងសៀមរាប ។ នៅសាលាសិល្បៈក៏មានទទួលភ្ញៀវផងដែរ ។
ក្មេងទាំងអស់ដែលចូលហាត់សិល្បៈ ថែមទាំងបង្រៀនធ្វើម្ហូបខ្មែរទៀតផង ដើម្បីទុកសម្រាប់រៀបចំជូនភ្ញៀវដែលមកទស្សនាមើលសិល្បៈតាមប្រាសាទនានាក្នុងខេត្តសៀមរាប ។ ក្រៅពីនេះបង្រៀនគូរគំនូរ និងបង្រៀនភាសាអង់គ្លេស ។
ក្រុមសិល្បៈបានរៀបចំបង្ហាញពិធីរៀបការតាមប្រពៃណីខ្មែរ ដូចជាអង្គុយសែនចងដៃ និងថតរូបភាព ។ នៅមានទទួលសម្តែង ផ្សេងៗទៀត ទៅតាមការស្នើសុំរបស់ភ្ញៀវ ។
ពិធីបួងសួងតាមប្រាសាទ គឺធ្វើឡើង ដើម្បីឧទ្ទិសដល់ម្ចាស់ទឹក ម្ចាស់ដី បារមីគ្រប់ប្រាសាទ និងគោរពទឹកដីសក្តិសិទ្ធិ ។
សម្រាប់កម្មវិធីរៀបចំអាហារពេលល្ងាចនៅតាមប្រាសាទ ចង់បង្ហាញជនរួមជាតិកម្ពុជា និងភ្ញៀវទេសចរជាតិ និងអន្តរជាតិទាំងអស់ ដើម្បីឱ្យនាំគ្នាគោរពប្រាសាទទាំងអស់នោះ គឺជាកន្លែងគោរពសក្ការបូជាសក្តិសិទ្ធិ ក្នុងពិធីបួងសួង និងបូជាថ្វាយបាយសី ដែលធ្វើដោយក្រុមរបាំ អង្គរស័កិ្តសិទ្ធិផ្ទាល់ ។
លោកជំទាវកន្ថា រ៉ាវីន ងិនការ៉េត ឱ្យដឹងកាលពីពេល ថ្មីៗកន្លងមកថា ក្រុមសិល្បករ សិល្បការិនី មុនចាប់ផ្តើមហាត់តែងតែធ្វើសមាធិ និងសូត្រធម៌ ដូច្នេះហើយទើបហៅថា ក្រុមអង្គរសក្តិសិទ្ធិ និងរៀបចំតាមប្រាសាទបួងសួងឧទ្ទិសដល់ទៅចំនួន៣៣ប្រាសាទដើម្បីសុំសេចក្តីសុខ ។ នៅពេលណាដែលប្រទេសនៅលើពិភពលោកមានបញ្ហា គឺក្រុមអង្គរស័ក្តិសិទ្ធិ បានប្រារព្ធពិធីបួងសួងជារៀងរាល់ឆ្នាំ ព្រមទាំងធ្វើពិធីបួងសួងសម្រាប់ព្រះរាជពិធីចម្រើនព្រះជន្មព្រះមហាក្សត្រ ។
លោកជំទាវកន្ថា រ៉ាវីន ងិនការ៉េត ធ្លាប់ដឹកនាំក្រុមសិល្បករ សិល្បការិនី ហៅថា ក្រុមអង្គរសក្តិសិទ្ធិចំនួន៣០នាក់ ចេញទៅសម្តែងនៅសហរដ្ឋចំនួន៦សប្តាហ៍ គឺមានចំនួន៤រដ្ឋ ដើម្បីជួបជុំជាមួយខ្មែរនៅសហរដ្ឋអាមេរិក ។
ក្នុងពេលភ្ជុំបិណ្ឌឆ្នាំ២០១៣ បួងសួងរំលឹកគុណដល់ព្រលឹងជីដូន ជីតាខ្មែរនៅប្រទេសគេ ហើយបានសម្តែង និងបង្ហាញសិល្បៈវប្បធម៌នៅតាមមហោស្របនៃរដ្ឋ នីមួយៗ ព្រមទាំងបានចូលរួមមើលតាមសាលាសិល្បៈដើម្បីផ្លាស់ប្តូរបទពិសោធន៍គ្នាទៅវិញទៅមក។ ត្រឡប់មកវិញបានទៅសម្តែងនៅមហោស្រពចតុម្មុខ រាជធានីភ្នំពេញ ដោយមានវត្តមានសម្តេចព្រះរាមនរោត្តម បុប្ផាទេវី បានយាងទៅជាមួយ ។
ក្រោយមកបានចេញទៅសម្តែងរឿងរាមកេរ្តិ៍ នៅប្រទេសជប៉ុនចំនួន១០ថ្ងៃ ដោយមានសម្តេចព្រះរាមនរោត្តមបុប្ផា ទេវី យាងទៅជាមួយ ។ គ្រានោះមានភ្ញៀវចូលរួមទស្សនាចំនួន១៥០០នាក់ សម្តែងនៅមហោស្រពស៊ូមី ដាហូ មានការចូលរួមទស្សនាដោយបុត្រហ្លួង ជប៉ុន ៕
ចែករំលែកព័តមាននេះ