រាជធានីភ្នំពេញ ៖ តារាសម្តែងថ្មីលោកថមមី បានឆ្លើយតបចំពោះព័ត៌មានដែលផ្សាយថា លោកគ្រោងរៀបការជាមួយតារាចម្រៀងសួស វីហ្សា ។ សារព័ត៌មានក្នុងស្រុកជាច្រើនបានចុះផ្សាយដំណឹងដ៏គួរឲ្យចាប់អារម្មណ៍ថាតារាសម្តែងលោកថម មី និងសួស…
រាជធានីភ្នំពេញ ៖ តារាសម្តែងថ្មីលោកថមមី បានឆ្លើយតបចំពោះព័ត៌មានដែលផ្សាយថា លោកគ្រោងរៀបការជាមួយតារាចម្រៀងសួស វីហ្សា ។
សារព័ត៌មានក្នុងស្រុកជាច្រើនបានចុះផ្សាយដំណឹងដ៏គួរឲ្យចាប់អារម្មណ៍ថាតារាសម្តែងលោកថម មី និងសួស វីហ្សា គ្រោងចូលរោងការនាពេលខាងមុខ បន្ទាប់ពីអ្នកទាំងពីរបានកសាងភាពជិតស្និទ្ធគ្នាជាថ្មីក្រោយពីជម្លោះ។
តាមរយៈការចុះផ្សាយដោយផ្អែកលើប្រភពក្រៅផ្លូវការនោះថា កន្លងមកតារាចម្រៀងសួស វីហ្សា និងគូស្នេហ៍លោកថមមី បានឈ្លោះគ្នា ដោយសារខ្វែងគំនិតគ្នា ។ អំឡុងពេលនោះ លោកថមមី បានងាកទៅបង្កាត់ភ្លើងស្នេហ៍ ជាមួយអ្នកមេម៉ាយកូនមួយនាង «ប្រិមប្រិយ» ហើយនាងប្រិមប្រិយក៏ធ្លាយដំណឹងថា មានភាពរកាំរកូសជាមួយគូដណ្តឹងនៅអាមេរិក ។ មួយរយៈពេលថ្មីៗកន្លងមកនេះ ស្រាប់តែឮថា លោកថមមី និងនាងប្រិមប្រិយ បានរលត់ចំណងស្នេហ៍ហើយថមមីងាកទៅត្រូវរូ៉វគ្នាវិញជាមួយសួស វីហ្សា និងត្រៀមចូលរោងការទៀតផង ។
បន្ទាប់ពីព័ត៌មាននោះផ្សព្វផ្សាយមក លោកថមមី មិនបានបដិសេធការទាក់ទងជាមួយសួស វីហ្សាទេ ។ អ្វីដែលសំខាន់លោកស្នើសុំឲ្យអ្នកសារព័ត៌មានកុំយកមនុស្សស្រីណាផ្សេងមកពាក់ព័ន្ធនឹងចំណងស្នេហ៍របស់ពួកលោកនាពេលនេះ ។
តាមរយៈសំណេរបង្ហោះតាមហ្វេសប៊ុក លោកថមមី បញ្ជាក់ថា «ថ្ងៃនេះ ពេលនេះខ្ញុំចង់ជម្រាបជូនបងប្អូនទាំងអស់ ពិសេស បងៗខាងសារព័ត៌មានឱ្យបានដឹងថារូបខ្ញុំគឺមិនបានពាក់ព័ន្ធជាមួយស្រីណាទាំងអស់ដូចព័ត៌មានបានចុះនោះទេ វាមិនមែនការណ៍ពិតទេ ក្រៅពីមនុស្សម្នាក់ដែលខ្ញុំស្រឡាញ់(S)។ ពួក បងៗបណ្តាសារព័ត៌មេត្តាឈប់យកនរណាម្នាក់ផ្សេងមកចូលពាក់ពន្ធ័ជាមួយពួកខ្ញុំតទៅទៀតទៅ ហើយរាល់ព័ត៌មានទាំងអស់ដែលទាក់ទងរវាងពួកខ្ញុំ សូមមេត្តាគួរតែមានការអនុញ្ញាតសម្ភាសពួកខ្ញុំជាមុនសិនមុននឹងចុះព័ត៌មានបែបនេះ កុំចេះតែយកមកចុះទាំងមិនពិត ។
សូមមេត្តាយល់ផង ជាពិសេសគេខាងស្រី តើគេមានអារម្មណ៍យ៉ាងណាពេលបានឃើញព័ត៌មាន អ៊ីចឹងៗ ។ គេមានម៉ែ មានឪពុក មានបងប្អូន សូមឱ្យតម្លៃមនុស្សស្រីផង។ រាល់ការទាក់ទងពួកខ្ញុំយ៉ាងណាក៏ដោយក៏ពួក បងៗគ្មានសិទ្ធិមកចុះ អ៊ីចឹងៗគួរតែឱ្យតម្លៃនិងគោរពគេខាងស្រីផង ។ ខ្ញុំខាងប្រុសមិនអីទេខូចឈ្មោះនោះ តែគេខាងស្រីនោះវាយ៉ាងម៉េចវិញ ។
យើងក៏មានម្តាយជាស្រី បងស្រី ប្អូនស្រីតើអារម្មណ៍យ៉ាងណាបើធ្លាក់លើយើងវិញនោះ សូមចុះតែព័ត៌មានដែលពិតបានហើយ កុំធ្វើយ៉ាងនេះតទៅទៀត ។
សង្ឃឹមថា លើកក្រោយមុននឹងចេញព័ត៌មានអីនោះ សូមមេត្តាផ្តល់កិត្តិយសឱ្យគេហើយដឹងច្បាស់ចាំនិយាយចេញមក ។ ឈប់យកឈ្មោះស្រីណាមកពាក់ពន្ធ័ជាមួយក្នុងរឿងពួកខ្ញុំទៀតព្រោះជីវិតខ្ញុំមានក្តីស្រលាញ់ខ្លាំងលើមនុស្សម្នាក់ប៉ុណ្ណោះ គឺគាត់(S) ។ ទោះខ្ញុំពេលនេះជាមួយគាត់យ៉ាងណានោះ វាក៏ជារឿងរបស់កម្មសិទ្ធិផ្ទាល់ខ្លួនដែរ» ៕
ចែករំលែកព័តមាននេះ