រាជធានីភ្នំពេញ ៖ ខ្សែភាពយន្តខ្មែរ៧រឿងនឹងចាក់បញ្ចាំងជូនសាធារណជនទស្សនាដោយមិនគិតថ្លៃ ដើម្បីរំលឹកពីខ្សែភាពយន្តខ្មែរ «ក្នុងសប្តាហ៍ភាពយន្ត»នៃវិទ្យាស្ថានបារាំងនៅកម្ពុជាចាប់ពីថ្ងៃទី២៤ ដល់ថ្ងៃទី ២៧ ខែមករា ឆ្នាំ២០១៨ ។…
រាជធានីភ្នំពេញ ៖ ខ្សែភាពយន្តខ្មែរ៧រឿងនឹងចាក់បញ្ចាំងជូនសាធារណជនទស្សនាដោយមិនគិតថ្លៃ ដើម្បីរំលឹកពីខ្សែភាពយន្តខ្មែរ «ក្នុងសប្តាហ៍ភាពយន្ត»នៃវិទ្យាស្ថានបារាំងនៅកម្ពុជាចាប់ពីថ្ងៃទី២៤ ដល់ថ្ងៃទី ២៧ ខែមករា ឆ្នាំ២០១៨ ។ ការបញ្ចាំងនៅទីលានហាលវាល និងរោងភាពយន្ត ។
នៅថ្ងៃពុធទី២៤ ខែមករា ម៉ោង៧យប់នឹងបញ្ចាំងរឿង «ដំណេកមាស» ដោយដាវី ជូ (ផលិតឆ្នាំ២០១១) បញ្ចាំងជាភាសាខ្មែរដែលមានអក្សររត់ពីក្រោមជាភាសាបារាំង។
ភាពយន្តខ្មែរមួយនេះ បង្ហាញសាច់រឿងនៅឆ្នាំ១៩៦០ ប៉ុន្តែបានឃើញការកើនឡើងនៃបដិវត្តន៍យ៉ាងឃោរឃៅបញ្ឈប់នៅឆ្នាំ១៩៧៥ ដោយការចូលកាន់កាប់អំណាចរបស់ខ្មែរក្រហម ។ ភាគច្រើននៃខ្សែភាពយន្តបានបាត់,តួសម្ដែងត្រូវបានសម្លាប់ និងរោងភាពយន្តបានក្លាយជាភោជនីយដ្ឋាន ឬហាងខារ៉ាអូខេ ។ ដំណេកមាស បានសរសេរពីពាក្យពេចន៍របស់អ្នកនៅរស់រានមានជីវិតខ្លះ ហើយព្យាយាមដាស់ស្មារតីនៃខ្សែភាពយន្តដែលត្រូវបានគេភ្លេចចោលនេះ ។
ថ្ងៃព្រហស្បតិ៍ទី២៥ ខែមករា ម៉ោង៣រសៀល រឿង «ទិព្វសុដាច័ន្ទ» ដោយឡាយ ងួនហេង (ផលិតឆ្នាំ ១៩៦៨)បញ្ចាំងជាភាសាខ្មែរដែលមានអក្សររត់ពីក្រោមជាភាសាអង់គ្លេស ។
ខ្សែភាពយន្តនេះបង្ហាញពីប្រវត្តិសោកនាដកម្មរបស់ទិព្វសុដាច័ន្ទ និងបុរសដែលស្រឡាញ់គឺវាសនា ។ សេចក្ដីស្រឡាញ់របស់ពួកគេត្រូវបានបំបែកដោយបុរសអ្នកមាន និងអ្នកមានអំណាច តើគូស្នេហ៍ទាំងពីរនឹងក្លាយទៅជាយ៉ាងណា ?
សម្រាប់ថ្ងៃដដែលម៉ោង៧យប់បញ្ចាំងរឿង «ឆ្នឹងដៃឪពុក» ដោយឡាយ ងួនហេង ការបញ្ចាំងហាលវាល ជាភាសាខ្មែរមានអក្សររត់ពីក្រោមជាភាសាអង់គ្លេស ។
នៅពេលបញ្ចប់ការរៀនសិល្ប៍វិជ្ជាមិត្តរួមគ្រូ៤នាក់បានសច្ចារួមសាមគ្គី និងស្មោះត្រង់ការពារ ជាតិ សាសនា ។ ប៉ុន្តែដោយសារលេចចេញនូវវត្តមានរបស់កាំបិត«ឆ្អឹងដៃឪពុក» ដែលជាកាំបិតទិព្វដ៏ល្បីឈ្មោះធ្វើឲ្យមិត្តភាពរបស់អ្នកទាំងបួនល្អក់កករ ។ ដើម្បីសងសឹកឲ្យឪពុក នួនក៏បានផ្សងព្រេងស្វែងរកកាំបិតនៅក្នុងប្រាសាទដ៏អាថ៌កំបាំងមួយ ។
ថ្ងៃសុក្រ ទី ២៦ ខែមករាម៉ោង៣រសៀល រឿង «អនអើយស្រីអន» ដោយលី ប៊ុនយីម (១៩៧២)បញ្ចាំងនៅរោងភាពយន្ត ជាភាសាខ្មែរមានអក្សររត់ពីក្រោមជាភាសាអង់គ្លេស ។ ខ្សែរឿងបង្ហាញពីស្នេហារបស់នារីឈ្មោះអន ដែលជួបបញ្ហាទុក្ខវេទនានៃស្នេហាត្រីកោណ និងសេចក្តីស្រឡាញ់ស្មុគស្មាញ ។
ម៉ោង៧យប់រឿង«សព្វសិទ្ធិ» ដោយលី ប៊ុនយីម (ឆ្នាំ១៩៦៥)បញ្ចាំងហាលវាល ជាភាសាខ្មែរដែលមានអក្សររត់ពីក្រោមជាភាសាអង់គ្លេស ។ នាងសុវណ្ណកេសរបានជឿជាក់ថា ស្វាមីរបស់នាងកំពុងបោកប្រាស់នាងដោយបានបូជាជីវិតខ្លួនឯងដោយការស្បថថាមិននិយាយជាមួយបុរសឡើយ ។ សព្វសិទ្ធិបានធ្វើតាមនាងដោយស្បថដើម្បីរកនាងនៅក្នុងការចាប់កំណើតក្រោយ ។ ភាពស្មោះត្រង់នឹងការសន្យាដែលបានធ្វើឡើងនៅក្នុងជីវិតផ្សេងទៀតរបស់នាង សុវណ្ណកេសរមិនដែលនិយាយទៅកាន់បុរសណាទេ ។ ឪពុករបស់នាង, ព្រះមហាក្សត្រ, បានសន្យាថានរណាម្នាក់ដែលអាចធ្វើឱ្យកូនស្រីគាត់និយាយបាន នឹងក្លាយជាស្វាមីនាង ។
ថ្ងៃសៅរ៍ទី២៧ ខែមករាម៉ោង៤រសៀល រឿង «បក្សីនៃឋានសួគ៌» ដោយ Marcel Camus (ផលិតឆ្នាំ១៩៦២) នៅរោងភាពយន្តជាភាសាបារាំង ។
បក្សីនៃឋានសួគ៌បានរំលឹកឡើងវិញនៅក្នុងប្រទេសកម្ពុជានូវស្នេហារបស់សុខ ជាពុទ្ធសាសនិកវ័យក្មេង ដែលបានលះបង់គម្រោងរបស់គាត់ដើម្បីក្លាយជាព្រះសង្ឃ និងដារ៉ាដែលជាអ្នករាំដ៏ពិសិដ្ឋដែលបក្សីឋានសួគ៌បានសន្យាសុភមង្គល ។
ម៉ោង៧យប់រឿង «រស់ដោយសប្បាយ» ដោយសម្តេចព្រះនរោត្តម សីហនុ (ផលិតឆ្នាំ១៩៦៩)ការបញ្ចាំងហាលវាល ជាភាសាខ្មែរមានអក្សររត់ពីក្រោមជាភាសាអង់គ្លេស ។
ព្រះអង្គម្ចាស់ចាន់ ថារង្ស ជាប់ក្នុងពន្ធនាគារពីបទបើកបនល្បែងដោយលួចលាក់ក្នុងហាងផ្កាមួយនៅគិរីរម្យ ។ ឆ្លៀតពេលនោះអ្នកម្នាងរបស់ព្រះអង្គបានទាក់ទងស្នេហាជាមួយក្មួយប្រុសព្រះអង្គ និងអ្នកគ្រប់គ្រងសណ្ឋាគារ ។ តើនឹងមានអ្វីកើតឡើងនៅពេលដែលព្រះអង្គម្ចាស់ចាន់ថា វង្ស ចេញពីពន្ធនាគារ ៕
ចែករំលែកព័តមាននេះ