សហរដ្ឋអាមេរិក ៖ ក្នុងបទសម្ភាសន៍តាមទូរទស្សន៍មួយចេញផ្សាយកាលពីថ្ងៃទី២៨ មករា ប្រធានាធិបតីអាមេរិកបានរិះគន់សហភាពអឺរ៉ុប ដោយវាយតម្លៃថា នយោបាយពាណិជ្ជកម្មរបស់សហភាពអឺរ៉ុបចំពោះសហរដ្ឋអាមេរិកអយុត្តិធម៌ពេកហើយ ។
ប្រធានាធិបតីអាមេរិកស្នើឱ្យមានការពង្រឹងបណ្តាបែបបទខាងផ្នែកពាណិជ្ជកម្មក្រៅប្រទេស ។ កាលពីសប្តាហ៍មុន លោកបានចុះហត្ថលេខាលើក្រិត្យមួយដែលបង្កើតច្បាប់យកពន្ធ៣០%លើប៉ាណូចាប់ពន្លឺព្រះអាទិត្យនាំចូលដោយសហរដ្ឋអាមេរិកក្នុងក្របខណ្ឌនៃការរឹតត្បិតពាណិជ្ជកម្មឯកតោភាគីដំបូងៗសម្រេចដោយរដ្ឋការរបស់លោក ។
ក្នុងបទសម្ភាសន៍ជាមួយទូរទស្សន៍អង់គ្លេស ITV លោកដូណាល់ ត្រាំ ថ្លែងថា ខ្ញុំមានបញ្ហាច្រើនជាមួយសហភាពអឺរ៉ុប ហើយប្រការនេះអាចប្រែក្លាយទៅជារឿងធ្ងន់ធ្ងរបំផុតមួយក្នុងទស្សនៈពាណិជ្ជកម្ម ។ យើងនឹងមិនអាចនាំចូលបណ្តាផលិតផល ហើយវាពិតជាធ្ងន់ធ្ងរបំផុតទាក់ទិនដល់ការបញ្ជូនបណ្តាផលិតផលរបស់ពួកគេមកកាន់ប្រទេសយើង ដោយអត់ពន្ធ ឬយកពន្ធទាបបំផុត ។ វាអយុត្តិធម៌ខ្លាំងណាស់ ហើយបែបនេះអាចមានជាមួយប្រទេសឯទៀតៗ ។ ខ្ញុំអាចលើកឈ្មោះប្រទេស និងកន្លែងជាច្រើនដែលធ្វើបែបនេះ ។ ក៏ប៉ុន្តែសហភាពអឺរ៉ុបពិតជាអយុត្តិធម៌ខ្លាំងបំផុតចំពោះសហរដ្ឋអាេមរិក ។ តាមយោបល់ខ្ញុំបែបនេះពិតជាជះត្រឡប់ទៅប្រឆាំងខ្លួនវិញ ៕
ចែករំលែកព័តមាននេះ