ការដើរអាចទប់ស្កាត់ជំងឺតម្រងនោម
អ្នកស្រាវជ្រាវជនជាតិតៃវ៉ាន់បានរកឃើញថា អ្នកជំងឺតម្រងនោមគួរតែដើរឲ្យបានច្រើន បើមិនចង់លាងឈាម ប្តូរតម្រងនោម ឬស្លាប់ទាំងក្មេងវ័យ ។ វេជ្ជបណ្ឌិតឈី យីជូ (Che-Yi Chou)…
អ្នកស្រាវជ្រាវជនជាតិតៃវ៉ាន់បានរកឃើញថា អ្នកជំងឺតម្រងនោមគួរតែដើរឲ្យបានច្រើន បើមិនចង់លាងឈាម ប្តូរតម្រងនោម ឬស្លាប់ទាំងក្មេងវ័យ ។
វេជ្ជបណ្ឌិតឈី យីជូ (Che-Yi Chou) បាននិយាយថា «ក្នុងមួយសប្តាហ៍បើអ្នកដើរយ៉ាងតិចឲ្យបានម្តងក្នុងរយៈពេល៣០នាទី អ្នកប្រាកដជាទទួលបានលទ្ធផលគួរជាទីពេញចិត្ត ហើយវារឹតតែល្អប្រសើរបន្ថែមទៀត បើអ្នកអាចដើរបានញឹកញាប់ និងយូរជាងនេះ»។
អ្នកជំងឺដែលដើរហាត់ប្រាណបានកាត់បន្ថយអត្រាមរណភាពរបស់ពួកគេដល់ទៅមួយភាគបី ក្នុងអំឡុងពេលនៃការស្រាវជ្រាវ ហើយមានអ្នកជំងឺតិចជាង២១% ដែលត្រូវទទួលការលាងឈាម ឬប្តូរតម្រងនោម បើធៀបទៅនឹងអ្នកដែលមិនដើរ ។
អ្នកជំងឺដើរកាន់តែច្រើនកាន់តែល្អ ។ ធៀបទៅនឹងអ្នកមិនដើរ អ្នកដែលដើរលើសពី៧ដងក្នុងមួយសប្តាហ៍ អត្រាស្លាប់របស់ពួកគេមានការថយចុះដល់ទៅ៥៩% ។
អ្នកចូលចិត្តដើរមានសុខភាពល្អប្រសើរជាងអ្នកដែលមិនដើរ ។ អ្នកដើរប្រឈមមុខតិចជាងទៅនឹងបញ្ហាសុខភាពដ៏ទៃទៀតផងដែរ ដូចជាជំងឺបេះដូង និងជំងឺទឹកនោមផ្អែម ៕
ចែករំលែកព័តមាននេះ