ខេត្តរតនគិរី ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ត្រូវនគរបាលឃាត់ខ្លួន កាលពីថ្ងៃទី២២ មករា ពាក់ព័ន្ធពីបទរំលោភសេពសន្ថវៈទៅលើប្អូនថ្លៃស្រីរបស់ខ្លួនបានសម្រេចជាច្រើនលើក កើតឡើងក្នុងខេត្តរតនគិរី។ ជនសង្ស័យខាងលើ មានឈ្មោះ សែម សារ៉ូ ភេទប្រុស អាយុ៣២ឆ្នាំ មានទីលំនៅភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី ។ រីឯក្មេងស្រីរងគ្រោះ អាយុ១៤ឆ្នាំ រស់នៅក្នុងភូមិជាមួយគ្នា ។
តាមប្រភពពីមន្ត្រីនគបាលអធិការស្រុកកូនមុំបានឱ្យដឹងថា ជនសង្ស័យបានរំលោភប្អូនថ្លៃបានសំរេចជាច្រើនលើក ហើយរឿងនេះបានបែកធ្លាយដឹងដល់ប្រពន្ធ ដែលត្រូវជាបងស្រីបង្កើតរបស់ក្មេងស្រីរងគ្រោះ ទើបប្រពន្ធក៏បានដាក់ពាក្យប្តឹងឱ្យចាប់ខ្លួនតែម្តង ។
យោងតាមពាក្យបណ្តឹងបងស្រីឱ្យដឹងថា ប្តីរបស់ខ្លួនរូបនេះ បានរំលោភប្អូនស្រីបង្កើត(ប្អូនថ្លៃ)យូរណាស់មកហើយ តែខ្លួនមិនដឹងចេះតែសង្ស័យ ហើយក៏បានមកដាក់ពាក្យបណ្តឹង ទើបសមត្ថកិច្ចនគរបាលស្រុកកូនមុំធ្វើការកោះហៅជនសង្ស័យមកសាកសួរ។
ជនសង្ស័យរូបនេះក៏បានឆ្លើយសារភាពដែរថា «ខ្លួនពិតជាបានរំលោភប្អូនថ្លៃជាច្រើនលើកពិតប្រាកដ
មែន» ។
ចែករំលែកព័តមាននេះ