ខេត្តត្បូងឃ្មុំ ៖ តំបន់ជនបទដាច់ស្រយាលត្រូវបានសប្បុរសជនជប៉ុនផ្តល់នូវអគារសិក្សា១ខ្នងមានចំនួន០៤បន្ទប់ សាងសង់អំពីបេតុងប្រក់ក្បឿង អណ្តូងទឹក បង្គន់អនាម័យ ស្ថិតនៅសាលាបឋមសិក្សា ឃ្លីវ ឃុំឈូក ស្រុកក្រូចឆ្មារ…
ខេត្តត្បូងឃ្មុំ ៖ តំបន់ជនបទដាច់ស្រយាលត្រូវបានសប្បុរសជនជប៉ុនផ្តល់នូវអគារសិក្សា១ខ្នងមានចំនួន០៤បន្ទប់ សាងសង់អំពីបេតុងប្រក់ក្បឿង អណ្តូងទឹក បង្គន់អនាម័យ ស្ថិតនៅសាលាបឋមសិក្សា
ឃ្លីវ ឃុំឈូក ស្រុកក្រូចឆ្មារ ដោយចំណាយថវិការចំនួន៦ម៉ឺនដុល្លារ ។ បានបើកសម្ពោធឲ្យប្រើប្រាស់ជាផ្លូវការនាព្រឹកថ្ងៃទី២៨ ខែមករា ឆ្នាំ២០១៨ ក្រោមអធិបតីភាពលោកបណ្ឌិត ស៊ាង ប៊ុនលាង ទីប្រឹក្សាផ្ទាល់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ ហ៊ុន ប៊ុនធឿនទីប្រឹក្សាអមក្រសួងការបរទេស និងសហប្រតិបត្តិការអន្តរជាតិ និងជាអនុប្រធាននាយករដ្ឋានហិរញ្ញវត្ថុនិងគណនេយ្យក្រៅប្រទេស ។
លោកឃុត ឡាដែន អភិបាលរងស្រុកក្រូចឆ្មារបានថ្លែងឲ្យដឹងថា អគារសិក្សានេះត្រូវបានចាប់ផ្តើម
សាងសង់នៅថ្ងៃទី២០ ខែសីហា ឆ្នាំ២០១៧ និងតុសិស្សចំនួន៤៨តុ គ្រូចំនួន០៤ រួមនឹងសមិទ្ធិផលផ្សេងៗទៀត ដោយនៅថ្ងៃទី២៧ ខែតុលា ឆ្នាំ២០១៧ ត្រូវបានសាងសង់រួចរាល់ជាស្ថាពរ ។ ដែលជាអំណោយរបស់អង្គការសហគមន៍ជួយកូនខ្មែរសតវត្សទី២១ នៃប្រទេសជប៉ុន និងមានការចូលរួមបដិភាគសាងសង់អគារសិក្សាឃ្លីវ និងដីសម្រាប់សាងសង់ចំណាយទឹកប្រាក់ចំនួន១០លានរៀល និង៥០០ដុល្លារ របស់លោកអាន ស៊ីណា ប្រធានមន្ទីរអភិវឌ្ឈន៏ជនបទខេត្តត្បូងឃ្មុំ និងមានការចួលរួម សមាគមន៏ភូមិ-ឃុំ លោកនាយក លោកគ្រូអ្នកគ្រូ នៅសាលាបឋមសិក្សាឃ្លីវចំនួន៣លាន និង៥០ម៉ឺនរៀល សព្វថ្ងៃនេះមានសិស្សប្រុស-ស្រីចំនួន១២៥នាក់ កំពុងតែសិក្សាចាប់ពីថ្នាក់ទី១ដល់ទី៤ ។
លោក Tsuneji Negishi ប្រធានអង្គការសមាគមន៏ជំនួយខ្មែរនៃសតវត្សទី២១ មានប្រសាសន៍ថាសម្រាប់ថវិការបានមក ដើម្បីសាងសង់អគារសិក្សាថ្មី១ខ្នង មានចំនួន០៤បន្ទប់ រួមនឹងសមិទ្ធិផលផ្សេងទៀត ដែលបានចំណាយអស់ចំនួន៦ម៉ឺនដុល្លារនោះ គឺបានមកពីការបរិច្ចាកថវិការរបស់សហជីពអាហ្សីណូមូតុនៅប្រទេសជប៉ុន ។ កាលពីមុនមកអគារសិក្សានេះមានសភាពទ្រុឌទ្រោម តែមកដល់ឥឡូវបានអគារសិក្សាថ្មីសាងសង់ពីបេតុងប្រក់ក្បឿងស្អាត ហើយសូមនាំគ្នាថែរក្សាប្រើប្រាស់ឲ្យបានយូរអង្វែងទៅថ្ងៃអនាគត ហើយសូមឲ្យមាតាបិតា មេត្តាជួយជម្រុញកូនៗមករៀនឲ្យបានគ្រប់ៗគ្នា ។
លោកបណ្ឌិត ស៊ាង ប៊ុនលាង ទីប្រឹក្សាផ្ទាល់សម្តេចតេជោ មានប្រសាសន៏ឲ្យដឹងថា រូបលោកសូមថ្លែ
ងអំណរគុណដល់សប្បុរសជប៉ុនដែលបានជួយសាងសង់អគារសិក្សានេះឡើង ដែលស្ថិតនៅតំបន់ជន
បទ ។ ជាមួយនោះសប្បុរសជនជប៉ុនមិនត្រឹមតែជួយដល់កន្លែងនេះទេ គឺមាននៅតាមបណ្តាខេត្ត-ក្រុង
ផ្សេងៗទៀតជាច្រើន ដូច្នេះពលរដ្ឋត្រូវតែនាំគ្នាថែរក្សាអគារនេះឲ្យបានគង់វង្ស យូរអង្វែងទៅថ្ងៃមុខ គ្រាន់តែលោក ហ៊ន់ ស៊ាងហុង អតីតនិស្សិតឆ្នើមនៅប្រទេសជប៉ុន ប្រធានអង្គការ T D O និងអ្នកស្រី
ហេង ច័ន្ទបុប្ជា បានគៀងគរថវិការរបស់សប្បុរសជនមកពីប្រទេសជប៉ុន ព្រមទាំងបណ្តាប្រទេសមួយចំនួនទៀត មកសាងសាលារៀន តារាងបាល់ទាត់ ផ្លូវលំ ជួសជុលអគារសិក្សា អណ្តូងទឹក តារាងបាល់ទាត់មាននៅតាមបណ្តាខេត្ត-ក្រុងជាច្រើន នៅប្រទេសកម្ពុជាប្រមាណជាង៧លានដុល្លារ ៕
ចែករំលែកព័តមាននេះ