យោងទៅតាមសេចក្តីរាយការណ៍របស់សារព័ត៌មាន The Independent បានឲ្យដឹងថា បុរសដែលត្រៀមធ្វើជាឪពុកគេហើយ តែបាក់ទឹកចិត្តទំនងជាជាប់ទាក់ទងនឹងការធ្វើឲ្យកូនក្នុងផ្ទៃរបស់ប្រពន្ធកើតមិនគ្រប់ខែ ។ ការសិក្សារបស់ Swedish បានរកឃើញការទាក់ទងមួយរវាងឪពុកដែលបាក់ទឹកចិត្តកើតឡើងដំបូង…
យោងទៅតាមសេចក្តីរាយការណ៍របស់សារព័ត៌មាន The Independent បានឲ្យដឹងថា បុរសដែលត្រៀមធ្វើជាឪពុកគេហើយ តែបាក់ទឹកចិត្តទំនងជាជាប់ទាក់ទងនឹងការធ្វើឲ្យកូនក្នុងផ្ទៃរបស់ប្រពន្ធកើតមិនគ្រប់ខែ ។ ការសិក្សារបស់ Swedish បានរកឃើញការទាក់ទងមួយរវាងឪពុកដែលបាក់ទឹកចិត្តកើតឡើងដំបូង និងការប្រឈមកាន់តែខ្ពស់នឹងការសម្រាលកូនមិនគ្រប់ខែ ។
ការសិក្សាដែលពិនិត្យទៅលើកូនកើតរួចប្រមាណ៣៦៦៤៩៩នាក់ ហើយក៏បានបញ្ជាក់ថា ស្ត្រីដែលបាក់ទឹកចិត្តមុនពេល ឬក្នុងពេលមានផ្ទៃពោះ ទំនងជាងាយនឹងធ្វើឲ្យសម្រាលកូនមិនគ្រប់ខែណាស់ ។ យ៉ាងណាមិញ ហេតុផលសម្រាប់ការទាក់ទងជាមួយនឹងការបាក់ទឹកចិត្តនេះមិនច្បាស់លាស់ឡើយ ។ ទ្រឹស្តីមួយទៅលើការទាក់ទងរវាងការសម្រាលកូនមិនគ្រប់ខែ និងការបាក់ទឹកចិត្តលើស្ត្រី គឺថាវាប្រហែលជាបង្កឡើងដោយសារតែការព្យាបាលដោយថ្នាំប្រឆាំងការបាក់ទឹកចិត្តជាងជំងឺ ។
ដូច្នេះរាល់ឥទ្ធិពលទាំងឡាយរបស់បុរសដែលកំពុងតែមានការបាក់ទឹកចិត្ត ការស្រាវជ្រាវនិយាយថា វាប្រហែលជាមានរឿងច្រើនដែលត្រូវធ្វើជាមួយនឹងឥទ្ធិពលនៃភាពតានតឹង ដែលកើតឡើងលើប្តីរបស់ស្ត្រីមានផ្ទៃពោះ។ អ្នកស្រាវជ្រាវក៏បាននិយាយទៀតថា ថ្នាំប្រឆាំងការបាក់ទឹកចិត្តមានឥទ្ធិពលមួយទៅលើមេជីវិតឈ្មោលដែរ ប៉ុន្តែវាដូចជាមិនទំនងសោះ ។
ស្ត្រីមានផ្ទៃពោះអាចនឹងមានភាពស្ត្រេសច្រើនចំពោះដៃគូទាំងពីរនាក់ ដូច្នេះអ្នកមិនគួរណាមានអារម្មណ៍ថា មានកំហុស ឬអៀនខ្មាសឡើយ បើសិនជាអ្នកពិតជាធ្លាប់មានអាការបាក់ទឹកចិត្តក្នុងពេលនេះមែន ។ អ្វីដែលសំខាន់នោះគឺថា អ្នកត្រូវតែស្វែងរកជំនួយពីគ្រូពេទ្យ ៕
ចែករំលែកព័តមាននេះ