រាជធានីភ្នំពេញ ៖ បន្ទាប់ពីបង្ហាញមុខគូស្នេហ៍ជាសាធារណៈមក ពេលនេះនាងដេនី ក្វាន់ បានបង្ហើបពីគម្រោងរៀបការនៅដើមខែក្រោយ ។ សម្រេចចូលរោងការបន្ទាប់ពីនាងសាងស្នេហ៍អស់រយៈពេលជាង២ឆ្នាំមកនេះ ។ មិនបញ្ជាក់ពីកាលបរិច្ឆេទច្បាស់លាស់…
រាជធានីភ្នំពេញ ៖ បន្ទាប់ពីបង្ហាញមុខគូស្នេហ៍ជាសាធារណៈមក ពេលនេះនាងដេនី ក្វាន់ បានបង្ហើបពីគម្រោងរៀបការនៅដើមខែក្រោយ ។ សម្រេចចូលរោងការបន្ទាប់ពីនាងសាងស្នេហ៍អស់រយៈពេលជាង២ឆ្នាំមកនេះ ។
មិនបញ្ជាក់ពីកាលបរិច្ឆេទច្បាស់លាស់ នាងដេនី ក្វាន់ គ្រាន់តែបង្ហើបសារកាលពីពេល ថ្មីៗកន្លងមកតាមហ្វេសប៊ុកថា «នាងជិតដល់ថ្ងៃពិសេស និងកំពុងស្វែងរកហាងកាត់ដេរសម្លៀកបំពាក់ណាមួយដែលសក្តិសមសម្រាប់នាង» ។
ឆ្លើយតបជាមួយនឹងប្រិយមិត្តគាំទ្រដេនី ក្វាន់ សារភាពថា នាងមានគម្រោងចូលរោងការនៅខែក្រោយនេះ ហើយឲ្យមិត្តភក្តិរបស់នាងត្រៀមខ្លួន ។
បន្ទាប់ពីបានទទួលដំណឹងតាមរយៈដេនី ក្វាន់ បង្ហោះលើហ្វេសប៊ុកនោះរួចមក មិត្តភក្តិ និងអ្នកគាំទ្រនាងជាច្រើនបានសម្តែងការអបអរសាទរ ប្រសិនបើពិធីមង្គលការរបស់នាងពិតជារៀបចំឡើងតាមការគ្រោងទុកមែននោះ ។
តារាសម្តែងនាងដេនី ក្វាន់ បានបង្ហាញមុខគូស្នេហ៍របស់នាងជាសាធារណៈ នៅក្នុងអំឡុងពេលចុងឆ្នាំ២០១៧ បន្ទាប់ពីនាងញាំញីដោយរឿងរ៉ាវអាស្រូវជាបន្តបន្ទាប់ ។
ថ្វីដ្បិតគូស្នេហ៍ដេនី ក្វាន់ មិនមែនជាឧកញ៉ា ឬឯកឧត្ដមក្ដី តែជាអ្នកជំនួញកាន់លុយរាប់សែនដុល្លារក្នុងដៃ ។ បុរសនោះឈ្មោះច័ន្ទ មករា មានស្រុកកំណើតនៅខេត្តបាត់ដំបង សព្វថ្ងៃរស់នៅភ្នំពេញ ប្រកបមុខជំនួញធំពីរនៅក្នុងដៃ គឺជាថៅកែលក់រថយន្ត និងជាថៅកែយានដ្ឋានជួសជុលរថយន្ត ។
ក្រៅពីមានមុខជំនួញធំនៅក្នុងដៃហើយនោះលោកច័ន្ទ មករា ជាអនាគតស្វាមីដេនី ក្វាន់ ក៏មានផ្ទះ៣នៅរាជធានីភ្នំពេញតម្លៃរាប់សែនដុល្លារផងដែរ ។ លើសពីនេះក៏មានផ្ទះមួយទៀតនៅបុរីវិមានភ្នំពេញតម្លៃ១៦ម៉ឺនដុល្លារ ។
បើតាមការឱ្យដឹងពីក្រុមគ្រួសារ ចំណងស្នេហ៍ ដេនី ក្វាន់ និងលោកច័ន្ទ មករា កើតឡើងមកពីនិស្ស័យ ព្រមទាំងការអាណិត ។ ដេនី ក្វាន់ ស្ម័គ្រស្នេហ៍ព្រោះខាងប្រុសជាមនុស្សល្អ ពូកែយកចិត្តយកថ្លើម ចំណែកចាស់ទុំទាំងសងខាងបានគាំទ្រពួកគេ ៕
ចែករំលែកព័តមាននេះ