ខេត្តបន្ទាយមានជ័យ ៖ សាច់មាន់ខូចគុណភាព និងគ្មានអនាម័យចំនួន៧៦០គីឡូក្រាម ត្រូវបានមន្ត្រីកាំកុងត្រូល ប៉ុស្តិ៍អន្តរជាតិប៉ោយប៉ែត ធ្វើការឆែកឆេរចាប់បានកាលពីរសៀថ្ងៃទី២១ ខែមករា ឆ្នាំ២០១៨ នៅមាត់ច្រកទ្វារអន្តរជាតិប៉ោយប៉ែត…
ខេត្តបន្ទាយមានជ័យ ៖ សាច់មាន់ខូចគុណភាព និងគ្មានអនាម័យចំនួន៧៦០គីឡូក្រាម ត្រូវបានមន្ត្រីកាំកុងត្រូល ប៉ុស្តិ៍អន្តរជាតិប៉ោយប៉ែត ធ្វើការឆែកឆេរចាប់បានកាលពីរសៀថ្ងៃទី២១ ខែមករា ឆ្នាំ២០១៨ នៅមាត់ច្រកទ្វារអន្តរជាតិប៉ោយប៉ែត ។
ខណៈឈ្មួញលួចនាំចូលតាមរទេះបង្កប់ក្រោមទំនិញពីថៃ ។ ករណីឆែកឆេរចាប់សាច់មាន់ ឆ្អឹងខូចគុណភាពខាងលើ ត្រូវបានលោក ឈុន ពិសិដ្ឋ នាយប៉ុស្តិ៍កាំកុងត្រូលច្រកទ្វារអន្តរជាតិប៉ោយប៉ែត ប្រាប់ថា ធ្វើឡើងក្រោយពីមានសេចក្តីរាយការណ៍ពីបណ្តាញមកថា មានឈ្មួញលួចដឹកសាច់មាន់ឆ្អឹងខូចគុណភាពតាមរទេះនាំចូលពីថៃតាមច្រកទ្វារអន្តរជាតិបោយប៉ែត ។
មេប៉ុស្តិ៍កាំកុងត្រូលរូបនេះបន្តថា ក្រោយទទួលសេចក្តីរាយការណ៍ពីបណ្តាញ លោកក៏បានដឹកនាំក្រុមការងារឆែកឆេររទេះសង្ស័យខាងលើ ដឹងអីកម្មករស៊ីឈ្នួលសណ្តោងរទេះដឹកសាច់ខូចគុណភាពនោះបានបើកម៉ូតូគេចខ្លួនបាត់ បន្សល់នៅតែរទេះ ហើយពេលធ្វើការឆែកឆេរស្រាប់តែឃើញសុទ្ធតែសាច់មាន់ និងឆ្អឹងខូចគុណភាណ គ្មានអនាម័យតែម្តង ។
លោក ស៊ាន ស៊ីណាត ប្រធានសាខាកាំកុងត្រូលខេត្តប្រាប់តាមទូរស័ព្ទថា ដោយអនុលោមតាមការសម្របសម្រួលពី លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត សាច់មាន់ទាំងនេះត្រូវបានលោកដឹកនាំមន្ត្រីក្រោមឱវាទសហការណ៍ជាមួយមន្ត្រី និងសមត្ថកិច្ចពាក់ព័ន្ធនៅមាត់ច្រកទ្វារអន្តរជាតិប៉ោយប៉ែត នាំយកទៅដុតកម្ទេចចោលរួចហើយនៅរសៀលថ្ងៃដដែល ៕
ចែករំលែកព័តមាននេះ