ខេត្តរតនគិរី ៖ រថយន្តយីឌុបមួយគ្រឿងដឹកដំឡូងមីបង្កប់ឈើឡាំងបួនជ្រុងជាច្រើនដើម ត្រូវបានកម្លាំងកងរាជអាវុធហត្ថផ្ទៃប្រទេសសហការណ៍ជាមួយកម្លាំងផ្នែករដ្ឋបាលព្រៃឈើលំផាត់ធ្វើការបង្ក្រាប និងរឹបអូសបាន ខណៈដែលកំពុងលើករៀបដាក់នាវេលាម៉ោង៤រសៀល ថ្ងៃសុក្រ ១០កើត ខែមាឃ ឆ្នាំរកា…
ខេត្តរតនគិរី ៖ រថយន្តយីឌុបមួយគ្រឿងដឹកដំឡូងមីបង្កប់ឈើឡាំងបួនជ្រុងជាច្រើនដើម ត្រូវបានកម្លាំងកងរាជអាវុធហត្ថផ្ទៃប្រទេសសហការណ៍ជាមួយកម្លាំងផ្នែករដ្ឋបាលព្រៃឈើលំផាត់ធ្វើការបង្ក្រាប និងរឹបអូសបាន ខណៈដែលកំពុងលើករៀបដាក់នាវេលាម៉ោង៤រសៀល ថ្ងៃសុក្រ ១០កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៦ ខែមករា ឆ្នាំ២០១៨ ស្ថិតក្នុងភូមិ១ សង្កាត់កាចាញ ក្រុងបានលុង រួចបញ្ជូនទរក្សាទុកនៅបរិវេណខណ្ឌរដ្ឋបាលព្រៃឈើខេត្តបណ្តោះអាសន្នសិន។ តាមប្រភពបានបង្ហើបឲ្យដឹងថា រថយន្តយីឌុបមួយនេះតែងតែលួចដឹកឈើបង្កប់ដំឡូងមីជាញឹកញាប់ លោតឆ័ត្រដឹកចេញពីក្រុងបានលុងខេត្តរតនគិរីឆ្ពោះទៅប្រទេសវៀតណាមតាមច្រកទ្វារនៃខេត្តក្រចេះ និងខេត្តត្បូងឃ្មុំ។
រថយន្តយីឌុបដឹកឈើបង្កប់ដំឡូងមីនោះមានពាក់ស្លាកលេខ កំពង់ចាម ៣A-៣១៤១ ក្បាលពណ៌សលាយក្រហមទ្រុងខៀវដែលកំពុងធ្វើសកម្មភាពលើកឈើរៀបបង្កប់ដំឡូងមីក្នុងចម្ការ នៅភូមិ១ ហៅភូមិតាសុយ ខណៈនោះអ្នកបើកបរ និងកម្មករជាច្រើនអ្នកបានរត់គេចខ្លួនបាត់អស់ភ្លាមៗ ពេលសមត្ថកិច្ចទៅដល់ រីឯអត្តសញ្ញាណម្ចាស់ឈើ និងរថយន្តមិនទាន់បានស្គាល់នៅឡើយ។ តួលេខពិតប្រាកដឈើនៅលើរថយន្តនោះសមត្ថកិច្ចជំនាញមិនទាន់បានធ្វើការរើវាស់វែងនៅឡើយទេ កំពុងរក្សាទុករង់ចាំធ្វើការស្រាវជ្រាវរកម្ចាស់ឱ្យចូលខ្លួនដោះស្រាយបន្តតាមច្បាប់ព្រៃឈើ៕
ចែករំលែកព័តមាននេះ